Ni JOY F. TUMULAK
BANA nipatay sa iÂÂÂyang asawa atubangan sa ilang unom ka mga anak tungod lang sa “swertres†ug human mapatay ang asawa, nagdunggab sa iyang kaugalingon.
Kini nahitabo pasado alas 8 sa milabay nga gaÂbii sa sityo Exoville, Barangay Basak Pardo, dakbayan sa Sugbo.
Ang biktimang namatay paghiabot sa tambaÂlanan mao si Winstel Ancajas Geverola, 31, kinsa nakaangkon og dagÂhang mga samad dinunggaban.
Ang suspek mao si Reynante Geverola, 32, usa ka security guard.
Sa pasiuna nga imbestigasyon nga gihimo nila ni SPO2 Rommel BangÂcog ug mga kauban sa Homicide Section sa Cebu City Police Office nagbutyag nga nagsugod ang panaglalis sa magtiayon atubangan sa unom nila ka mga anak nga menor de edad human nga wa mapustai sa bana ang numero nga gi-maintain sa asawa.
Nirason ang bana nga “sold out†na ang maong numero ug di na mahimong mapustaan.
Wa motuo ang asawa hinungdan sa init nila nga lalis.
Nikuha og kwarta ang asawa ug giitsa ngadto sa bana.
Diha naglagot ang baÂna ug tungod niini, niÂkuha kini og kutsilyo ug dayon gihansakhansak sa makadaghan ang asaÂwa sa nagkadaiyang parÂte sa iyang lawas, wa naÂminaw sa sininggitay sa mga anak ug hinilakay.
Tungod sa kaguliyang sulod sa balay, nakahatag kini og pagtagad sa ilang mga silingan nga tupad ra nila og gipuy-an.
Daling nipahibawo sa amahan sa babaye ang mga silingan ug maoy naÂabtan ni Ricardo Ancajas nga ang iyang uÂÂÂmagad nga si Reynante nagkadugo ug naggunit og kutsilyo sa iyang kamot.
Naabot ang mga siliÂngan ug nanawag sa kaÂpulisan.
Pag-abot sa kapoliÂsan, wa na igkita ang hinagiban nga gigamit sa pagdunggab kay gilabay na ni Reynante.
Dugang nasayran sa kapolisan gikan sa kinaÂmagÂwangan nga anak sa biktima nga nag-edad og 9 anyos nga human giÂdungÂÂgab ang iyang inahan, nagdunggab sa kaÂÂÂuÂgalingon ang iyang aÂÂÂmahan.
Si Reynante, dali nga gidala sa tambalanan tungod sa samad diha sa iyang tiyan.
Ang magtiayon dugay na nga nag-ipon, nagbaton na og unom ka mga anak, apan niadtong lang Abril nagpakasal sa pari.
Gipatik sa mantalaang SuperBalita Cebu Mayo 24, 2015.
Linkback:
https://tubagbohol.mikeligalig.com/index.php?topic=80020.0
Topic: Suertes ang hinungdan sa lalis nga nakapatukmod sa bana pag-ihaw sa iyang misis (Read 879 times)