Nagdumilisinulat ni Michael Ortega Ligalig
adunay mga gabii,
pagduaw sa kamingaw,
nga nagdumili ka
pagtagik sa balak
nga nagdungaw
sa imong handurawan,
buot mo kalimtan
ang kasakit sa dughan
tungod sa iyang
paglimod sa kamatuoran,
nasayod ka nga ang balak
makapatang-on sa samad
sa pagbudhi, ang balak
imong dalangpanan gikan
sa kangiob sa takna
kansang huna-huna
nagduhiraw, nagpangapkap
sa tubag sa mga pangutana,
giduaw ka sa alimyon
sa balak, gipukaw ang
imong pag-inusara apan
nagdumili ka sa pag-abli
sa bintana sa imong
alimpatakan, mas palabihon
mo nga malimot nga adunay
balak nga nagpaabot
mahimugso sa papel
kay sa pag-utingkay
sa gihayang pagbati.
Linkback:
https://tubagbohol.mikeligalig.com/index.php?topic=43980.0