Tigtambag sa Mentor Me On
Wheels nahitapnas sa Bohol
TAGBILARAN CITY, Bohol, October 26 (PIA)—Kapin sa 500 ka mga Bol-anon nga gagmay nga mga mamumuhunan ug negosyante ang nakapahimulos sa 42 ka nga nagkalain-lain nga tigtambag alang sa negosyo sa usa sa labing gidugok nga hugna sa mentoring nga dinhi gipahigayon sa Bohol.
Kini diha nga nahidangan ang Mentor Me on Wheels (MMOW) didto sa Island City Mall dinhi sa Tagbilaran City niadtong October 25, 2019.
Kalihukan nga bitbit sa Philippine Center for Entrepreneurship ug sa Go Negosyo, kini gipasayon pinaagi sa pagpakig-abin sa Department of Trade and Industry ug sa Bohol Chamber of Commerce and Industry.
Ang MMOW nagdala sa mga batid sa tanan nga natad sa negosyo nga nagagikan pa sa Manila, sa silingan nga lalawigan sa Cebu ug sa Bohol Bohol.
Didto, ang matag us aka tigtambag o mentor mohatag og tag 30 minutos nga one-on-one mentorship sessions sa mga mingtambong nga mamumuhunan kinsa usab naghandum nga makakab-ot na sa ilang pangandoy nga malungtaron ug madagayaon nga negosyo.
Partikular nga mga unod sa mga tambag nga gibuhi-an sa mga batid sa negosyo mao ang kabahin sa Entrepreneurial Mind Setting ug Values Formation, Marketing ug Financial Literacy/Financing.
Sa iyang mensahe, si DTI Regional Director Asteria Caberte ming-aghat sa mga mingtambong sa pagpahimulos sa kahigayunan aron makahinabi ang mga batid ug nga gitamud nga negosyante aron makakuha og ga propesyonal nga sugyot o tambag aron epektibo nga madumala ang mga negosyo.
Ang kalihukan gitambongan usab nila ni Bohol Governor Arthur Yap, City Mayor John Geesnell Yap ug mismo sila si PCE Virgilio “Noy” Espeleta ug Henry Tenedero, kinsa maoy nagrepresentar sa founder sa PCE-Go Negosyo nga si Joey Concepcion ang nanguna sa bahan gikan sa Manila. (rahc/PIA-7/Bohol/vliganDTI)
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91183.0