MikeLigalig.com

Mga biktima's linog sa Mindanao
nagpasalamat sa tabang Bol-anon
By Ven Arigo

NAGPASALAMAT ang mga biktima sa linog sa Mindanao sa tabang sa mga Bol-anon pinangulohan ni Gob. Arthur Yap ug Bise Gob. Rene Relampagos, nga mao karoy acting governor.

Ang donasyon nga gikarga’g mga trak ug ayudang pinansiyal gihatud sa grupo ni Provincial Disaster Risk Reduction Officer Anthony Damalero ngadto sa mga LGU sa Tulunan ug Makilala sa North Cotabato.

Matud ni Tulunan Mayor Roel Limbongan, otsenta porsento (80%) sa mga molupyo sa iyang lungsod adunay dugong Bol-anon.

Ang Tulunan maoy epicenter sa sunod-sunod nga kusog nga linog sa Cotabato, Davao ug ubang dapit sa Mindanao.

Human sa unang paglinog niadtong Oktubre, personal nga naghatud dayon si Gob. Yap og inisyal nga tabang nga iyang gipaagi kang Davao City Mayor Sara Duterte-Carpio.

Nagpasalamat usab sa tabang sa Bohol si Makilala Mayor  Armando Quibod, kinsa usa mismo ka Bol-anon gikan sa Montaña, Baclayon samtang ang iyang asawa taga-Sambog, Corella.

Matud ni Damalerio, duna gani barangay sa makilala nga gitawag og Gasikas kay ang mga molupyo didto kaliwat og Garcia-Hernandez ug Sikatuna.

Sa ngan sa gobernador, nagpasalamat si Damalerio sa tanang nitubag sa panawagan sa kapitolyo sa pagtabang sa mga biktima’s katalagman sa Mindanao.

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91600.0