veryhot_post - Puro Gawas, Walay Sulod - Pulong Bisaya Author Topic: Puro Gawas, Walay Sulod  (Read 7919 times)

Ligalig-Mike

  • FOUNDER
  • GURU
  • *****
  • avatar_1_1507939928 - Puro Gawas, Walay Sulod - Pulong Bisaya
  • Posts: 18912
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisaya
  • Need A Website? Email me: info@mikeligalig.com
    • Share Post
xx - Puro Gawas, Walay Sulod - Pulong Bisaya
Puro Gawas, Walay Sulod
« on: October 06, 2009, 09:12:29 PM »
Puro Gawas, Walay Sulod
by Mike Ligalig
published by the Bohol Standard

Duna koy bag-ong higala nga taga-Luzon apan diri na sa Bohol nanimuyo sulod sa napulo ka tuig ang mikomentaryo ug miingon nga sa ato daw sa Bohol daghang mga nindot ug balay pero grabe tihika mopalit ug sud-an.

"Nganong nakaingon ka man ana?" sukna ko niya. "Daghan na ko ug experience," mubong tubag sa akong higala, "garbo ray gadaghan ning ubang mga tawo. Wala mapahiluna ang priority."

Matod ni Robert Kiyosaki, tagsulat sa libro nga "Rich Dad, Poor Dad," ang suliran sa kapobrehon nagagumikan sa dili maayo nga financial management. Pananglitan, daghan ang gusto mopalit ug bag-ong sakyanan. Apan ang sakyanan ba nagsimbolo nga kining tawhana daghan ug kwarta? Dili ba kaha nga ang income aning tawhana tua nahuwad sa pagbayad sa sakyanan? Matod ni Kiyosaki, mahimo nga ang usa ka tawo adunay bag-ong sakyanan ug nindot nga balay apan kabos ang panudlanan sa salapi. Nahimo nga dayan-dayan lang ang gipamalit nga kabtangan aron maila siya sa katilingban.

Dugang pa ni Kiyosaki, mahimo nga ang usa ka tawo walay balay ug walay sakyanan apan anaa siyay financial freedom. Makapalit siya sa iyang gusto. Walay utang. Panahon sa iyang pag-retire, dili siya magkalisod-lisod kay napahiluna man sa maayong investment ang iyang kwarta. Daghan ra ba gyud nga nag-retire nga naglisud hinuon tungod sa sige ug pamalit ug mga butang nga walay "ROI" (return on investment). Ang usa ka milyon nga nadawat sa retirement gitilapan ra. Gipamalit ug sakyanan nga tagsa ra gamiton ug walay ROI.

Daghang naglisud, matod pa ni Kiyosaki, tungod sa sayop nga paggamit sa kwarta. Adunay asset. Adunay liability. Sugyot sa tagsulat nga matag higayon nga aduna tay paliton, atong pangutan-on atong kaugalingon: asset ba kini? o liability ba hinuon? Ang sakyanan mahimong liability kung kini naghatag lang nimo ug problema sa imong panalapi. Liability kini kung kini wala maghatod nimo ug ROI.

Kadaghanan sa mga tawo, matod ni Kiyosaki, magsige nalang ug trabaho sa tibuok nilang kinabuhi aron ibayad sa ilang mga nautang ug aron ipamalit sa ilang gusto. Panahon sa kalisod ug tinuod nga panginahanglan, wala nay mahikap kay nahurot naman ang kwarta ug palit ug mga butang nga walay ROI. Hangtud nga dili nato masabtan ang relasyon sa asset ug liability, panahom ni Kiyosaki, kanunay gyud ta masayop kung giunsa nato paggamit ang kwarta.

Dihay akong silingan nga bag-o ra namatyan ug bana. Ang ginikanan sa bana nahalinan ug yuta. Dako ang kantidad. Gibahin sa tanang igsuon sa bana ang halin. Ang nabalo nga asawa nakadawat ug dakong kantidad. Naunsa ba hinuon nga nakurat man sa kwarta nga nadawat. Palit diri. Palit didto. Ang mga anak nga gagmay pa gitagsaan ug palit ug cellphone. Gipuno ang balay ug mga appliances. Gapaturagas ug gasto. Wala ginegosyo ang kwarta. Walay ROI sa mga gipamalit. Karon, sa akong nahibaloan, maglisud na gani ug palit ug usa ka putos asin. Ang refrigerator nga gipalit ug 15,000 pesos gibaligya ug 2,000 nalang aron makapalit ug bugas.

Dinhi atong makita ang usa ka sanglitanan nga nahitabo na sa kadaghanan. Nahitabo kini sa usa sa akong mga uyoan nga bag-o lang miretiro sa panerbisyo sa gobyerno. Nakadawat ug kapin sa usa ka milyon sa iyang retirement. Sa usa ka pagpamilok, nahurot ang kwarta. Mahurot man gyud ang kwarta kung puro lang gasto ug walay pagpatubo niini.

Mao man niy sayop natong mga Pinoy. Sayop sa atong mentalidad ug kultura. Puro ta palit. Puro ta gasto. Mopalit ug sakyanan apan mangutang para ipatubil ug gasolina. Mopatukod ug dagkong balay apan maglisud ug bayad sa kuryente ug tubig. Wala sa atong kinaiya ang pagnegosyo. Dili pareha sa mga Chinese, ug bisan gani sa mga Thailander, nga negosyo ang ilang gipakadak-an. Naa man silay mga trabaho apan naa gyud silay ginagmayng negosyo nga diin ang ilang kwarta mitubo ug milambo. Kung puro gawas ug walay sulod, apiki pirmi ang bulsa.

Dili ba daghan sa mga nag-abroad nga sa ilang pagbalik ug panimuyo sa Pilipinas, naglisod gihapon kay ang kinitaan sa gawas wala man ginegosyo? Pahimangno kini.

Ang pagpamalit ug maayong pagkaon maayo ba nga investment? Of course. Investment ang “good food.” Investment ang “good education.” Mga priority ni. Big house, shiny cars, investment ba? Basaha ang Rich Dad, Poor Dad ni Robert Kiyosaki ug imong mahibaloan ang tubag.

Linkback: https://tubagbohol.mikeligalig.com/index.php?topic=22798.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

ms da binsi

  • EXECUTIVE
  • Webmaster
  • *****
  • avatar_404_1343332775 - Puro Gawas, Walay Sulod - Pulong Bisaya
  • Posts: 24897
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisayamedal3 - Puro Gawas, Walay Sulod - Pulong Bisaya
  • 2. You cannot change what you refuse to confront.
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #1 on: October 06, 2009, 09:56:19 PM »
Daddy na ni Macky si  Kiyosaki! I read that book few years when that was the topic here. It was very interesting.

Speaking of cars, my sister told me, she has a friend, a co worker who has a car and yes he looked grand with a car, well not really a nice car but you know in our country prople thought (you are right) is a status symbol that you have money.

Kalouy sa Dios every lunch time di jud tawon kuno maka palit ug good food to ija amigo kay wa jud tingali to shay kwarta.  It is not easy to have a car. We have a car back home (pasikat) unya dili namo magamit usahay kay lagi mahal ang gasolina, maayo pa ipalit nalang ug karne ang ibayad sa gasolina.

Kung ako diri sa Michigan ug naa pay traysikol i would never get a car. I would rather have a bike than a car, ngano? gasto kaayo ang car, daghan bayronon, insurance number 1, gas, maintainance parking fee. Most big cities diri sa Merika gi introduce na ang pag gamit sa bike. One of the best hip replacement surgeon in LA whom i know  bikes to and from work. I sometimes do bike to work in LA. It is fun di lang maka save ka sa gasolina, ma excercise ka pa!
The best sermons are lived not preached.http://www.facebook.com/daBinsi

Raquelproud boholana

  • LUMINARY
  • ***
  • avatar_446_1359386485 - Puro Gawas, Walay Sulod - Pulong Bisaya
  • Posts: 5112
  • medal1 - Puro Gawas, Walay Sulod - Pulong Bisaya
  • mother of 4
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #2 on: October 06, 2009, 10:59:37 PM »
Tinuod ni mga balay sa Bohol perti nang mga gwapuha pero isi ra lagi ug pasindiray unja mao diay mamaylo ug bugas sa silingan. Daghan naay sakyanan pero naproblema ni sila asa napud sila mamaylo sunod para ibayad sa loan sa sakyanan ug sa balay. Uban gani unahon ug pintal ang balay sa gawas pero wala diay toy sulod ang sulod aron ingnon ra lagi.

Bisan diri sa U.S mao nay mentality sa uban. Example among mga silingan permi brand new ilang machinery.Usa lang ka farm machinery nga bran new mag cost na ug 250 thousand dollar to half million unya ug puro bag o imong machinery perti pong dakoa sa imong nagasto hinuon million man pud imong income. Akong bana murag si Kiyosaki nga inay mopalit mi ug mga brand new machinery tua mi ingpalit sa used machinery nga mao rang dagana ug mao rang trabahua.Usahay magbreak down pa ning bag ong machinery kaysa daan as long as imo ning ampingan.Among mga silingan ilang corn harvester almost half million ilang palit ang amoa used intawon 25 thousand dollar lang.Utang ilang machinery amoa cash pagbayad unya sila magsegi upgrade kara tuig kami diri instead usa among corn harvester tulo kay ug madaot ang usa naay duha ka back up.Kini mga machinery namo mo last ni tagpila ka tuig. At the end of the day among silingan ing complain nga ayo kono mi daghan na own nga farm ground sila daw mostly rented. Kay ngano instead nga among income adto sa mga shiny stuff ibutang among gipalit ug mga farm ground kay more farm ground more income.Ang mga sakyanan mag depreciate na siy pareha pud sa balay dili investment ang balay kay wa kay return makuha ani gani daghan pa ka ug magasto. Among mga silingan nagkatawa siguro ni sila magtan aw namo among machinery mga daan unya kami pud nagkatawa nagtan aw nila kay maghunahuna nila nga katulog ba kaha sila sa kadako sa ilang utang hahahah.Bahala ug junky looking basta natug naghajang kay way utang.Mao ra pud ni sa bahala ug gamay ko ug balay sa amoa basta cash akong pagbayad tanan di pareha sa mga silingan mansion tuod ug balay pero utang pud mansion.
"We may be surprised at the people we find in heaven. God has a soft spot for sinners. His standards are quite low"---Bishop Desmond Tutu

Lazada.com.ph Search ProductsBooking.com Hotel Search | SitemapRSS Feeds

benelynne

  • EXECUTIVE
  • EXPERT
  • *****
  • avatar_467 - Puro Gawas, Walay Sulod - Pulong Bisaya
  • Posts: 2586
  • The good is the enemy of the best. John C. Maxwell
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #3 on: October 06, 2009, 11:17:58 PM »
Murag logical sequence ni Mike sa imong pangutana, "Ngano diay kung magbaklay ko?" Sagdi lang gud maghunahuna sila nga wa ta'y kwarta, basta di ta mangayo ug pamahaw nila. I think it is a universal human trait not only to try to keep up with the Joneses, but outdo them. I myself try to get out of such circles.

Tan-awa ra gud na si Jim Press, executive sa Chrysler nga nag-atubang ron ug US$ 1.35 million in unpaid federal taxes and loans. Naa sya nagpuyo sa 6,900 square foot nga balay nga giutang niya sa ING Bank for US2.2 million. There is a very good chance of that property being foreclosed.

If there is an important lesson that we learned from the recent calamities, it is that we can't stake our sense of self-worth in material vanities--because your house, cars and other possessions could literally be swept away from you anytime.

Live out of your imagination, not your history.
 -- STEPHEN COVEY
http://www.facebook.com/photo.php?pid=4508115&id=710401074#/profile.php?ref=name&id=710401074

jamo2x

  • EXPERT
  • ***
  • avatar_2303 - Puro Gawas, Walay Sulod - Pulong Bisaya
  • Posts: 1948
  • enJOY life and dance as if it's your last dance
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #4 on: October 06, 2009, 11:33:09 PM »
hayyyz tinuod jud ni...nag kadaiya ang priority sa tao..uban porma og garbo unahon kaysa mag invest...daghn gani ko kaila mga nurses palit og dagkong balay half milyon dollars, brand new cars...sa una pa ha...mao ang baji tawn cge na lg overtym, halos di na sya makita sa ijang mga anak. morag na 'slave' na sa ilang properties. this is not life.  8)

plano nako nga sakyanan pag uli, kanang habal2x lng...pero tricycle side car tirada morag katong daan nga motor ni batman og robin gani ehehe incaso naay ka deyt diay  ;D
i promise you, i'll be yours forever :)

ms da binsi

  • EXECUTIVE
  • Webmaster
  • *****
  • avatar_404_1343332775 - Puro Gawas, Walay Sulod - Pulong Bisaya
  • Posts: 24897
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisayamedal3 - Puro Gawas, Walay Sulod - Pulong Bisaya
  • 2. You cannot change what you refuse to confront.
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #5 on: October 06, 2009, 11:37:24 PM »
Korek, korek ug korek!

This is no time for vanity, dapat utok na gamiton karon.

bugsay

  • DIPLOMAT
  • GURU
  • *****
  • avatar_2592_1370599595 - Puro Gawas, Walay Sulod - Pulong Bisaya
  • Posts: 10606
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisaya
  • βυγσαψ
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #6 on: October 06, 2009, 11:37:39 PM »
Tinuod gyud, nga daghan na kaayong sakyanan imong makita sa mga lungsod ilabina daplin sa Highway.
I wonder if magamit ni nila once a week. We'll kon hinimbahon, mauy sakyan aron mosimba.
Hmmmm...kadako sa kantidad sa sakyanan nga nagyaka ug ipadunot lang.

Basin para pasikat lang...,..naay sakyanan sa garahean pero sa kusina ginamos ang sud-an......butangi!!!!
βυγσαψ

hubag bohol

  • AMBASSADOR
  • THE SOURCE
  • *****
  • avatar_2343_1427652107 - Puro Gawas, Walay Sulod - Pulong Bisaya
  • Posts: 89075
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisayamedal3 - Puro Gawas, Walay Sulod - Pulong Bisayamedal4 - Puro Gawas, Walay Sulod - Pulong Bisayamedal5 - Puro Gawas, Walay Sulod - Pulong Bisayamedal6 - Puro Gawas, Walay Sulod - Pulong Bisayamedal7 - Puro Gawas, Walay Sulod - Pulong Bisayamedal8 - Puro Gawas, Walay Sulod - Pulong Bisayamedal9 - Puro Gawas, Walay Sulod - Pulong Bisaya
  • "Better to remain silent and be thought a fool...
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #7 on: October 06, 2009, 11:42:34 PM »

Tinuod jud ni. Ahong mga amigong Insik, kon magkita, ang pangutana, "Unsay negosyo nimo ron?" Ahong mga amigong Pinoy, kon magkita, ang pangutana, "Pila nay kabit nimo ron?"

Seriously, I used to know government employees who would spend a month's income for a "morning-the-night" drinking spree. Unthinkable.
...than to speak out and remove all doubt." - Abraham Lincoln

jamo2x

  • EXPERT
  • ***
  • avatar_2303 - Puro Gawas, Walay Sulod - Pulong Bisaya
  • Posts: 1948
  • enJOY life and dance as if it's your last dance
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #8 on: October 06, 2009, 11:42:34 PM »

hehehe kahinumdum ko sa pinas sa una, mga salesman, kuntodo alahas og spooting kaajo ang long sleeves og necktie...pag abre sa attache case, kauban sa mga papeles, nag alisngaw ang balon nga buwad  ;D

ms da binsi

  • EXECUTIVE
  • Webmaster
  • *****
  • avatar_404_1343332775 - Puro Gawas, Walay Sulod - Pulong Bisaya
  • Posts: 24897
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisayamedal3 - Puro Gawas, Walay Sulod - Pulong Bisaya
  • 2. You cannot change what you refuse to confront.
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #9 on: October 06, 2009, 11:46:19 PM »


nga giputos pa jud dahon sa saging??? bwahahahhahah!

i think naka kita sad ko ani... ija attache case pag abri nanimaong ginisa nga tinapa! sure jud ni dili bakak!

hahahhahah!

jamo2x

  • EXPERT
  • ***
  • avatar_2303 - Puro Gawas, Walay Sulod - Pulong Bisaya
  • Posts: 1948
  • enJOY life and dance as if it's your last dance
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #10 on: October 06, 2009, 11:49:38 PM »

heheh tinood jud labi na mga med reps og mga salesman sa sarisari store heheheh...may pa tung tig supply sa tuba, alegre pa bisag buslot2x na ang short pants og hugaw ang tshirt...lipay pa ajo...ka wawarts na sija, libre pa jud inom  ;D
problema nya lng unsay kantahon pag harana kay inday  ;D

Raquelproud boholana

  • LUMINARY
  • ***
  • avatar_446_1359386485 - Puro Gawas, Walay Sulod - Pulong Bisaya
  • Posts: 5112
  • medal1 - Puro Gawas, Walay Sulod - Pulong Bisaya
  • mother of 4
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #11 on: October 07, 2009, 12:34:11 AM »
Naa pud ning mentalidad sa atua nga dili ka alahas,dili kabalay,dili ka sakyanan ug dili utangon so mangutang nalang aron naa.Ok ra ni nga mentalidad ug ikaw mismo nakakita sa imong future nga di ba ka masakit,mawad an ug trabaho ug worst mamatay ,na kinsa may magbago sa imong utang ang nabilin.Tan awa ang nahitabo karon sa manila leksyon ni 95% percent siguro anang mga property diha puro utang apil sakyanan.Ang worst ani kay bisan wala na imo property magsegi gihapon ka ug bayad. Kini rabang utang cycle once masugdan maglisod na ka ug gawas.Manga angin na raman tang di palautang kay kita may bayloan nila ug magkalisod.

bol-anon nga cebuano

  • DIPLOMAT
  • LUMINARY
  • *****
  • avatar_1156 - Puro Gawas, Walay Sulod - Pulong Bisaya
  • Posts: 6773
  • medal1 - Puro Gawas, Walay Sulod - Pulong Bisaya
  • in true friendship, forgetfulness has no place...
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #12 on: October 07, 2009, 02:12:58 AM »
nakabantay sad bitaw ko nako murag medyo materialistic ra ko. sometimes maghunahuna ko nga palit ko ana nya palit ko ato. pero wala ko maghuna huna nga naa pa diay daghang priorities other than that. maong medyo naghinahinay nako karon ug gasto.
"The difference between a smart person and a wise person is that a smart person knows what to say and a wise person knows whether or not to say it."

Lazada.com.ph Search ProductsBooking.com Hotel Search | SitemapRSS Feeds

bugsay

  • DIPLOMAT
  • GURU
  • *****
  • avatar_2592_1370599595 - Puro Gawas, Walay Sulod - Pulong Bisaya
  • Posts: 10606
  • medal1 - Puro Gawas, Walay Sulod - Pulong Bisayamedal2 - Puro Gawas, Walay Sulod - Pulong Bisaya
  • βυγσαψ
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #13 on: October 07, 2009, 02:22:42 AM »

Sakto ka bai BNC...tagaan gyud ug gibug-aton atong panginahanglan kay sa  unsay atong gusto.

bol-anon nga cebuano

  • DIPLOMAT
  • LUMINARY
  • *****
  • avatar_1156 - Puro Gawas, Walay Sulod - Pulong Bisaya
  • Posts: 6773
  • medal1 - Puro Gawas, Walay Sulod - Pulong Bisaya
  • in true friendship, forgetfulness has no place...
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #14 on: October 07, 2009, 02:49:47 AM »
im facing the same dilemma karon. do i have to buy a new set of wheel rims and tires while my car is not in good condition or just use the old set tires for the meantime and have the car checked by a mechanic and have it properly conditioned? there is good offer from a dealer friend wherein he's offering me a brand new set of wheel rims and tires plus accessories (4 tires, 4 mug wheel rims, 16 stud bolts and nuts) for 10k although it's made from china but the design and quality is good which made the offer so enticing and hard to refuse. and then lately our sala set got wasted by the kids as they vandalized it when they got hold of a pen. so there is a need to replaced it also. and then my sons birthday is fast approaching too and the spare 10k that i have with me which is enough for the tires and rims could be a fitting value for his birthday. i've been thinking about whether to buy the tires, fix the car, fix the sala set or spend the money for my sons  birthday. me and my wife eventually decided to fix the sala set first then set aside the remaining money for our sons birthday and will settle with the others later.

Raquelproud boholana

  • LUMINARY
  • ***
  • avatar_446_1359386485 - Puro Gawas, Walay Sulod - Pulong Bisaya
  • Posts: 5112
  • medal1 - Puro Gawas, Walay Sulod - Pulong Bisaya
  • mother of 4
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #15 on: October 07, 2009, 03:19:20 AM »
Di lang baya ni sa atua apil diri sa U.S daghan ni nga mentalidad. Diri sa capital city namo Springfield naay village nga mga Millionaire daw namuyo kay ang mga balay worth million.Karon naa mi silingan nga salesman ug vacuum. Syempre mosulod gyud ni siya sa balay adtong mga inilang millionaire aron mamaligya ug vacuum. Pastilan ingon niya ilang mga credit kono di madawat bisan vacuum lang kay dagko kaayo ug utang diay mga tibaghak.As in empty daw ang sulod sa balay way mga furniture kay di na lagi ka afford nasobrahan ug utang wa nay pautang.
Karon pasikat pasikat ni sila ug party.Unya aron dili mabal an nga way furniture mao mangrent intawon sila mga furniture ,kay naa na diri pwede ka ka rent sofa,t.v bisan unsa nganli naa na diri hahhaha.
Kining mga tawhana moingon jud ni I am debt up to my eyeballs.

Bambi

  • GURU
  • ****
  • avatar_375_1353877539 - Puro Gawas, Walay Sulod - Pulong Bisaya
  • Posts: 7295
  • medal1 - Puro Gawas, Walay Sulod - Pulong Bisaya
  • Life is hard but a perfect dream to live on....
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #16 on: October 07, 2009, 04:52:41 AM »
Puro Gawas, Walay Sulod - this is  a real Pinoy life soap-opera. You are not a Pilipino ug dili ka hambuguero! Morag nahipatik na kini sa atong agtang! Kining atong pagka one day millionaire!  Usahay, makaingon ko nga sakto usab nga paagi kay lagi......ang kinabuhi dali ra matapos ug lumalabay lang,  busa hala todo-todo ang gastos dili na huna-hunaon ang ugma nganong magtigom pa man? Pero ang imong paghuna-huna ug pagpensar sa tanan ug itunong mo kini sa sakto nga katuyoan dili man kini sayop. Ang maayo......

1. ayaw pagtinihik sa pagpalit ug healthy nga  pagakaon - hunahuna-a nga kon kalingaw kag ginamos, barato  nga tambok sa baboy  (kidney trouble, HB);
    hunahunaon mo nga gasto kaajo ang pagpatambal, pa-ospital;
2. pagbaktas kalingaw kon mahimo - magsakay ka gastos na pod unja makabil-bil ug samot;
3. kon gusto ka magbalay....bisan gamay basta dili inutang, paningkamoti nga dako ka ug mahimo sa imong kaugalingon;
4. ang imong mga bata, ayaw ipa-enroll sa private schools kay mahal, adto sa goberno nga schools kay libre(dis-a man diay ta? - nakahuman ug naka-
    trabaho man lagi ta);
5. kon Pensionista kana gikan sa abroad, ajaw pagsuhol ug makatabang kay gastos kana, kon ikaw tigols na kining pag-inusara  makatabang sa paglikay sa
   sakit nga Alzheimer/Ango-angohon  kay magamit ang imong utok kon ikaw ra ang maghuna-huna sa angay sa imong panahon kon unsa imong buhaton
   kada adlaw; (a good brain exercise);
6. kon mahimo minus-minusan mo ang imong mga bisyo sama sa sigarilyo, alkohol, sugal, ug kabit-kabit o kauyaban;
7. likayi ang pangpangutang sa bisan unsa nga way hinungdan nga kabtangan;

aw.....kon dili ni nimo mahimo ang ahong gi presentar nga mga sugyot, ikaw di lang Pilipino kon dili hambuguero pa gjod!  ;)

 

willmerit

  • EXPERT
  • ***
  • avatar_366 - Puro Gawas, Walay Sulod - Pulong Bisaya
  • Posts: 3621
  • smile!
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #17 on: October 07, 2009, 10:34:07 AM »
Quel mao bitaw na reason ngano wa na ko nakigmingle sa mga friends nako kaniadto sa NC kay isigpasikatay lagi, magsigeg party kada weekends kay para mabisita ang mga balay, unya kay trailer raman among gipuy an, nangggawas ang mga libak.  miingon ko sa akong bana bahala ug trailer ra atong gipuy an kay wa ta gaagwanta ug bayad ug mortgage nga tagaliog, ang akong mga kaila mga nindot ug balay, pero tagaliog pud ang utang, mag unsa man ug nindot kag balay pero ang namuyo dili tao hehehehhe.

Raquelproud boholana

  • LUMINARY
  • ***
  • avatar_446_1359386485 - Puro Gawas, Walay Sulod - Pulong Bisaya
  • Posts: 5112
  • medal1 - Puro Gawas, Walay Sulod - Pulong Bisaya
  • mother of 4
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #18 on: October 07, 2009, 11:20:51 AM »
Sakto Amy, ayo pa ang nagbalay ug trailer kay fully paid ang bayad sa balay matulog maghajang way problema kaysa adtong dako lagi ug balay pero nagproblema na ug ma foreclose ba ang balay.Pinili ra bitaw pud akong mga amiga diri filipina kay unsaon pasikatay lagi bitaw ning uban ba.Naa jud filipina nga baw amiga ba akong tawag ani pero gipanag ing lang ko nija nga pareha mi ug kahimtang kay pagkabuntis nako ni Jacob gitawagan jud ko niya ingon dayon "ka iresponsible  ba nimo pataka lang ka ug kabuntis unya ug unsay mahitabo sa imong bana asa man ka ipakaon anang imong mga anak. Wala raba kay trabaho."Giyawyawan jud ko niya ug tinuod ako lang siya gipahuman ug yawyaw usa nako gitubag. Giingnan nako siya "oi nganong ikaw may naguol? ayaw ipanag ing atong kahimtang kay tinuod dili ko flashy pareha nimo ug sa imo bana bisan unsay paliton way tinigom unya segi mo bagolbol way kwarta.Kadungog ba ka nako nagsegi ko reklamo wa mi kwarta hehehhe. Besides ug wala ka masayod among farm di talang ka tug anan unsa ka dako apil ang income basin ma collapse la diha hehehhe. Ug maunsa akong bana mosamot ko kadaghan kwarta unya among mga anak secure na ni sila,di ni gutman, makaeskwela ni ug college bisan sa harvard pa. Correctionan ka nako sa imong giingon nga wa koy trabaho sa tinuod lang mas daghan ko trabaho kay nimo ug janitor gani ko sa among shop ug cook pud diay. Kabalo ka pila akong sweldo tibook tuig 10 thousand after tax na ni hahahha kabalo ko gamay ra ni para nimo pero dako ni para nako kay nagproblema ko unsaon ni nako paggasto. Ing ulbo jud ang agbon sa akong amiga  (kono) Ams. Perti nakong buhakhak ug kawata paghuman namo talk.Sa una naay manghinaway nako di ko motingog karon ajo na ning tubagon diay panagsa.Wa na gud ko niya estoryaha pero kabalo ka segi gihapon nako siya hatdan ug mga gulayon gikan sa akong garden hehehhe.
Iya jud tan aw namo kay naglisod kay iya pag tuo permi mi on budget.Kanang mga baratuhon man among tigpalit(great value) samtang siya puro mahalon unya magparty siya sa iyang anak perti ang venue bongga ug ako magparty diri ra sa amoa ako pay mangunay ug luto magbaguod siya gani ug dala ug bringhouse kay di pud ni kabalo moluto mao tanan sobra akong padala niya. Daghan jud matang sa filipina inig abot diri murag wa kaagi ug kalisod sa atua.Mga hinawayon bitaw, ilang pagtuo taas na sila kay lagi shiny ilang wheels unya lami kono ilang balay pero muna muna diay pud.Tagduhay trabaho kay nag apas bayad sa utang.Mas maayo ning permi ta humble kay kitay modaug permi plus magsakit ilang mga dughan sa kasuya nato.
Lami pud ug feeling ning kasuyaan ta kay sa kitay masuya.heheheh Labi na kasuyaan ta nga wa tay utang samot heavenly ang feelings hahahah

fdaray

  • LUMINARY
  • ***
  • avatar_900_1362291239 - Puro Gawas, Walay Sulod - Pulong Bisaya
  • Posts: 5038
  • medal1 - Puro Gawas, Walay Sulod - Pulong Bisaya
  • In my twilight days..... I shine still shine..
    • Share Post
xx - Puro Gawas, Walay Sulod - Pulong Bisaya
Re: Puro Gawas, Walay Sulod
« Reply #19 on: October 07, 2009, 11:33:03 AM »
willmerit...., ayaw kaguol sa utang, way mapriso sa utang. Mapreso ka because of breach of contract.
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/



Share via facebook Share via linkedin Share via pinterest Share via tumblr Share via twitter

xx
Walay Mangilad Kung Walay Magpailad

Started by Ligalig-Mike on Pulong Bisaya

0 Replies
1381 Views
Last post March 13, 2008, 09:39:42 PM
by Ligalig-Mike
 

Latest Topics

Wake me up when... by MIKELIGALIG.com
[Yesterday at 01:25:26 PM]


Eskaya community-based vegetable farm in Cantaub, Sierra Bullones by MIKELIGALIG.com
[September 22, 2019, 07:30:11 AM]


One Bohol Power Competitive Selection Process by MIKELIGALIG.com
[September 22, 2019, 07:27:52 AM]


Police Colonel Julius Cesar Gornez by MIKELIGALIG.com
[September 22, 2019, 07:25:08 AM]


Bohol Caravan in Tubigon, Bohol by MIKELIGALIG.com
[September 22, 2019, 05:43:01 AM]


Giant Clam Project in Bohol by MIKELIGALIG.com
[September 22, 2019, 05:40:54 AM]


Bohol Provincial Employees League (BOPEL) by MIKELIGALIG.com
[September 22, 2019, 05:38:39 AM]


TARSIER 117 in Loon, Bohol by MIKELIGALIG.com
[September 22, 2019, 05:37:16 AM]


TIEZA Incentive Scheme by MIKELIGALIG.com
[September 22, 2019, 05:35:35 AM]


Funds for Road Concreting by MIKELIGALIG.com
[September 22, 2019, 05:32:43 AM]

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal