MikeLigalig.com

Pagbundak Sa Ulan


Ang taligsik nga miyugyog
Sa akong alimatmat nagtingal
Og liboan ka boltahe nga mitunaw
Sa talikala nga migapos ning kasingkasing.
Ug ang kainit sa liboang mga gakos mipakurog
Sa kaugatang girayuma sa pagpunayg katulog.

Busa, gilukot ko ang aseras
Kay unsa pa may balikag higda?
Ang habol gibira nas habagat.
Ug unsa pa may angayng damgohon?
Nahadlok na akong mag-alimungaw
Sa mga lapalapang nagmasa
Og lapok sa akong bukubuko manguma
Ang pudpod nga mga kuko
Sa gihalwang pangandoy.

Apan, wa ko igsapayan nga nahigmata
Sa pagkatulog nga mibundak ang ulan ning buntaga.
Kay ilawom sa nagkala-kalang tubig
Milutaw ang nagtinambirayng mga linyang
Gipostehan sa mga piyesang daman
Sa nabilar kong damgo gisakyan.

Quote from: bisayantek on June 28, 2007, 01:40:07 PM
Pagbundak Sa Ulan


Ang taligsik nga miyugyog
Sa akong alimatmat nagtingal
Og liboan ka boltahe nga mitunaw
Sa talikala nga migapos ning kasingkasing.
Ug ang kainit sa liboang mga gakos mipakurog
Sa kaugatang girayuma sa pagpunayg katulog.

Bisayantek,

Nindot kaayo ni nga balak nga pangsalmot nimo sa bangga. Manghinaut ko nga makakita ang mga hurado sa kaanyag ning maong balak. Ang unang paragraph sa balak malamaton.