normal_post - Kaugalingong Dila Gipangita - Anonymous Diary Blog Author Topic: Kaugalingong Dila Gipangita  (Read 1454 times)

Ligalig-Mike

  • FOUNDER
  • GURU
  • *****
  • avatar_1_1507939928 - Kaugalingong Dila Gipangita - Anonymous Diary Blog
  • Posts: 18912
  • medal1 - Kaugalingong Dila Gipangita - Anonymous Diary Blogmedal2 - Kaugalingong Dila Gipangita - Anonymous Diary Blog
  • Need A Website? Email me: info@mikeligalig.com
    • Share Post
xx - Kaugalingong Dila Gipangita - Anonymous Diary Blog
Kaugalingong Dila Gipangita
« on: June 09, 2007, 05:14:04 AM »
By Mike Ligalig
Published by The Bohol Standard

Thailand – Dili palang dugay nasaag ko sa wikipedia.org ug didto akong nasayran nga naapil ko sa lista sa mga magsusulat nga bisaya.

Kadaghanan sa mga bisayang magsusulat mga edad-edaran na. Ug pangagpas nako nga usa lang ko sa pipila ka batan-on nga nagmatuto ning atong pinulungan. Mga sinto-singkwenta ang naapil sa wikipedia.

Tipaka ra kini komparar sa mokapin sa kwarenta ka milyon ka tawo nga nagasulti sa Bisaya nga pulong. Ug gituohan nga mas daghan ang nagbinisaya kay sa nagtinagalog.

Ang paghiabot sa Internet nakatabang sa pagpauswag sa pinulungang Bisaya.

Ang mga balak ug sugilanon nga kaniadto igo lang tipigan sa nagtipun-og nga papel mahimo nang mabasa sa tibuok kalibutan.

Nahinumdum ko niadtong lima na ka tuig ang nakalabay nga mibisita ko sa opisina sa Bisaya Magasin didto sa Liwayway Publishing sa Manila. Giabi-abi ko sa mga editor sa Bisaya sanglit nakaila naman sila nako isip nahipatik na sab ang akong mga balak ug sugilanon ning maong magasin.

Usa sa mga butang nga among nahisgutan mao ang paglibro ug pagtipig sa liboan ka mga sinulat nga binisaya. Sayang kaayo nga madugta lang sa kalimot ug madubok ang mga pahina sa Bisaya ug wala nay mabasa ang umaabot nato nga kaliwat.

Hapit na mo-otsenta ka tuig ang pagpatik sa Bisaya ug daghan na kaayo ang natigom nga huna-huna ug pagbati sa mga magsusulat nga angayan unta ampingan ug tipigan.

Ang nakaparat kay wala say moabaga sa gasto kung ugaling librohon ang mga sinulat nga bisaya. Aduna untay buhaton ang gobyerno nato mahitungod niini.

Dihay higayon nga naglibot libot ko ug pangita ug mga sinulat nga Bisaya nga mapalit sa mga bookstore sa Manila. Apan wa jamo koy nakita gawas niadtong mga karaan nga sinulat ni Vicente Sotto nga taga Sugbu ug kadtong mga balak Bisaya nga gihubad ug Tagalog.

Hangtud karon nagsige gihapon ko ug handom nga makakaplag ug mga libro o kaha mga tinapok lang nga sulat nga Bisaya.

Sa dihang nahimamat ko sa unang higayon si Bebot Duetes sa DYTR, ang banggiitang magsusulat sa Bisaya Magasin (hangtud karon nakulit pa sa akong alimpatakan ang iyang balak nga “Ugma Manamilit Na Ako Kanimo, Rosalinda”), ako gilayon siyang gipangutana kung aduna ba siyay mga balak nga bisaya nga nalibro.

Gitagaan ko ni Bebot Duetes adtong gamay nga libro sa mga balak nga karaan na kaayo ang mga magsusulat. Ug nangandoy ako nga daghan pa unta ang makubkob ni Bebot nga sinulat nga bisaya.

Dili ko malimot sauna nga miadto gyud ko sa opisina sa Palanca sa Manila. Akong gipakopyahan ang mga sugilanong Bisaya nga nahimo nang mananaog sa Palanca sa pamasin nga aduna akoy mabasa sa umaabot nga mga katuigan.

Ingon niana ka nihit mangita ug binisaya nga libro o antolohiya. Ug hangtud kanus-a nga matigum ang mga nalimtan na nga hinaguan sa atong mga magsusulat nga bisaya.

Dili pa seguro nato matagaan ug bili kini apan moabot ang higayon nga makaamgo ra kita unsa kini ka mahinungdanon.

Salamat sa mga nagpakabana kay ang wikipedia.org aduna nay binisaya nga pinulungan.

Misulat nako si Ed Godin, ang editor sa Bisaya Magasin, ug midasig nga motabang sa pagtikad aron modaghan ang pahina sa wikipedia.org (bisaya version). Ug buot ko nga ipaambit usab ang iyang panawagan nga ang bisaya nga katilingban makatabang sa pagpanday sa wikipedia.org.

Mahimo man nga makakat-on ta sa lain-laing pinulungan sa kalibutan apan dili gyud ikalimod nga kung Bisaya ang unang gilitok sa imong dila, kini ang pulong ang imong ibilin sa kamatayon.

Linkback: https://tubagbohol.mikeligalig.com/index.php?topic=875.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

grazie7y

  • EXECUTIVE
  • GURU
  • *****
  • avatar_565 - Kaugalingong Dila Gipangita - Anonymous Diary Blog
  • Posts: 19772
  • medal1 - Kaugalingong Dila Gipangita - Anonymous Diary Blogmedal2 - Kaugalingong Dila Gipangita - Anonymous Diary Blog
  • Aya san, rest in peace. I will always miss you...
    • Share Post
xx - Kaugalingong Dila Gipangita - Anonymous Diary Blog
Re: Kaugalingong Dila Gipangita
« Reply #1 on: April 16, 2008, 09:12:33 AM »
Oi, here's an article written by our dear Admin, Mike Ligalig. :D
It is only with the heart that one can see rightly; what is essential is invisible to the eye.
Would you like to stand out from the crowd? Get a FREE personalized Tubag Bohol Email NOW. Get Free Email Here



Share via facebook Share via linkedin Share via pinterest Share via reddit Share via twitter
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal