Hi Delaguna! Sa UB pod ko graduate pero adtong 1988 ug sa Night High School ko. Ibig ko anang inyong pictures sa reunion oi. Bitaw ika 20 years napod diay karong buwana gikan pag graduate nako. Wala man lang jud koy contact bisan mausa sa ako mga friends ug classmates sa UB. Basin naa ka nailhan sa ako batch just in case. Marites Pitoy ako pangalan kaniadto. Karon Berry na ako last name.
Pon, so kadtong hapit na ko mo graduate ug college sa 1987, bale third year high school ka. Ang akong mga subject adto kasagaran pang gabii ug tag 9:30PM ang akong last class. Siguro kamo to nga mga high school nga garaon kaayo ug mo abot ug dagan dagan sa Engineering room kay atbang ra man to ang Engineering rooms sa high school building sa una.
Basta akong mahinumduman nga sa 5:00pm mag practice na ang mga varsity ug duwa unya hangtod na sa gabii. Ang among maestro sa una pirme absent, mao nga para tag-huwat sa sunod subject, mo apil kog itsa itsa sa basketball.
Akong most unforgettable experience sa college pako kadtong 1st year pa mi unya mga garaon basta magka grupo. First day sa school samtang ga huwat mi sa maestra, among taghoy-taghoyan kung dunay gwapa nga mo sulod sa room, hangtod dihay gwapa mi sulod, among gi taghoyan unya mao diay to among maestra nga si Maam Luzano. Unya gi duol mi niya ug gi ingnan "ayaw mo pag salig kay sayon ra mo hagbongon".
Hi Macky! Muot ra nang imong esturya nga nataghuyan ninyo si Ma'am Luzano. Mura'g dumdum ko ana niya nga gwapa kaayo unya mura man gud pod to siya ug bata pa noh?
Usa siguro ko adto sa mga garaon sige'g dagan-dagan pero sa quadrangle man mi.
Bitaw dili ko tigdagan-dagan didto dapita. Pero adtong from 1st year to 4th year nako adto mi dapit sa engineering rooms mag practice ug sayaw kung walay bakante sa high school. Hehehe usahay magabitbit pa ko ug cassette player.
Unya kung hapit na jud mi mo perform adto mi sa kadtong place bitaw na mogawas pa ta sa building unya mosulod sa naay underground? Adto i-held ang ubang activities like JS Prom? Usahay kay maabtan namo ng manggi-pairs who knows what unsay ilang gipangbuhat... Basta manglayas sila kung naa nami didto kay saba man ug kit-an sila kay amo man i-turn on ang mga lights.
Usahay gud no kay naa mi makit-an didto manggihithit ug kabalo naka. Naa nalang makit-an namo mahibilin ng mga gamit nila.
Sa ato pa diay mura'g kamo ra ka batch ni Jonas noh? Diba graduate si Jonas ug '87 pod or basin '86 to?
Kataw-anan bitaw tong incident ni Lozano kay mura man gud siya ug istudyante pod kay wala may uniform ang engineering nga teachers. Basta gi dumtan ko uy unya gi lisod lisod akong mga projects. Pagka third year nako, siya na pod akong maestra unya wala makalimot. Unang roll call gipatindug mi tanan unya gi ingnan ko, "manong nang ngisi ngisi man ka, mura man ka gi lamian".
Bahin adtong inyong practisanan ug sayaw, mao to ang new building nga gym. Ado agi-on sa Commerce building basta mo gawas ka unya mo sulod adto nga gamay nga gate kay under construction pa man to. Daghan bitaw manggi date adtong dapita kay ngit ngit man. Mo ingon dayon ang laki, day atong pahimuslan ang kangitngit sa kagabhion.
So miembro diay ka sa dance troupe. Unsa man imong gi sayaw, Jazz or mga folk dance?
Si Jonas manghud nako ug usa ka tuig, ug si Mening maguwang nako ug usa ka tuig, bale sa tunga tunga ko.
Pirme ko anang dapita sa una kay among silingan nga si Felix Bangalao, nag trabaho diha sa Century trading, dapit ra sa ice plant. Kaila ka ani?
Macks, dili man Bangalao apelyido adtong Felix. Cousin man gihapon na nilang Jonas ug Mening na si Felix. Ay Galao apelyido adto diay Macks! Anang man na ni Nang Lourdes or ni Nang Bating ba to.