(bunga sa among panagkukabildo sa pikas thread uban sa mga membro, natawo kinig akong balak, gihalad ko kaninyo. ako unta kining itagik alang sa pipila laman, apan, maayo tingali iapil tanan. salamat mga sayberfrends.)
Sa Dihang Nahimamat Ko Kamo(TB Sa Akong Mga Mata -- Part II)
ni Glacier_71
ang mga tawo sa TB
nga naghambin sa maayong pagbati
dili madalidali nga malugti
malawos ang katahum
maaslom ang pahiyom
malarag ang kaanyag
hangtud natun-as na ang payag
nga gitukod sa halapad nga patag
sa gugma kaninyo sa Diyos gihatag
mao kini ang mga tawo sa TB
bisa'g tua pa sa Pinas, USA o Norway
ma-Canada o Germany
tua pa gani sa Australia
ug ubang nasud sa Europa ug Asya
bisan asa nagka-ilhanay kini sila
may panglantaw motabang ni bisan kinsa
niaging tuig nag-TB anniversary na
nagpakaon pa og mga bata sa Anda
walay gipalabi kung ikaw datu o pobre
ilang kinaiya yano, mainato pwede
pagjahan sa uban nga lagi
mag-ija-ija ug mag-aho-aho
sori lang kay wa pa mo kaila namo
maingon ta usa sila ka pamilya
dili man tood pareho ang kinaiya
apan naay kahiusa bisan nagkadaiya
ingon ana man ang mga igsoon, di ba?
atong panghinaut sa dugayng pagpaabot
magkahimamatay ang tanan kay sabot
samtang ang kalibutan nagsige pa'g libot-libot
magpabilin pa unta ang kainit sa pagbati
magsilaub pa unta ang siga sa kandilang puti
giugdok sa hawanan sa panaghigalaay
nga sa pipila ka tuig milambo ug mitunhay
bisan tood naay wa magkasinabtanay, hahay
magminahalay gihapon labon'g wa pa mangamatay
Linkback:
https://tubagbohol.mikeligalig.com/index.php?topic=18688.0