WALAY SAFE DINHI SA KALIBUTANBisan asa ka mo dagan
Bisan unsa ka daghan sa imong katigayonan
Kagubot imo gayong masugatan
Ang uban managan sa unahan
Mga balay biyaan
Mo langyaw sa kanalayuan
Aron sa katalagman dili mahisakpan
Ang uban tungod kay adunahan mamalit ug yutang daghan
Aron magkagubot adunay madaganan
tungod kay siya adunay katigayunan
Adunay uban nga bisan unsaon ug dagan
Dili makadagan tungod kay sa gasolina
Walay nay kasudlan
Ang uban tuod naka dagan sa unahan
Apan giabot gihapon sa katalagman
Adunay uban nga hilabihan
Nahurot na nila ug libot ang kalibutan
Apan ug imo silang pasultihon ug unsa man
Usa ra gayud ang ilang ikatug-an
Bisan asa ka sa kalibutan
Walay safe nga imong matumban
Katalagman sa kalit mo abot sa imong atubangan
Apan adunay usa nga angay dili nato kalimtan
Bisan asa ka nga parte sa kalibutan
Ikaw gayud dili angay nga sa paglaum mawad-an
Kung ikaw adunay Diyos nga na ilhan ug gi sandigan
Bisan unsa nimo ka pobre o adunahan
Imong kasingkasing dili makuratan
Tungod kay lig-on ang imong gi tindugan
Diin ana sa imong kasingkasing ang nagbuhat sa tanan
Ug ikaw adunay maayong pagtulon-an
Nga bisan unsang katalagman ang ma abtan
Kahibalo ka ug kinsa imong gunitan ug pagsinggatan
Nga ikaw nagkinahanglan sa iyang tabang sa adlawng tanan
Usa ra ang safe nga puy-anan sa kalibutan
Ang imong kaugalingong kasingkasing
Nga naglantaw sa grasya sa amahan
Nga sa matag adlaw ikaw iyang gigiyahan
Ug gihatagan sa proteksyon nga gitagana unta sa tanan
Apan naghulat lang siya nga siya ma tawgan
Aron kita mo salig kaniya nga atong manlalaban.
Linkback:
https://tubagbohol.mikeligalig.com/index.php?topic=19857.0