SuperBalita Cebu » Kalingawan
Friday, June 6, 2014
Dear Papa Joe,
Tawga lang ko og Pochoy, 24 years old, usa ka call center agent. Sayo ko nasulod sa maorag kinabuhing minyo kay kini laging nabaghuan nga makauyab og tarong, naka enter na hinuon og ahat.
Sa uyab pa mi ani niya, naa siyay batasan nga malditahon pero abi nako og dala lang ni sa iyang pagkadaga kay kasagaran sa mga batan-on ron ingon ana man ang style, maora og Westernized na. Pero sa dihang nag-ipon na mi ug namabdos siya kay nagsugod na kagrabe iyang batasan kay selosa na kaayo. Bisan kauban nako sa trabaho selosan. Bisan pagpang-extra nako sa pag-ayo og PC kay apilon na. Angay ra man ta ni siya sa among umaabot nga anak kay mahal na baya ron panahuna.
Dihang nanganak na siya, nisamot ang iyang batasan kay moapas na sa among trabahuan kay dugay kuno ko nga bisan nag-overtime gani. Magmuro dayon ug mahulog og away, gawas dayon ang selos diri, selos didto ug dayon og gulat nga makig buwag kay wa siya magdahum nga way umento among relasyon.
Unsa may buot pasabot niya sa umento nga sugod pa gani mi. Karon kay naka-hunahuna nako nga makigbuwag lang niya ug suportahan na lang nako ang bata kay sa mag-antos ko sa iyang batasan. Sakto ba kaha akong desisyon? Palihug tambagi ko.
POCHOY
Linkback:
https://tubagbohol.mikeligalig.com/index.php?topic=78481.0