normal_post - Gitagud-tagud sa sundang ang akong grandfather - Anonymous Diary Blog Author Topic: Gitagud-tagud sa sundang ang akong grandfather  (Read 1175 times)

Ligalig-Mike

  • FOUNDER
  • GURU
  • *****
  • avatar_1_1507939928 - Gitagud-tagud sa sundang ang akong grandfather - Anonymous Diary Blog
  • Posts: 18912
  • medal1 - Gitagud-tagud sa sundang ang akong grandfather - Anonymous Diary Blogmedal2 - Gitagud-tagud sa sundang ang akong grandfather - Anonymous Diary Blog
  • Need A Website? Email me: info@mikeligalig.com
    • Share Post
xx - Gitagud-tagud sa sundang ang akong grandfather - Anonymous Diary Blog
Gitagud-tagud sa sundang ang akong grandfather
« on: September 30, 2007, 11:27:29 AM »
Adunay Adlaw Sa Paghukom
from my column in the Bohol Standard newspaper

Apasumpay ni sa akong gisugid niadtong niaging semana mahitungod sa akong lolo nga wala gyud nako ikita sanglit unom pa ka bulan human matawo si Mama, gipatay na ang akong lolo. Sa akong nang nasulti ning lindog sa Tumoy Sa Bangaw, gipasanginlan ang akong lolo nga maoy nagkuha sa paon sa pasol sa sakayan ug sa dihang iya untang pasabton ang duha ka magsuong lalaki nga pareha niya mananagat nga inosente siya sa maong pasangil, ila na man hinuong gitabangan ug tigbas ang akong lolo.

Ug mao to nga gikugod nila ang akong lolo nga nagkadugo, apan naapsan siya sa taliwala sa dalan didto sa usa ka baryo sa Pagadian, Zamboanga del Sur, ug didto ilang gigutad-gutad ang akong lolo nga wala intawon nakasagang ug nakabalos kay lagi wa man siyay hinagiban nga gidala ug gawas pa wa man siya manghagit ug away ug way tuyo nga makigpatay sa mga magsuon.

Sa dihang gitaral na sa hukmanan ang mga mamumuno, nangita ang korte ug witness sa pagpatay sa akong lolo. Bisan daghan ang nakakita sa maong ngilngig nga pagpatay kay adlawan man lagi kadto, wala gyuy naluoy ug nagpakatakos nga mobarog isip saksi sa maong krimen. Kaha kinaiya sa kadaghanan sa mga Filipino nga dili magpakabana? Talawan? O kaha walay gugma sa isig-katawo?

Tanan nahadlok nga mosaksi sa husgado aron unta matagaan ug hustisya ang akong lolo. Si Lading, igsuon sa akong lolo nga gipatay, nga dalagita pa seguro niadtong higayona ug nakasaksi jud sa maong krimen, maoy gidala sa mga ginikanan (my great grand parents) sa akong lolo isip witness sa korte.

Ang nakapait kay ang korte wala modawat sa testimonya sa batang babae kay lagi kono igsuon sa gipatay. Maglagot ko maghuna-huna ani ngano ang korte wa man maminaw sa testimonya sa maong bata nga diha man gyud siya sa akto sa pagpatay. Tibuok baryo nakaila ug nakahibalo ug daghang nakakita nga diha si Mama (Lola) Lading sa akto sa krimen. Gibaliwala kini sa huwes.

Walay nahimo ang mga ginikanan (great grand parents) sa akong lolo nga gipatay. Walay kaso nga mitunhay kay wa may mosaksi. Way kaso nga nasang-at kay dili man dawaton sa husgado ang testimonya ni Mama Lading (Lola Lading). Mao mapungot ko makahuna-huna ug kinsa man tong huwesa to nga naghikaw nga mahatagan ug hustisya ang akong lolo.
 
Sa ato pa diay kung naay patyon unya ang paryente nga nakakita, dili modawat ang huwes sa testimonya kay paryente? Maghuwat diay ang korte nga sa kada patay nga mahitabo walay paryente makakita? Binuang man ni.

Daghang mga patay nga nahitabo sa atong probinsya dili pa lang dugay. Daghang patay nga walay hustisya ang mga nabiktima.

Naunsa naman ang atong katilingban karon nga wala na may kokahadlok sa Diyos? Ang kinabuhi nahimong walay bili sa uban. Dili lalim ug mawad-an sa minahal sa kinabuhi. Daghan ang mag-antos sa tumang kasakit sa dughan. Ang uban mosunod ka-matay kay wala kaantos sa kaguol. Mao kini ang gidangatan sa akong lola. Namatay usab siya pila ka bulan human sa kamatayon sa akong lolo – apan bata pa siya kaniadto. Matod sa akong Mama, dako ang kasakit nga gibati sa akong lola sa nahitabo.

Bisan nalang unta ug huna-hunaon sa mga kriminal nga sila adunay mga inahan ug amahan o kaha asawa o mga anak o maguwang o manghud nga kon sila buhatan sa ingon, ang kasakit ug kaguol dili mahulagway.
Nasayod ako nga hustisya ang Ginoo. Anaa siya nakakita sa binuhatan sa tanang tawo sa kalibutan. Adunay adlaw sa paghukom. Mao kini ang atong paabuton.


Linkback: https://tubagbohol.mikeligalig.com/index.php?topic=5159.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

Happy

  • GURU
  • ****
  • avatar_57 - Gitagud-tagud sa sundang ang akong grandfather - Anonymous Diary Blog
  • Posts: 9572
  • medal1 - Gitagud-tagud sa sundang ang akong grandfather - Anonymous Diary Blog
  • Ang "Bugon" ni ate Bambi
    • Share Post
xx - Gitagud-tagud sa sundang ang akong grandfather - Anonymous Diary Blog
Re: Gitagud-tagud sa sundang ang akong grandfather
« Reply #1 on: October 10, 2007, 01:51:27 AM »
Pagkapaet aning hitaboa.

Pero kung ang salaud naka-ikyas sa mata sa tawo, dili kana sila maka-ikyas sa mata sa Diyos
"There's no perfect life, but we can let God fill it with perfect moments"

willmerit

  • EXPERT
  • ***
  • avatar_366 - Gitagud-tagud sa sundang ang akong grandfather - Anonymous Diary Blog
  • Posts: 3621
  • smile!
    • Share Post
xx - Gitagud-tagud sa sundang ang akong grandfather - Anonymous Diary Blog
Re: Gitagud-tagud sa sundang ang akong grandfather
« Reply #2 on: October 10, 2007, 06:24:05 AM »
bitaw, paninglan ra na sila sa laing kalibutan.  wa man matulog ang Ginoo



Share via facebook Share via linkedin Share via pinterest Share via tumblr Share via twitter

xx
My Grandfather Was Murdered

Started by Ligalig-Mike on Anonymous Diary Blog

4 Replies
1311 Views
Last post October 10, 2007, 02:04:06 AM
by Happy
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal