MikeLigalig.com

Paugnat Sa Kusog
sinulat ni m. ortega ligalig

Mao pa lay akong pag-abot
Dinhi sa gawasanan ug singot -
Ug atua na ang uban namauli -
Ug ang pipila padayong
Nagpuga sa kahayag sa adlaw

Mamahulay na sila,
Mauga ang parat nga kakapoy
Apan ako - mosugod pa
Sa paglibot, kapito o kawalo,
Niining timawa nga CPG Complex

Moabot ang ikapitong takna,
Ang kainit mamahaw sa akong agtang
Mahumod ang akong dughan, likod
Sa natulog nga mga tambok sa unod -
Ug ako mag-inusara, gukdon ang kahimsog

(written on November 20, 2003
Tagbilaran City, Bohol, Phils.)