TB Sa Akong Mga Mata by Glacier_71
pinugad sa mamugnaong hunahuna ni mike ligalig
hinapyod sa maalamong pagsalig
giugmad taliwala sa mabugnawong banig
nga nagpanawag sa mga mainitong dumadapig
milabay pila ka buwan midaghan ang mga membro
hapit na gani moabot og duha ka libo
makapanglibawot sa balhibo ang kadaghan sa mga aktibo
makapangawot sab kas ulo kay mas daghang way klaro
nagkahulugan og palaum ang kolor nga blue
kay mga membro halos sa langyawng dapit nagtrabaho
naay minyo, naay nagnegosyo, naa poy nangamo
tinuyong bunga sa pagdibuho, wala ba gyud ni siyay LOGO?
usa ra ang tinungaha nga kab-oton sa tanan
maluwas sa kalisud ug makasuporta sa ginikanan
ang TB nahimong tulay ug dangpanan
sa binuhagay sa pagbati ug hunahuna adlawng tanan
maglibog ka sa kadaghang sa mga hisgutanan
pili lang kag isyu nga gusto nimong pakiglalisan
matyagi lang ang imong mga pulong nga pagabuhian
naay mga Admin abtik pas kilat mo-warning ug mo-ban
kung motimang ka's "topic" nga kinulokoy o sineryoso
daghan gihapon ang motubag ug maminaw nimo
ayaw lang jud nang kanunay "toinks", "yes" ug "no"
kay naay posibilidad imong "account" ugma wa na jamo
may mga tubag sa TB nga makapahimoot
naa poy uban mosangko sa langit imong kalagot
murag gatas ug kape, nagsagol ang tinood ug botbot
apan naa diha namugna ang iyang kaanindot
makapili kag gusto nimong maamigo ug maamiga
pwede sad ka magpabiga kung komportabli jud ka
i-PM lang kung naa kay sekretong pangutana
pero ayaw pod paglaum tubagon kay mapakyas lang ka
ang uban makalimot na lang tawon mokaon
kay ang TB na may sige og atubangon
hala! sige! dokdok pa! tan-awon nato kinsay gutmon
basig ikaw na poy membro mopanaw diri pohon
bisan ting-opisina, giatubang ang TB
lupig pay uyab kay di man ikita permi
kung masakpan ka sa imong boss, ikaw jud mapildi
singhagan man jud ka niya, "katapusan mo na kini"
daghan tag makat-unan niining matang sa pakiglambigit
sawmon mo man ang kalawom sa imong basiyong ping-it
dili ka magmahay mahikatulog inig oras na sa kangitngit
kay ang pakighigala nakakaplag og laing agianan padulong sa langit
BOW....
I wish i could write all these in my SIGNATURE! i really would ug makaigo...