Oh! Akong Bohol.....Nganong Idlas Man Ka?by:
BugsaySa dapit nga akong gikamingawan
Nindot ang kasilinganan, kabungtoran ug ang lapyahan
Didto nahulma ang tam-is nga mga handumanan
Sa panahon sa akong kabatan-onan.
Probinsiya nga gitawag ug Bohol nga mauy akong namat-an
Mga tawo pulos kugihan ug sa maayong gawi dili matup-ngan
Sungag! mga Sana ug Sano
Magtambayayong ta pagpa-uswag sa atong kultura ug ekonomiya
Kataw-an ra nato ang mga problema
Kay kaliwat gud ta ni Dagohoy ug Sikatuna nga di moatras sa espada ug bala
Ang Bol-anon mahigugmaon ug matoohon sa Ginoo
Kinatibuk-ang probinsiya magsaulog sa Fiesta sa Mayo
Gikan sa layong dapit mouli ug mohimamat sa mga amiga ug amigo
Mithi sa us ka Bol-anon nga angay ipasigarbo
Mga kahigalaan kon fiesta magbalikbalik
Maghilak ang matag adlaw sa Mayo ug way baboy nga mag-iwik
Usa ka pruweba nga kitang mga Bol-anon dili tihik.
Bisag human sa fiesta way sapi sa bulsa nga mohagtik.
Sungag! mga Sana ug Sano
Ipakita sa tibook kalibutan ang atong pagkamaayong ehemplo
Dili sa estorya, kon dili sa buhat,
Kay mga Bol-anon way KURAT.
Paabuta ko diha akong BOHOL
Dia pa kos layong kapupod-an nanimpad
Naningkamot alang sa ugma damlag
Basin di madugay matigayon ug makabalik diha kanimo nga akong SAG.
Linkback:
https://tubagbohol.mikeligalig.com/index.php?topic=25075.0