Dear Iradel,
Sa imong pagbija ang ahong kasingkasing wala maguba. Aho ning gimugna ning suwata aron mapabuhagay diha kanimo ang ahong gusto isulti ug mga panghinaut sa atong paglagjo.
Una sa tanan, daghang salamat sa tanang nahitabo sa atong relasyon. Dili ko makalimtan ang tanang butang nga imong gihimo para kanaho ug sa ahong pamilya. Daghang salamat nga sa mga niaging mabugnawong gabii sa atong relasyon imo kong gihatagan ug kainit nga nakatagbaw aron dili ako mamatay sa kabugnaw sa kagabihion.
Daghang salamat sa imong pagpakatawa naho sa dihang ako nagmasulob-on ug sa dihang gikinahanglan naho ang imong presensiya, miabot gajud ka.
Daghang salamat sa mga I Love You’s ug mga pahimangno kanaho aron ako dili mahiagum sa kalisud o sakit sa lawas.
Daghang salamat nga sa mga importanteng bahin sa ahong kinabuhi diha ka, sa ahong graduation, sa ahong pegboard, sa ahong pag oath taking ug sa ahong pagpanarbaho.
Daghang salamat nga imong gipaila ila kanako ang imong pamilya. Pamilya nga nahimong suod naho kaajo. Pamilya nga giisip ko nga kabahin nila ug nagpakita naho ug pagmahal nga nagpasabot nga ako ilang gidawat sa injong banay.
Daghang salamat kay nakaila naho si Mama Irene, Papa Paco, Yogyog, Ate Charo, Ate Joan, Zea, ug ang uban pa. Daghang salamat sa pagtindog ug paglaban sa atong pagminahalay sa dihang misupak ang imohang Kuya Leo. Dili naho sila hikalimtan sa dayon.
Daghang salamat sa imong gipanghatag kanako nga mga gamit ug butang.
Ug ilabi nang daghang salamat sa gugma nga imong gipakita kanako sa dihang kita pang duha. Ikaw ang maingon naho nga first love tungod sa atong kaseryoso, kuwang na lamang kasal.
Manghinaut ko nga buligan unta ka sa Labaw nga Makagagahum sa kanunay ug tanang panahon. Kanunay mo naho nga iapil sa ahong pag-ampo matag adlaw. Sa imong paglakaw sa kalibutan, ajaw ug sige ug duko sa juta kundili hangad panagsa sa langit kay Ija kang tultulan sa kanunay, sigurado na.
Sa imong pagbija, ang ahong gabii mahimo nang mabugnawon sa kanunay pero kinahanglan na natong maglagjo kay wan a ko malipay sa imong gipakita naho. Ajaw kabalaka, wa ko masuko ni magdumot. Kahibawo ka nga dili ko ing-ana nga pagkatawo.
Kining suwata nagama aron isip respeto nimo. Everything is done. What’s done is done na.
Bye bye na.
Linkback:
https://tubagbohol.mikeligalig.com/index.php?topic=23277.0