Gipaabot ko gayod ang imong pag gimaw,
Hangtod imong ipadayon magpakayab ang matahom mong silaw..
Ania gipabuga mo na pagsugod ang maanyag mong mga pulog,
Nga maoy nakapukaw sa akong halawom nga paghikatulog
Bisan gimug-utan kapa sa kinaiyahan,
Apan gipadayon mo gayod ang matam-is mong pahiyom
Taliwala niining mabugnawong dapit ikaw akong gihapahapaan,
Aron ang maanindut mong angolo akong mahulagwayan
Nisugod ka na pag isa,
Samtang ana nagpahipi sa mga sanga.
Karon buot mo na gayod akong pagabiyaan,
Niining mabugnawong dapit nga akong nahimutangan.
Apan nganong nagpahipi ka man lang,
Buot mo bang ihikaw ang imong katahom ngadtu sa uban?
.
Sanglit dile ko naman gyud ikaw mapugngan,
Og buot ka naman gyud nga mulabigar ngadto sa unahan
Bawna nalang kining mga mainiton kung pagpadasig,
Og dile ko gyod kalimtan ang imong mga pasalig.
Sakit untang palandungon nga imo na akong pagabiyaan
Apan wala na akoy mahimo kung dile ang pagdawat nalang sa kamatuuran
Kung pwede pa lang ikaw akong paga ubanan sa imong pagpanaw
Og pagakab-uton ko ikaw bisan pa sa tumoy sa bangaw
Linkback:
https://tubagbohol.mikeligalig.com/index.php?topic=12956.0