normal_post - Sugilanon Sa Usa Ka Taxi Driver - Pulong Bisaya Author Topic: Sugilanon Sa Usa Ka Taxi Driver  (Read 3471 times)

Ligalig-Mike

  • FOUNDER
  • GURU
  • *****
  • avatar_1_1507939928 - Sugilanon Sa Usa Ka Taxi Driver - Pulong Bisaya
  • Posts: 18912
  • medal1 - Sugilanon Sa Usa Ka Taxi Driver - Pulong Bisayamedal2 - Sugilanon Sa Usa Ka Taxi Driver - Pulong Bisaya
  • Need A Website? Email me: info@mikeligalig.com
    • Share Post
xx - Sugilanon Sa Usa Ka Taxi Driver - Pulong Bisaya
Sugilanon Sa Usa Ka Taxi Driver
« on: October 15, 2009, 05:03:08 PM »
By Michael O. Ligalig
as published by The Bohol Standard Newspaper

Dihay usa ka higayon nga padulong ko sa airport sa Cebu nga nakatonong ko ug taxi driver nga estoryador pud. Pero lahi to nga taxi driver nga akong nasakyan kay gawas nga dili demanding nga pakyaw (sugot dretso nga metro lang), pagsakay nako misugod dayon siya ug kukabildo.

Madayag nga malipayon si Roel sa iyang trabaho nga pagmaneho sa taxi. Sagulan niya ug mga limpyong pasiaw ug katawa ang mga butang nga iyang gihisgutan. Gikan sa SM paingon sa airport, halos nasaysay ang kinatibuk-ang kaagi niya sa kinabuhi ngari kanako bisan sa daklit lang nga higayon.

“Taga-Bohol diay ka, Dong?” matod niya samtang nagadagan ang taxi. “Motuo ka ug sa dili, Dong, wala pa gyud koy lugar naadtoan gawas sa Cebu.” Mao ba, Nong. “Wala pa sab ko kasakay ug barko. Dinhi ra gyud ko sa probinsya sa Cebu nagtoyok-toyok.”

Hangtud nga naghisgot si Roel sa iyang kaagi nga sauna maghigda lang siya daplin sa dalan sa Carbon kay milayas sila sa ila kay nakighugoyhugoy sa mga barkada. Madayag nga miagi gyud ug bugoy-bugoy si Roel kay dihay mga patik sa iyang mga kamot ug bukton.

“Pero nausob ko sa dihang nagkita mi ning akong naasawa, Dong,” matod niya. “Bata pa kaayo ko nagminyo, Dong. Disenuybe ko, akong asawa dise-otso pa. Pero hapit pud duha ka tuig nakong antos didto sa ila samtang nangulitawo pa ko.”

Matod ni Roel nga kapandol-pandol siya ug sag-ob ug tubig adtong lugar sa iyang naasawa kay hilabihang bukira. Bugha ug kahoy. Tabang sa uma. Tabang ug degamo. Ug bisan unsa nalay isugo adtong mga ginikanan sa babaye iyang tumanon.

“Tungod adtong lisod nga kinabuhi sa bukid, Dong, nakalimot ko ug binugoy ug nakakat-on ko ug tinarong nga kinabuhi. Mao to nakaingon ko sa akong kaugalingon nga kung mobalik ko sa syudad, magtinarong na ko kay dili diay lalim ang kinabuhi sa bukid – ug di ko gusto mobalik sa bukid.”

Matinud-anon si Roel sa iyang kaagi. Wala niya gitago ang kamatuoran nga wala siya kahuman ug elementarya ug maingon man ang iyang asawa. Bisan pa man niini, nanglimbasog siya nga makakat-on nga magdrive ug sakyanan, hangtud nga nakatrabaho siya isip usa ka company driver. Ug wa ko malimot, kapit sa baynte ka tuig siya nga company driver. Sa paghawa ni Roel sa maong kompanya, didto siya nagsugod sa pagka-taxi driver ug hangtud karon nga lima na ang iyang anak.

“Ako, Dong, malipayon ko sa akong kinabuhi kay kompleto akong pamilya ug napadako nako akong mga anak sa tinarong nga paagi,” pakig-ambit ni Roel nako. “Dili nako importante kaayo ang kwarta. Ang ako lang nga completo akong pamilya. Makatulog ko nga maghayang ug limpiyo akong konsinsya kay wala man nako saguli ug binuang akong trabaho.”

Dinhi ning higayona, samtang nagkaduol mi sa airport, nga gibutyag ni Roel nako nga sa makadaghang higayon gitanyagan siya nga mag-push ug shabu sa Sugbu. Pabor gud kaayo kung mag-pusher siya kay naa naman siyay taxi nga gimaniho ug makaadto siya sa lain-laing lugar.

Bisan pa man sa kwarta nga gitanyag nga mahimo niyang ginansya, gilikayan ni Roel ang pagsulod sa maong illegal nga buhat kay matod pa niya dili matulon sa iyang konsensya nga magdako ang iyang mga anak ug nabuhi sa pinangitaan nga iya sa dautan.

Diha siyay gisugilon nako nga kauban niyang taxi driver nga misulod sa pagpamaligya ug shabu samtang nagmaneho ug taxi. Ang kinabuhi sa maong driver nagkalukot-lukot sa kaulahian, matod ni Roel. Ang anak napusilan. Mga anak sige ug pangasakit. Nadakpan ang maong driver ug aduna nay kaso karon. Ang tanan niyang kinitaan sa illegal nga buhat gihurot ra usab ug kotkot sa dimalas ug dautang mga panghitabo. Matod pa lagi, kung unsa ang atong gipugas, mao man usab ang atong pagaanihon.

Mao bitaw nga kining mga politiko nga naadunahan pinaagi sa salapi sa katawhan, aduna ra usay linugdangan sa ilang mga binuhatan sa kaulahian. Dili baya buta ug bungol ang atong Ginoo. Nakakita Siya sa tanang sekreto. Kung dili man karon matagamtaman ang silot sa pagpangawat, tingali moabot ra kini sa sunod nga mga kaliwat.

Kung ang usa ka taxi driver nga walay grado (walay kaulaw nga giangkon kini ni Roel) nagbaton man gani ug kahadlok sa Dios nga dili moapil sa mga hiwi nga binuhatan, unsa pa kaha kadtong adunay mga tag-as ug kinaadman o kaha mga graduate ug economics?

Wala man malibot ni Roel ang Pilipinas kay lagi diha lang sa Sugbo nahigot ang iyang mga tiil, apan igo na kaniya ang gamay nga kalibotan nga iyang nakit-an. Nia tay mga opisyal sa kagamhanan nga sige lang ug pupasiyo sa gawas sa nasod, mao pa gyoy hakug sa gahom ug bahandi nga unta nakatilaw naman sa daghang kabulahanan pinaagi sa singot sa katawhan, ang mga ordinaryong magbubuhis.

Ang tawo nga walay Diyos ug walay katagbawan sa kinabuhi dili gyud makatagamtam sa tinuod nga kalipay ug kalinaw.

Linkback: https://tubagbohol.mikeligalig.com/index.php?topic=23005.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

Bambi

  • GURU
  • ****
  • avatar_375_1353877539 - Sugilanon Sa Usa Ka Taxi Driver - Pulong Bisaya
  • Posts: 7295
  • medal1 - Sugilanon Sa Usa Ka Taxi Driver - Pulong Bisaya
  • Life is hard but a perfect dream to live on....
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #1 on: October 15, 2009, 08:25:10 PM »
A very nice touching story. A noble man!  Angay unta ani makat-on ang atong mga graduado nga na adunahan tungod sa kalaog ug tikas. Sakto siya, ang gaba kuno kay dili magsaba!

jamo2x

  • EXPERT
  • ***
  • avatar_2303 - Sugilanon Sa Usa Ka Taxi Driver - Pulong Bisaya
  • Posts: 1948
  • enJOY life and dance as if it's your last dance
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #2 on: October 15, 2009, 11:22:45 PM »
simple life...gamay lng wawarts pero abot langit ang kalipay...that's Priceless  8)
i promise you, i'll be yours forever :)

Chongki

  • EXPERT
  • ***
  • avatar_2620 - Sugilanon Sa Usa Ka Taxi Driver - Pulong Bisaya
  • Posts: 3459
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #3 on: October 15, 2009, 11:44:17 PM »
mabuhay ka roel!!!

david

  • EXPERT
  • ***
  • avatar_652 - Sugilanon Sa Usa Ka Taxi Driver - Pulong Bisaya
  • Posts: 1566
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #4 on: October 16, 2009, 12:05:46 AM »
bams naa ba kaha poy gaba!
hmmmmm

Raquelproud boholana

  • LUMINARY
  • ***
  • avatar_446_1359386485 - Sugilanon Sa Usa Ka Taxi Driver - Pulong Bisaya
  • Posts: 5112
  • medal1 - Sugilanon Sa Usa Ka Taxi Driver - Pulong Bisaya
  • mother of 4
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #5 on: October 16, 2009, 12:30:46 AM »
Wow very nice story Mike. Nausab jud bitaw akong pag tan aw sa mga taxi driver sa Cebu sa last nakong uli adtong january.Gikan ko sa davao City kay inderetso man ko didto then wala man lagi flight pa bohol gikan davao mao via cebu ko ug pagsakay nako sa taxi buotan kaayo ang driver.Gihapit pa ko niya sa Sto Nino ug nakadagkot pa gyud ko kadali didto then gihatud ko sa ganghaan sa pantalan sa Supercat.Taga Dalagit tong taxi driver akong nasakyan kay dugay pud ming estorya estorya samtang siya nag drive.Na shock ko ug tinuod nga pag abot sa pantalan ako siyang gipangutana pila akong dapat ibayad ug ingon lang siya nga ikaw gud maam ikaw ray magbuot.Giingnan nako siya ug wa jud koy idea pila dapat kay wa man pud to siya nagmetro siguro mao ako nalang gitunulan ug 300 pesos.

Lahi ra kaayo to akong experience sa naexperience namo sa akong bana sa ing adto mi sa Cebu.Hapit ko nakakita ug away aw ako gyud gi away ang driver.Unsaon pahatud mi sa hotel gilibot man nuon mi tibuok isla sa mactan unya pag abot namo sa hotel naa pay guts mo ingon dapat doble kono among ibayad mao akong giaway hahahha.Lahi ra pud siguro ug kita rat mosakay kay sa naa tay kauban nga foreigner.
"We may be surprised at the people we find in heaven. God has a soft spot for sinners. His standards are quite low"---Bishop Desmond Tutu

Lazada.com.ph Search ProductsBooking.com Hotel Search | SitemapRSS Feeds

tohnichi007

  • STUDENT
  • *
  • Catherine Zeta Jones - Sugilanon Sa Usa Ka Taxi Driver - Pulong Bisaya
  • Posts: 468
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #6 on: October 16, 2009, 01:10:41 AM »
Simple ug makahulugan ang kaagi ni Roel. Positibo ang iyang pagdawat sa naagiang kalisud. Igo lang ko sa damgo nga ingon ani unta tanan. :)
Ilha Formosa.  Taiwan Will Touch Your Heart!

Bambi

  • GURU
  • ****
  • avatar_375_1353877539 - Sugilanon Sa Usa Ka Taxi Driver - Pulong Bisaya
  • Posts: 7295
  • medal1 - Sugilanon Sa Usa Ka Taxi Driver - Pulong Bisaya
  • Life is hard but a perfect dream to live on....
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #7 on: October 16, 2009, 01:10:46 AM »

david, mao may ahong nadunggan....morag ang  tawo ug dili gani pa motagam, wa pa tingali sila makatagam-tam anang gitawag ug gaba!

Ligalig-Mike

  • FOUNDER
  • GURU
  • *****
  • avatar_1_1507939928 - Sugilanon Sa Usa Ka Taxi Driver - Pulong Bisaya
  • Posts: 18912
  • medal1 - Sugilanon Sa Usa Ka Taxi Driver - Pulong Bisayamedal2 - Sugilanon Sa Usa Ka Taxi Driver - Pulong Bisaya
  • Need A Website? Email me: info@mikeligalig.com
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #8 on: October 16, 2009, 08:11:34 AM »
@Bambi: Ate Annie, kining kaligdong ug kaaghop sa kasing-kasing sa tawo wa magaagad sa edukasyon nga nakab-ot.

@Raquel: Didto pud sa Manila, Quel, bisan daghan salbahis nga taxi driver, naa gihapoy mga buotan nga ihatod ka sa padulngan nga dili ilibot-ilibot ug mosukli ug insakto. Pero 95% sa mga taxi driver sa Manila way mga atay ug batikon. Kini based ni sa personal nakong experience sa tanan nakong byahe didto.

statesville

  • EXPERT
  • ***
  • avatar_2169 - Sugilanon Sa Usa Ka Taxi Driver - Pulong Bisaya
  • Posts: 3339
  • The best daily exercise -- walk with the Lord.
    • Share Post
xx - Sugilanon Sa Usa Ka Taxi Driver - Pulong Bisaya
Re: Sugilanon Sa Usa Ka Taxi Driver
« Reply #9 on: August 04, 2010, 02:58:00 AM »
Ang tawo nga mahadlokon sa Ginoo  iya gayud nga panalanginan
     bulahan ang magpaubos kay  siya ibayaw sa Diyos.

Hubo nga gipakatawo ug sama usab nga walay bahandi madala
     ig-abot sa higayon nga ang tawo pagatawgon sa kamatayon
     diin sa katapusan moatubang para pagahukman
     sa Langitnong Amahan....
   
Every Christian has GPS -God-Provided Salvation!
It may not guide you to everywhere you want to go in this world, but it will ensure  that you arrive safely in heaven.



Share via facebook Share via linkedin Share via pinterest Share via reddit Share via twitter
 

Latest Topics

Bugsay's favorite climate activist by MIKELIGALIG.com
[Today at 08:38:56 AM]


Miraculous transformations: from fat to fit by hubag bohol
[Yesterday at 08:33:25 PM]


Nonconformist by hubag bohol
[Yesterday at 08:30:18 PM]


Camouflage by hubag bohol
[Yesterday at 08:24:02 PM]


"Whither thou goest, I will go..." by hubag bohol
[Yesterday at 08:08:53 PM]


Nagpanilap by hubag bohol
[Yesterday at 08:06:55 PM]


How fast time flies... by hubag bohol
[Yesterday at 07:50:54 PM]


Imelda Marcos Is Here to Teach Us by hubag bohol
[Yesterday at 07:46:28 PM]


Grace under pressure by hubag bohol
[Yesterday at 07:18:19 PM]


The Lightsaber by hubag bohol
[Yesterday at 07:16:54 PM]

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal