Unsaon Ko Pagsulat Karongitagik ni M. O. Ligalig
buot kong sulaton karong taknaa
ang pagkagun-ob ug pagkahugma
sa tanan kong gigambalay
nga kalibutan alang kanimo,
apan ang luha sa akong mga mata
buot moambak sa akong mga tudlo,
ug ang matag hunas sa dugo
nga naglatay sa akong kaugatan
buot molumos sa akong dughan
ug naglisod ako pagginhawa,
naglisod na ko paghinumdum
kung kinsa ko, asa ko paingon-
nalimot na ko sa mga dalan
nga akong gisubay kaniadto,
wa na ko makaila sa dagway
sa yuta nga akong gitumban-
tingali dili ko na masulat
ang angay kong sulaton karon,
tingali pasagdan ko nalang
ang luha mosagol sa akong dugo
aron mahubsan ako sa kaguol,
aron mapapas tanang handumanan,
aron mahanaw tanang sinugdanan
Linkback:
https://tubagbohol.mikeligalig.com/index.php?topic=3777.0