4 anyos nga Bata nabanggaan sa habal-habalDrayber walay lisensya, motor walay rehistro
Aksidenteng nabanggaan sa motorsiklo ang usa ka 4 anyos nga bata sa usa ka drayber sa habal-habal sa kadalanan sa barangay Pitogo, lungsod sa Carlos P. Garcia.
Ang kuatro anyos nga biktima lumolupyo sa nahisgotang lugar, aksidenteng nabanggaan sa usa ka motorsiklo, nga gimaneho ni Eduardo Ocon Y Agbay, 34 anyos, minyo, habal-habal driver ug nagpuyo usab sa mao nga lugar.
Ang biktima naigo sa wala nga bahin sa iyang ulo. Ang biktima sa driver gidali pagdala ngadto sa Don Emelio Memorial Hospital, Ubay, Bohol sa mga ginikanan ug sa drayber apan gitambagan nga dalhon kini ngadto sa Gov. Celestino Gallares Memorial Hospital, Tagbilaran City alang sa medical treatment.
Ang drayber napakyas sa pagpresentar sa iyang lisensiya ug rehistro sa iyang motorsiklo. Wala hinuon pasagdi sa drayber ang biktima kay giubanan pa man kini hangtod sa tamabalanan sa dakbayan samtang ang motorsiklo gidala ngadto sa buhatan sa kapolisan. Roger M. Sarausa
Linkback:
https://tubagbohol.mikeligalig.com/index.php?topic=7674.0