Author Topic: Wanted: Barbero  (Read 1127 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Wanted: Barbero
« on: March 30, 2014, 01:14:12 PM »
SuperBalita Cebu
Eskina
Lorenzo Niñal
Thursday, March 27, 2014


NAGTABYOG-TABYOG ko sa akong unom ka buwang bata gahapon sa buntag dihang akong nadungog ang balita nga nagnihit kuno ang mga barbero, o manunupi, sa nasud. Nagnihit sab kuno ang mga hairdresser ug mga beautician.

Ang Department of Labor and Employment nag-ingon sa bag-o nilang survey nga ang mga tag-iya’g barbershop ug beauty saloon sa nasud naglisud na og kuha’g mga trabahante para sa ilang negosyo. Matod pa sa survey, diyutay na lang ang mangaplay ining mga trabahoa, ug ang mangaplay dili sab kwalipikado. Ug ang mga kwalipikado dili mopadayon tungod sa kagamay sa sweldo.

Makalilisang ni nga balita, sa iningles pa, hairraising. Mag-unsa na man lang ang atong nasud kon wa nay manupi, mangurti, molimpyo’g kuko ug momeyk-ap? Long hair na ang tanan: ang mga bata long hair, ang mga batan-on long hair, ang mga tiguwang long hair, ang mga doktor, titser, pari, macho dancer, imbalmir, ang presidente sa nasud long hair.

Kon wa ka nalisang, imadyina si Presidente Aquino nga long hair – ug kay opaw na man ang tungang bahin sa iyang ulo, ang buhok ra niya sa kilid ang taas kaayo. Kon mao nay dagway sa atong presidente, dili na ta respetuhan sa international community.

Ok ra ming naa sa banda kon mag long hair mi kay kabahin man na sa among image isip mga kutoon. Way motuog presidente nga kutoon.

Moingon tingali ka nga mahimo ra man nga kita-kita lang ang magkinurtihay. Ok man na, apan ang problema, tungod kay di man ta eksperto sa gunting, mangahiwi atong bangs. Mahimo kita nga nasud sa mga hiwi og bangs, ug mga hugaw pa gyud og kuko.

Ok man nang hiwi og bangs basta baby pa, sama ning akoang dos anyos nga ang nagkurti ang akong asawa. Naghibat intawon ang bangs, apan naangayan na lang og ahat kay bata man.

Wa sab ko naproblema sa manghod kay unom ka buwan pa man, ug matud pa sa katigulangan, di pa pwedeng tupihan. Maghuwat pa kuno mi sa iyang unang birthday alang sa iyang unang tupi. Sa pagkakaron, ang iyang buhok abot sa lubot, mura’g ermitanyo.

Naghisgot ko’g bata tungod kay may kalabotan kini sa akong gibati pagkadungog nako sa balita. Ang tupihanan kabahin sa akong kasinatian sa gamay pa ko. Sukdanan kini sa akong pagtubo. Nahibawo ko nga may buot na ko dihang wa na ko kuyogi sa akong inahan sa barberohan. Nahibawo ko nga ulitawo na ko dihang ako nay magbuot sa style sa akong alot.

Ug nahibawo ko nga tinedyer na ko dihang moadto na ko sa barberohan dili aron magpatupi kon di aron mag-istambay ug magpalabay sa kalaay uban sa barkada, maminaw sa mga istoryang makalingaw sa barberong siaw.

(@insoymada)

Linkback: https://tubagbohol.mikeligalig.com/index.php?topic=78022.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Wanted: Barbero
« Reply #1 on: March 30, 2014, 01:17:58 PM »
Ug nahibawo ko nga tinedyer na ko dihang moadto na ko sa barberohan dili aron magpatupi kon di aron mag-istambay ug magpalabay sa kalaay uban sa barkada, maminaw sa mga istoryang makalingaw sa barberong siaw.

...kana kon wala magpahipi samtang gatan-aw kang Inday nga sa pantaw gapahungaw... ;D

Linkback: https://tubagbohol.mikeligalig.com/index.php?topic=78022.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: