Author Topic: Corella, Bohol Elected Officials  (Read 7416 times)

pioneer

  • To God be the glory alone
  • FOUNDER
  • GURU
  • *****
  • Posts: 18911
  • stay at home
    • View Profile
    • spiritual preparation
Corella, Bohol Elected Officials
« on: May 21, 2007, 08:52:31 PM »
Corella

Corella Officials

Mayor: Vito Rapal
Vice: Efepanio Bolando

Councilors

1.Godofredo Ado
2.Dione Buagas
3.Expedito Lumain
4.Ma. Asuncio Daguio
5.Danilo Bandala
6.Patricio Curso
7.Paul Ello
8.Timoteo Ejira

Linkback: https://tubagbohol.mikeligalig.com/index.php?topic=344.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."
👇👇👇
Na-try mo na ba yung Tala app? Reliable sa unexpected expenses at laking tulong sa future! Use this code 9SO1TSL or visit www.tala.com to sign up!

unionbank online loan application low interest, credit card, easy and fast approval

ambrosio hugo tubigbahand

  • STUDENT
  • *
  • Posts: 81
    • View Profile
Re: Corella, Bohol Elected Officials
« Reply #1 on: January 08, 2010, 12:24:43 PM »
Mabulukon ang  imong gi-toki nga ang political scene sa corella, bohol tali sa Nacionalista, Liberal ug uban pang partido.
 
Pagkahuman sa ikaduhang gyera ang mga liberal party man ang milingkod ug gipili para mosilbi sa atong lungsod sa pamunon-an ni anhing Anhing alde tumala.
 
Pagkahuman sa ikaduhang termino, gipulihan sila sa grupong nacionalista- Anhing Andro tocmo group deretso tulo ka termino hangtud nga siya napili pag ka bokal.
 
Pagka human mi-puli usag ang usa ka Nacionalista nga si anhing dodong daquipa para sa duha ka termino hagntud nga gi-deklara ang martial law- walay pinili-ay.
 
Sa tuig 1980 panahon pa sa Martial Law, sakit kaayo sa grupo Nacionalista/KBL nga standard bearer nila nga Exequiel Curayag mao ra ang wala mapili sa entero nga linya ang milusot lang mao ang bise nga si anhing boning ello ug mga kagawad, subo usab sa kampo nacionalista/KBL kini kay kini panahon pa ni Marcos kay adtong panahuna block voting ug sobra ka inpluwensyal kay mi-agas man ang daghang inangayan o salapi. Sakit usab kadto, kay adtong panahuna si ondong bolando bag-ong salta sa political scene sa Corella unya siya ang gipili kontra sa maayong pagka han-ay nga makinarya sa Nacionalista/KBL.
 
Sa sunod nga pinili-ay mida-ug na usab ang Tocmo, kini iyang anak para sa usa ka termino, unya gisundan Ni Bolando para sa usa ka termino, mibalik na usab si Dodong Tocmo para sa duha ka termino, unya si Rapal nga iyang karong gihuman ang iyang ikatulo ug katapusang termino.
 
Sadya kaayo utingkayon ang estroya politikal sa atong lungsod. Suma sa dagan, ang atong lungsod mi-pili gayud sa gituhu-an nila nga mohatag kanila  ug maayong serbisyo.
 
Ug dili kita mahadlok, mopili ug bag-o kung dili  kita kontento ug salikwaot ang serbisyo nga gihatag.
 
Sa panahon ni alde tumala, nakaduha ka termino lang siya kay gusto man ang tawo ang pag-bag-o mao nga napulihan siya.
 
Tunhay ug maayong serbisyo, maoy nagahatag kang Anhing Andro Tocmo ug tulo ka straight nga termino ug pagka pili  niya sa pagka bokal.  maoy agi sa maayong tawo
Sa panahon ni dodong Daquipa, taa-taas usab kay na-swertihan nga walay pinili-ay gumikan sa martial law.
 
Sa 1980 nga pinili-ay diha gayud nasukod ang pagka ligdong o lingkod nga ma-mimili ang lungsod sa Corella. Bisan sa gahum sa Marcos regime, atong gipili ang usa ka oposisyon.
 
Aning puntoha maka-ingon ako nga isog ug matured na ang haring lungsod sa Corella. Kay bisan sa kagamay sa lungsod, misinggit ug gipalanog ang iyang pagka gamay.Nga adtong panahuna ang Corella usa sa duha ka lungsod sa tibook Bohol nga oposisyon.
 
Ang pagka-hangol sa usa ka tawo mao- gawod iyang kapukanan, kay pagka human sa iyang usa ka termino si ondong bolando nahimo man usa ka bokal, dayon milansad ug pagka congresista nga walay swerte kay ang iyang gisakyang popularidad wala man dawata sa haring lungsod sa distrito uno sa bohol.
 
Sa pinili-ay sa 1988 maoy unang paglingkod ni Dodong Tocmo pagka mayor, kini nalimitahan sa usa ka termino lamang. Dayon misunod si Ondong Bolando para usa ka termino.Ang lungsod sa Corella, dili gayud mahadlok mopuli kung kinsa gayud ang gusto nga mo-alagad kanato.
 
Tuig 1995 maoy pagka pili ug utro ni Dodong Tocmo para sa iyang una sa duha niya nga termino. Aning puntoha maka-ingon ang mga political analyst sa Corella nga makasunod na sa lakang sa iyang amahan nga si Anhing Andro Tocmo nga naka-himo ug tulo ka successive term. Sayop ang gito-ohan sa tanan kay wala man ma-kompleto ang tulo ka termino.
 
 Ang pangutana nganong wala man niya makumpleto ang tulo ka-termino?
Kay adtong mga panahuna, hapsay kaayo ang political machinery sa grupo ni Tocmo. Unsa may naka-papukan sa iyang administrasyon?
 
Base, sa mga pangutana ug mga pagtuki?  usa sa mga isyu nga nagpaluyo ni-ini mao ang Joint venture agreement tali sa corella ug sa probinsiya sa Bohol nga kanhi gipangulohan ni Rene Relampagos, base sa source dunay kakuli-an kabahin sa pagpirma-hay ni-ini. tinood nga dinhi nagsugod ang unang pag-drill sa tubig sa Corella. Kini usa ka dakung kalambu-an aning puntoha nga ang Corellahanon mapasalamaton, pero wala kini ma-convert nga major achievements tungod sa "joint venture agreement "nga dili pabor sa lungsod.
 
Ikaduha, sa iyang pag-alagad sa Corella walay dakung kausaban sa atong lungsod. Kung atong tan-awon nga ang pagpa-tubig sa mga banggera sa kabalayan sa Corella usa ka dakung asenso, unta kini dakung plus factor aron siya mapili ug utro. Kay kadtong mga panahuna lisod gyud kaayo ang tubig, so kung nakahatag ka sa bililhong tubig ,daku unta ug simpatiya ang lungsod kanimo.
 
Ikatulo, tungod sa nihit sa mga proyekto, kulang sa  paning-kamot nga maka-kuha ug mga proyekto para sa lungsod.
 
katapusan, sa ni-aging tulo ka pinili-ay wala gayud mapukan ni dodong tocmo ang administrasyon ni Rapal, wala gayud  molampos ang iyang pagkandidato. Sa sulod sa tulo ka -termino sa konseho, wala gayud madugangi ang iyang mga alyado. Ang tinood mibalhin pa sa kampo Rapal ang uban. Sa iyang higayon pagka mayor, pagka ABC president sa tulo ka higayon, wala niya makuha ang mga allegiance sa ubang mga kagawad. Kay kung iya pang na-consolidate ang iyang mga alyado dili na unta mapili si Rapal. dunay dakung rason o kahigayunan nga modagahan ang iyang mga alyado gumikan sa dautan nga pagpadagan sa administrasyong Rapal.
 
Sa laing anggulo, lisod kaayo pagpasar sa resolusyon ug  mga ordinansa sa atong lungsod kay kung imong lantawon ang mga ni-aging mga administrasyon aduna gayud nagpaluyo nga "power struggle" ug  strictly political affiliation ang nahitabo.Mao nga ang "game of numbers" gayud ang mo-determine sa resulta. in general, dunay parti-partido ang nahitabo.ang power struggle or politicking maoy usa ka nakada-ot sa atong lungsod. (sumpayan)
 
(  unang parte sa duha ka parte)
 


Linkback: https://tubagbohol.mikeligalig.com/index.php?topic=344.0

ambrosio hugo tubigbahand

  • STUDENT
  • *
  • Posts: 81
    • View Profile
Re: Corella, Bohol Elected Officials
« Reply #2 on: January 08, 2010, 12:34:46 PM »
(ikaduhang parte sa duha ka parte)
 
KINSAY ANGAY KAMAHAYAN O MABASOL ?

ANG CORELLAHANON BA NGA MAOY NING PILI SA MGA MI-LINGKOD SA LUNGSOD O ANG MGA POLITIKO NGA NANGAPILI BA?

UNSA MGA POSIBLENG RASON SA PAG-DAUG UG PAGKA- PUKAN SA ILANG MGA ADMISTRASYON?

 

Sa mga resulta sa mga ni-aging pinili-ay, ang Corellahanon dunay igong kaligdong sa pagpili kung kinsa gayud angayan nga mosilbi sa lungsod adtong mga panahona.

 

Sa akong gi-saysay sa unahan, nagpakita kita ug ka-isog  ug ka-lingkod sa pag-pili ug oposisyon sa panahon ni Marcos.Usa ka dakung basehan,kung unsa ka kredible o kasaligan ang mga botante sa atong lungsod.

 

Sa panahon ni Anhing Andro Tocmo, walay duha-duha ang tawo mohatag kaniya ug tulo ka sunod-sunod ka termino. Mao sab kini nahitabo sa panahon ni Anhing dodong Daquipa ug inubanan sa swerte(para niya-malas para nato) nga giproklamar ang martial law nadugay ang iyang pag hawid sa pagka mayor sa Corella.

 

Nahimong “see-saw” battle ang sa sunod tali kini Dodong Tocmo ug Ondong Bolando. Aning puntoha, maka-ingon ako nga naglibog ang mga tawo sa Corella kung kinsa ang atong gi-uyonan.

 

Usa ka posibleng angulo ni-ini, kay nag-puli-puli man ug administrasyong nasyonal ug probinsyal, ikaduha nag-ambak-ambak man usab ang mga liderato nasyonal, probinsyal ug  sa kalain-laing partido.Daku usab  kaayo ang epekto ni-ini  sa mga local nga kandidato. Naglibog usab ang atong lokal nga kandidato kung kinsa ang ilang suportahan. Nahi-apil usab kita sa kalibog kung kinsa ang atong pili-on. Kay sa atong pag-lantaw dali ra man unta modagay-day ang proyekto o mga pondo kung gihambin  kita sa national nga administrasyon. Kay na-leksyon na kita sa duha ka sunod –sunod nga ni-aging administrasyon. Sa panahon ni Ondong Bolando nga oposisyon sa panahon ni Marcos ug si Dodong Tocmo sa panahon ni Ramos. Nihit gayud ang mo-anod ug mo-abot nga proyekto alang sa  atong lungsod. Kung dili ka mag-kogi, mo-diskarte ug maningkamot wala gyud proyekto nga mo-abot.Ug ang pina-kapa-it nga kinahanglan ka ug mo-ilis sa imong partido para makadawat ka ug grasya. Tungod ni-ini, masukod ang imong garbo ug palabra de honor, nga usahay sakit buhaton o sakit ba hinoon balibaran.

 

Kini aktwal nahitabo sa administrasyong Rapal, busog ang mga mata nga makakita sa mga bag-o nga mga edipsiyo sa atong lungsod.Bag-ong gi-ayo nga munisipyo, health center, Mercado ug uban pa. Mga sakyanan nadugangan. Kini usa sa mga performance nga wala nahitabo sa mga ni-aging mga administrasyon. Sa mga nakita,daghang gayud ang misulti nga dunay agi ang iyang pag-serbisyo. Sa daghang anomaliya, pagka-arogante ug uban pang reklamo nga gibato batok kaniya wala siya madut-li. Mao nga midagan ug tulo ka termino ang iyang pagka-pili. Bisan ang isyu sa tubig wala gayud maka-balda sa iyang pagka-pili.

 

Aning puntoha, ang mga Corellahanon dunay liberal nga matang sa pag desisyon. Andam kita mohatag ug higayon sa mga tawo nga maayo ang pag-serbisyo, bago man o daan; inilang apelyido o dili; kwartahan man o dili; propesyonal man ubos ang nahuman. Andam kitang  mosugal  basta atong nahibaw-an nga dunay maayong plataporma nga ilang gilad-lad sa panahon sa pag-pangampanya.

 

Usa sa mga rason usab,  ang mga tawo sa Corella sensitibo gayud sa mga butang sama sa pakisama, pakig-hugoy-hugoy,dali masampit, pik-pik sa abaga, buotan ug mayo managad. Kay kini nagpakita nga ang atong kasing-kasing nahadu-ol sa mga piniling opisyal. Dili ganahan ang Corellahanon sa mga garboso, dili managad, dili dali masampit ug arogante nga mga opisyal -hinay ang imong “pogi points” kung ing-ani ang imong kalidad. Mao kini naka-papildi sa uban.

 

Lisod pag-probar kung duna ba gayud kwarta nga nahilambigit sa mga ni-aging pinili-ay, kung duna man kinsa ang mga tawo nga nahi-apil ni-ini, kinsa ang nanghatag ug kinsa ang midawat. Pero para nako,daku kini ug epekto nga ma-utro ang pagsalig sa pagbotar sa mga Corellahanon,kay kung makadawat ang usa ka Corellahanon maka-baton man ta ug dakung utang kabu-but-on sa ming-hatag. Usa ka factor, usab ang mga “ ingayan” nga maka-abot sa ilang tag-sa-tagsa ka panimalay ilabi na sa wala pa ang pinili-ay. Daghang mi-ambak o mitalikod sa pag-pili gumikan kay wala maka-abot ang gitawag nilag “uwan-uwan”. Ang wala ma-apuri, nasakitan mao nga miboto na lang sa uban. Ang rason gi-idlom man sa mga lider o lumilihok.

 

Ang pagka-lingkod,ligdong, liberal ug ka-isog nga botanteng Corellahanon sukdon na pag-usab karong uma-abot nga pili-ay mayo 2010. ang mga aktor nga mohubad o moduwa sa telon o entablado sama sa gihapon. Parehong aktor nga sa panahong nakahatag ug maayo, nakahatag kada-ot, naka-hatag ug dautang imahe, naka-papobre o nakapa-bag-o sa atong mahal nga lungsod sa Corella, mao lang gihapon ang gusto mo-drama atubangan kanato. ang akong hangyo, panahon na para pulihan kining mga tawhana,panahon na para mangita kita ug bag-ong dugo.Kay nakit-an naman nato ang ilang kalidad,abelidad ug serbisyo,Husto na nga hatagan nato ang mga bag-o ug panahon,pagbulig o ayuda para sa bag-ong Corella.
Gikinahanglan ta karon molihok, magpakabana ug isinggit ang pag-bag-o sa nagdumala sa atong lungsod.Ang atong lungsod wala gayud mi-omento/asenso ang iyang klasipikasyon (6th class municipality) bisan sa daku o bulawanong abunda sa tubig; ang corella,bohol binlan na usab ug 27 milyones ka pesos nga loan, nga ang rason wala sa prioridad sa karong panahona. kung dili kita molihok karon, hasta ang atong anak,apo magabayad para sa interes ni-ining maong iresponsabling pag-hulam. Kung dili nato kilatison ug maayo ang mga kandidato ug pili-on ang angayan nga mo-silbi ug moserbisyo sa lungsod, Nan, magpabilin lang kitang gihapon nga sama sa gapnod sa dagat nga nagpa-utaw-utaw, nga walay kapa-ingnan.



Linkback: https://tubagbohol.mikeligalig.com/index.php?topic=344.0

unionbank online loan application low interest, credit card, easy and fast approval

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: Corella, Bohol Elected Officials
« Reply #3 on: January 08, 2010, 01:01:10 PM »
Sir Hugo, nalingaw ko ug basa sa itaas bahin sa politicanhong kagahapon  sa Corella, Bohol. Mihawa ko  diha sa niadtong 1969, si Dodong Daquipa pa diay ang mayor. Nahibalik ko 1981, ten years ang milabay, si Ondong Bolando na ang mayor sa 1988. Unya  sa sunod nga mga tuig magsigi na ko ug uli matag pista sa Abril. Unya si Vito Rapal  na ang mayor. Dako na kaayo ug kausaban, aduna nay electical system, bag-o na ang merkado, aduna nay water system ug sementado na ang karsada paingon sa among baryo sa Canangca-an.  

Dako ang pagkabag-o sa Corella, panahon ni Hon. Vito Rapal. Hinaot nga ning election sa 2010, magpili kita ug mga opisyales nga moalagad sa katawhan sa tinuod ug kinasing-kasing gayud.

Kining away karon pagkamayor sa 2010: Bolando -Tocmo, ikatulong na nila nga labok  .

Linkback: https://tubagbohol.mikeligalig.com/index.php?topic=344.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

ambrosio hugo tubigbahand

  • STUDENT
  • *
  • Posts: 81
    • View Profile
Re: Corella, Bohol Elected Officials
« Reply #4 on: January 08, 2010, 06:34:35 PM »
Tinood ug daghang nakita nga pagka=bag-o sa lungsod sa Corella sa panahon ni Rapal pero ang akong sigi ug pangutana nakabag-o ba kini sa mga gigotom nga Corellahanon, nakahatag ba kini ug dugang livelihood projects sa atong lungsod, pila na man ang mag-uuma sa baryo sa Canangca-an nga mibiya sa sa pag-basak ug pag-ugmad sa yuta aron mahimong mason o panday para i-suporta sa ilang pamilya ug nagtobo ug nag-eskwelang anak, pilay ka banay sa Corella nga wala na ma-ka eskwela gumikan kay dili igo ang ilang pangita ug dili ba hinoon nanbantay sa ilang mga manghod kay ang ilang ginikanan nangita man para ipamugas. Ang corella ika 6th class municipality pa gihapon.
Luyo ni-ining mga pagka-bag-o o proyekto dunay dakong talingahaga? Luyo ni-ining tanan nagtago ang tino-od nga kolor ni Rapal. Ang dag-um mitabang pagtabon aron  dili makita sa mga tawo: ANG TUBIG SA CORELLA-unsa man gayud ang tinood nahitabo ni-ini,Kinsa man ang dakung nabulahan ni-ini, kay ang tawo tungod sa ilang pagka-ka kurat ni-ining ilang nakita,wala na sila makahibalo nga kining tanan usa ka duwa sa maayong aktor, maayo kaayong pag-kahan-ay sa kada lihok aron matabunan ang mga dautan nga tumong ug tinguha.
Maayong pagka-hudas ang lungsod sa Corella sa administrasyong Rapal.

Linkback: https://tubagbohol.mikeligalig.com/index.php?topic=344.0

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: Corella, Bohol Elected Officials
« Reply #5 on: January 10, 2010, 12:53:24 PM »
Sa pagkatinuod, ang among barangay sa Canangcaan mibalik sa iyang pagka virgin forest . Ang mga bag-ong tubo, mga batan-on, dili na hilig sa panguma. Kadaghanan adto na manarbajo sa Tagbilaran kay segurado ang sweldo matag Sabado.Tungod usab sa abnormal weather condition. Panahon sa ting-ulan moulan ug kadali ug unya moinit. Nangliki ang mga gab-ong gitanom nga humay. Mao sad ne naka descourage sa mga mag-uuma. Maayo na lang magtanom  ug gemilina kay way kalaban. Daghan na karon ang kakakwarta sa gemilina. Wala say mga livelihood projects tungod kay kadaghanan sa mga dalaga milangyaw sa laing lugar ug didto manarbajo. Mouli lang panahon sa Abril kay mamista.

Bahin sa dili maayong panghitabo sa atong water system, paabuton na lang ug unsay maayong lakang sa sunod nga mga bag-ong mapili nga opesyales human sa 2010 election. Dili pa tingali mohubas ang atong tubig.

Linkback: https://tubagbohol.mikeligalig.com/index.php?topic=344.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

unionbank online loan application low interest, credit card, easy and fast approval

Tags: