Salbahis bitaw ning mga Cebuano. Parehas ani nga joke kunohay:
Cebuano nga pulis nakakitag Bol-anon nga nag-ihap sa mga poste sa Jones: Hoy, unsay imong gibuhat diha? Gidili baya ang pag-ihap sa poste! Tug-an, pila kabuok imong naihap?
Bol-anon: Aw, kining...lima na, Nyor.
Cebuano: Na hala, bayad og kinyentos! Usa ka gatos ang multa kada poste nga giihap. Kon di ka mobayad, dad-on tikas presinto aron pasakaan og sumbong! Magtingkagol kas prisohan!
Nibayad ang Bol-anon.
Paglakaw sa pulis, perti niyang agik-ik. Niya pa sa kaugalingon: Ha ha ha, gajama-jama lang kang pulisa ka! Bugok! Ganiha ra kong buntag nag-inihap sa mga poste diri, oi, kapin nas gatos akong naihap!
Igo na pud tawon ta...
parehas ra diay ni ani hubs:
anak nga bol-anon: nay, moadto ko sa cebu kay manimpad ko didto. mangita ko ug trabaho kay laay kaayo diri sa bukid.
inahan nga bol-anon: gilaay diay ka diri sa atong bukid nak? unsa man sad trabaho imong masudlan didto nga wala man ka makatapos sa high school?
anak nga bol-anon: bisan unsa lang nay basta palahi sa trabaho diri sa bukid.
inahan nga bol-anon: nahala anak, kay dili ka man jud kaha papugong sa imong paglarga cebu pag ayo ayo didto ha. basta gani daghan kaayo ug tawo ang lugar naa diha ang trabaho.
ug tuod man nilarga jud sa cebu ang anak ug gitiman-an ang sulti sa iyang mama nga kung naay pundok sa mga tawo naa diha ang trabaho. ug tuod man niabot jud sa cebu ang anak sakay sa barko. pag abot palang gani sa pier 3, nakakita dayon siya ug bagang tapok sa katawhan ug murag medyo nakaguliyang.
anak: kani trabaho na ni. naa ra man diay ang trabaho diri sa pier.
ug niduol dayon siya sa nagtapok nga mga tawo ug dunay kaguliyang. mao diayng nagtapok ang mga tawo ug nagkaguliyang ka duna diay nagrumble. mao tong niapil siya sa rambol kay trabaho na gud. paglabay sa pipila ka minutos nipahuway siya sa daplin ug nagkanayon.
anak: kapoya diay ang trabaho diri sa cebu kay binukbokay man sa ensakto, kutas man kaayo. pauli nalang ko sa bohol.
Linkback:
https://tubagbohol.mikeligalig.com/index.php?topic=34365.0