Thursday, May 07, 2015
BUN-OG ang usa ka babaye human gikulata sa asawa sa giingong uyab niini human nasapon nga nagsakay sa dyip nga gimaneho sa bana.
Ang biktima naila nga mao si Virginia, dili tinuod nga pangalan, lumulupyo sa Talakag, Bukidnon.
Subay sa report nga gi-ayo og layog sa usa ka Alma, asawa ni Lemicio, usa ka drayber og dyip hinungdan nga dali kini nga gidala sa Northern Mindanao Medical Center (NMMC).
Nasayran nga nasapon ni Alma kining biktima nga kanunay nga magsakay sa dyip nga gimaneho sa iyang bana hinungdan nga sa dihang naabtan gayod kini kalit nga gilayog ug gisipa hinungdan nga nakuyapan ug daling gidala sa balay tambalanan.
Nakaangkon og daghang bun-og sa kalawasan ang biktima ug samad sa iyang liog tungod na usab sa grabe nga pagkulata ug paglayog kaniya.
Sa pagsuwat niini nga balita, ang biktima ang pabilin pa nga nagpaayo sulod sa NMMC human sa naangkong mga bun-og sa kalawasan. (KCS)
Gipatik sa mantalaang SuperBalita Cagayan de Oro Mayo 08, 2015.
Linkback:
https://tubagbohol.mikeligalig.com/index.php?topic=79928.0