normal_post - Pag-utingkay Sa Baho - Anonymous Diary Blog Author Topic: Pag-utingkay Sa Baho  (Read 1286 times)

Ligalig-Mike

  • FOUNDER
  • GURU
  • *****
  • avatar_1_1507939928 - Pag-utingkay Sa Baho - Anonymous Diary Blog
  • Posts: 18912
  • medal1 - Pag-utingkay Sa Baho - Anonymous Diary Blogmedal2 - Pag-utingkay Sa Baho - Anonymous Diary Blog
  • Need A Website? Email me: info@mikeligalig.com
    • Share Post
xx - Pag-utingkay Sa Baho - Anonymous Diary Blog
Pag-utingkay Sa Baho
« on: June 09, 2007, 05:16:27 AM »
By Mike Ligalig
published by The Bohol Standard

Thailand – Wala may problema kung ang upat ka proyekto sa ikatulong distrito sa atong probinsya gihakot sa usa lamang ka kontrator.

Kintahay diay kung ang abilidad aning Persan Construction, Inc. dili hilabwan o kaha hitupngan sa ubang mga kontraktor – na hala, dawaton nalang nila ang kamatuoran nga lupig gyud ang ubang kontraktor.

Apan tanang tawo nga adunay ensaktong pamuot matugkan pud ug pagduda ngano nga wala man imantala sa publiko ang upat ka proyekto nga nagkantidad ug P60 milyones.

Kahayahay gud sa kontraktor nga mosaka lang sa ring ug ideklarar dayon sa referee nga daug bisan ug wa pa makailis ug makasapatos ang gikatakdang kontra. Mao nay giingon sa akong mama kaniadto nga: “Murag gipamunit lang ang kwarta sa kalsada.”

Kitang tanan nahibalo na nga bisan usa ka dako nga salapi sa gobyerno, ikaw ug ako adunay katungod mahibalo kung giunsa kini paggasto.

Sa laing bahin, samot nga moisa ang atong kilay sa dihang gipamahayag ni manlalaban Eladio Jala, matud pa sa taho sa usa ka pamantalaan, nga wala siya mahibalo kung giunsa pag-bidding ang P60 milyones ug wa masayod ang atong kongresman kung kinsa ang gisangunan sa pagtrabaho sa maong mga proyekto.

Kung siya nga kongresman wa mahibalo kung giunsa paggasto ang salapi alang sa iyang distrito, kita pa kaha nga mga ordinaryong lungsoranon?

Ug kung tinuod man ugaling nga wa siyay kalibotan kung giunsa paghikay ang mga proyekto sa iyang kaugalingong nataran, kinsa na man diay atong pangutan-on ani kung buot ta masayod sa mga butang nga may kalabutan ang interest sa katawhan?

Ug kung mangutana ta sa DPWH, makauli kaha ta sa atong balay nga may dalang tukmang tubag? Mura’g wa pa ra ba idungog nga ang DPWH nahimong tuburan sa kamatuoran.

Ang nakaparat pa gyud ani kay human nabulgar sa publiko ang maong upat ka proyekto, mitumaw ang laing upat ka proyekto nga nagbalor ug P90 milyones.

Ang kalainan sa duha mao nga ang P60 milyones wala gipaagi ug public bidding samtang ang P90 milyones aduna nay bidding. Buot ba nato sabton nga kung dili mokantidad ug P90 milyones ang usa ka proyekto, ihinok lamang kini paghatag ngadto sa usa ka kontraktor nga way kasayoran ang mga Bol-anon?

Karon nga nasugdan na pag-utingkay kining maong baho sa ikatulong distrito, angayan lamang nga padayonon ang pagkubkub sa ubang pang ngilit ug suok kay basin aduna pa kitay madiskobrehan nga mga tanghaga.

Dili lang ang ikatulong distrito ang angayan kinsahon sa mga nagpakabana. Iapil usab nato ang ubang mga lungsod. Kung lukpon pagsuhid ang probinsya, basin aduna pay daghang masimhot nga mga katingalahan.

Nagkinahanglan ang atong katilingban ug mga tawo nga sama nila ni Engr. Nilo Sarigumba ug Nila Montero, kagawad sa lungsod sa Panglao, nga may kaisog mobarog alang sa kamatuoran.

Giutingkay ni Nilo Sarigumba ang menteryo sa Talibon dam nga nagkantidad ug P200 milyones nga hangtud karon walay nadimdim nga hustisya ang mga kabos nga mag-uuma sa Talibon.

Sa laing bahin, nakiggubat si Nila sa balikog nga binuhatan sa BIR ug nakigbatok sa mga hiwi nga taras sa Panglao.

Apan pipila lang si Nilo ug Nila sa akong mga nailhan nga andam makigbugno batok sa kangitngit.

Daghan pang mga lungsod sa atong probinsya ang giuhaw ug kahayag. Ug hangtud nga adunay moabli sa pultahan sa kamatuoran, mao lang ang kanunay natong masimhot ang pan-os nga kahumot.

Linkback: https://tubagbohol.mikeligalig.com/index.php?topic=876.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

grazie7y

  • EXECUTIVE
  • GURU
  • *****
  • avatar_565 - Pag-utingkay Sa Baho - Anonymous Diary Blog
  • Posts: 19772
  • medal1 - Pag-utingkay Sa Baho - Anonymous Diary Blogmedal2 - Pag-utingkay Sa Baho - Anonymous Diary Blog
  • Aya san, rest in peace. I will always miss you...
    • Share Post
xx - Pag-utingkay Sa Baho - Anonymous Diary Blog
Re: Pag-utingkay Sa Baho
« Reply #1 on: April 16, 2008, 09:13:30 AM »
Mang utingkay pod ko sa baho dre! hehehehe
It is only with the heart that one can see rightly; what is essential is invisible to the eye.
Would you like to stand out from the crowd? Get a FREE personalized Tubag Bohol Email NOW. Get Free Email Here

carines

  • STUDENT
  • *
  • avatar_887 - Pag-utingkay Sa Baho - Anonymous Diary Blog
  • Posts: 30
  • Lord, thank you for the gift of Life
    • Share Post
xx - Pag-utingkay Sa Baho - Anonymous Diary Blog
Re: Pag-utingkay Sa Baho
« Reply #2 on: April 17, 2008, 03:10:22 PM »
i hope one day, naa poy isog nga mo utingkay ag baho sa pamunuan sa anda.
wish ko lang................

carina
Carina Pendijito Escobido-Olaivar
Tawid, Anda, Bohol

grazie7y

  • EXECUTIVE
  • GURU
  • *****
  • avatar_565 - Pag-utingkay Sa Baho - Anonymous Diary Blog
  • Posts: 19772
  • medal1 - Pag-utingkay Sa Baho - Anonymous Diary Blogmedal2 - Pag-utingkay Sa Baho - Anonymous Diary Blog
  • Aya san, rest in peace. I will always miss you...
    • Share Post
xx - Pag-utingkay Sa Baho - Anonymous Diary Blog
Re: Pag-utingkay Sa Baho
« Reply #3 on: April 17, 2008, 03:13:31 PM »

Carina, daghan man mo mga concern citizens sa Anda naa ra lagi mo utingkay ana!  Taga Anda diay pod ka?  Kaila diay ka sa atong Admin? 



Share via facebook Share via linkedin Share via pinterest Share via reddit Share via twitter
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal