http://www.sunstar.com.ph/Ni Jeepy P. Compio
Sunday, March 1, 2015
USA ka asawa ang mipatala sa Women and Children's Protection sa Talomo Police Station kay gipaak iyang nawong sa iyang mister atol sa ilang panaglalis ala 1:20 sa kaadlawon, Sabado.
Nagreklamo mao si Maricel (bansagon gitago) 33, nagpuyo sa Shanghai, Barangay Matina Aplaya, siyudad sa Davao.
Subay sa impormasyon nga nakalap sa Sun.Star Superbalita, hilabihan ang kasuko ni Maricel dihang miuli ang iyang bana nga wa makadala og kuwarta.
Sa kalagot sa mister, gigunitan ang ulo sa iyang asawa og giayo pagkitkit ang iyang walang aping.
Si Maricel nakaangkon og dakong hubag ug samad kinitkitan sa iyang aping ug imanduan sa kapulisan nga magpa-check-up sa Southern Philippines Medical Center.
Dihang giadto na sa mobile patrol ang ilang balay, nahukman ni Maricel nga ilaha nalang istoryahon ang hitabo sanglit iyang mister lang ang nanginabuhi kanila.
Linkback:
https://tubagbohol.mikeligalig.com/index.php?topic=79644.0