3 ka adlaw wala’y trabaho sa
Bohol: Oct 31, Nob 1, Nob 4
TAGBILARAN CITY, Bohol, Oct 18, 2022 (PIA) –Bisan pa kon nay trabaho ang Nobyembre 2 kanus-a saulogon sa mga Kristyanos ang Adlaw sa mga Kalag, tulo pa gihapon ka adlaw nga walay trabaho-an sa Bohol alang sa usa ka semana.
Kini tungod kay gideklara na ni Presidente Ferdinand Marcos Jr., ang Oktubre 31, 2022 isip Special Holiday ug walay trabaho sa tibuok nasud.
Ang deklarasyon nga napalamon sa Proclamation No 79 nga gipirmahan ni Executive Secretary Lucas Bersamin sa katungod sa Presidente, nagbutyag sa walay trabaho sa Oktubre 31.
Kini, nga natunong sa adlaw nga Lunes, makahatag og kahigayunan sa pagpalig-on sa bugkos sa mga pamilya ug magpadugang sa kalihukang pangturismo.
Pagkasunod adlaw, adlaw nga Martes gihandum usab sa kalibutang Kristohanon ang Adlaw sa mga Santos.
Ug subay sa Proclamation 1236 nga gipagawas niadtong Oktubre 29, 2021, ang Nobyembre 1, Adlaw sa mga Santos, usa ka Special Non-Working holiday sa tibuok nasud.
Sagad nga buhaton sa mga Katoliko niining adlawa mao ang pagtanda sa ilang mga mahal sa kinabuhi diha sa ilang mga lubnganan ug pagdagkot og mga buwak dala sa pag-ampo sa kapahulayan sa mga kalag, ug panalipud sa mga buhi.
Mobalik sa trabaho sa pagka Miyerkules ug Huwebes, Nobyembre 2 ug 3, samtang sa pagka Nobyembre 4, adlaw nga Biyernes, wala na usab trabaho dala sa Republic Act 7448.
BASAHA ANG SUMPAY GIKAN SA INYONG PABORITONG MANTALAAN
#EmpoweringCommunities
Get FREE 1024GB of cloud storage at
www.terabox.comLinkback:
https://tubagbohol.mikeligalig.com/index.php?topic=123246.0
Topic: Bohol Holidays in November (Read 370 times)