normal_post - Unsaon Pagpaminaw sa mga Balod sa Dimiao - Pulong Bisaya Author Topic: Unsaon Pagpaminaw sa mga Balod sa Dimiao  (Read 1120 times)

Ligalig-Mike

  • FOUNDER
  • GURU
  • *****
  • avatar_1_1507939928 - Unsaon Pagpaminaw sa mga Balod sa Dimiao - Pulong Bisaya
  • Posts: 18912
  • medal1 - Unsaon Pagpaminaw sa mga Balod sa Dimiao - Pulong Bisayamedal2 - Unsaon Pagpaminaw sa mga Balod sa Dimiao - Pulong Bisaya
  • Need A Website? Email me: info@mikeligalig.com
    • Share Post
xx - Unsaon Pagpaminaw sa mga Balod sa Dimiao - Pulong Bisaya
Unsaon Pagpaminaw sa mga Balod sa Dimiao
« on: August 27, 2007, 07:12:14 PM »
Unsaon Pagpaminaw sa mga Balod sa Dimiao
gitagik ni Mike Ligalig

Ligad sa lapad nga lingkoranan ilawom sa kahoyng nangalarag
na ang mga dahon, sa kahoyng gibatugan sa hapit na matun-as nga payag.
Kon duna kay panyo o shol himoa kanang unlan: gansang-gansangon ang tabla.
Aninawa ang kalikopan sa dili mo pa ipiyong ang imong mga mata.
Palupara ang imong mga mata ngadto sa kapunawpunawan;
makita mo ang pultahan sa kabitoonan nga gitrangkahan sa kahayag
unya baliki pagsud-ong ang gagmayng dahon sa kahoy
nga mikiay-kiay sa matag talidhay sa dagatnong hangin.
Sud-onga usab ang mga dahon sa saging nga nagwarawara
daw buot makig-cha-cha uban sa huros sa hanging amihan.

Piyonga karon ang imong mga mata: makita mo ang kalinaw.
Ipatong ang tuo mong kamot sa imong dughan, ang wala sa tiyan.
Ituy-od ang imong mga bagtak ug ayaw gyud ug tikoko o takilid.
Unya, ablihi ang mga bintana sa imong dalunggan kay modungaw ang kahilom.

Pamatia karon ang naglagumo nga haganas sa mga balod sa Dimiao
ang yagubyob sa dughan sa baybayon matag tamparos sa balod,
dili ba daw mananoy nga awit ang kalanrakas sa mga balod?

Paminawa ang nag-asod nga kadagatan, gidugmok sa kabangis sa habagat.

Pamatia pag-usab ang matag kabya sa balod basin adunay gihatod
nga mga gapnod sa lawod, mga sinalikwayng kahoy gikan sa Mindanao.

Unya ginhawa ug lawom, kanang hinukad gikan sa kahiladman
ug mabatyagan mo ang imong gininhawa nga gisawod sa adlaw,
iyabo kini ngadto sa nagbukal nga dagat ug ang imong gininhawa

mahimong mga koya sa mga balod sa Dimiao.

Ug paminawa karon ang kaugalingon mong mga balod sa kinabuhi,
mga balod nga gibuklad sa Labawng Makagagahom,
nga molampornas sa imong galamhan matag karon ug unya.

Imong mahibaw-an nga ang mga balod sa Dimiao
wala nagyawyaw aron mahigmata ang imong handurawan
kon dili aron ikaw makapahulay gikan sa kasaba sa kalibotan.

Linkback: https://tubagbohol.mikeligalig.com/index.php?topic=3695.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Share via facebook Share via linkedin Share via pinterest Share via tumblr Share via twitter

xx
Pagpaminaw sa mga Baki

Started by hubag bohol on Pulong Bisaya

6 Replies
1541 Views
Last post November 20, 2010, 01:51:22 PM
by hubag bohol
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal