(gibalak ni nako sa pantalan sa tagbilaran niadtong 2004 panahon sa sandugo festival.) the program was organized by CCAD and Kaka (Kaliwat ni Karyapa, organization of Bohol writers and thinkers)
Ukay-ukayDiha sa nagtumpil, nagwatak,
nagtipon-og nga mga sapot -
gihikling sa kubalong mga kamot -
nasiplatan ko ikaw
Mituhop sa akong panan-aw
ang di kasagaran mong disenyo -
lahi kang klase nga sinena -
dili mugna sa pakaras nga hunahuna
Busa gilabni ko gilayon ikaw;
basin maunhan pa ko sa uban
Gisukod ko ang imong gidak-on;
gisusi ko kon wa ka bay gisi,
o mansa, o kunot nga di na maplansa
Maayo nalang gani…
makuyog ka pa nako sa pagbordo-bordo
Bisan tuod girobo-robo ka na sa lain
ug napahimuslan na sa makadaghan sa uban;
putli gihapon ang imong mga tahi
Unya, seguro sa dihang nanimaho ka nang anino
buot ka na untang himoong trapo -
apan ambot! naunsa!
nasaag kas Pilipinas;
sinalikway ka sa Amerika -
apan nasapnay sa buslot kong bulsa
Karon, kon ako tamayon
nga ikaw akong gigakos:
kaulaw ayaw -
garbo ka namong mga kabos!
Linkback:
https://tubagbohol.mikeligalig.com/index.php?topic=5028.0