Ni Wen Celen (Banat) | Updated April 10, 2013 - 12:00am
Niay balita nga usa ka bana nga OFW misang-at og reklamo pakigbuwag sa iyang asawa sa katarungan nga di na makig-sex kaniya ang naulahi.
Usa sa katarungan sumala sa abogado nga gikonsulta sa maong kihante mao nga nahadlok ang asawa nga matakdan og sakit nga AIDS sa pagduda nga nakatilaw ang iyang bana og babaye didto sa gawas nga may AIDS.
Ang tinuod ang sex maoy usa sa labing mahinungdanong gimbuhaton sa magtiayon aron paglig-on sa bugkos sa kaminyoon.
Ang suliran sa kuwarta sekondarya na lang, kay kun maayo lang og relasyon ang asawa ug bana unya pulos kugihan maningkamot aron mabuhi, unya kanunay nga maghinatagay ang usa ug usa sa ilang lawas alang sa sex, di baya kaayo bug-at ang suliran bisan kun kuwangon usahay sa panginahanglan.
Hinuon sa Biblia mabasa nga sa pagsugo sa Dios sa magtiayon nga magpakatagbaw sa sex aron magdaghan hangtud malukop ang kalibotan, iya usab nga gihatagan og preno ang tawo nga magpugong kun mosanay na kini sa kalibotan.
Linkback:
https://tubagbohol.mikeligalig.com/index.php?topic=71882.0
Topic: Magtiayon nga maghinikaway sa sex makasala (Read 797 times)