normal_post - Maajo Pay Prisohan Kay Naa Pay Rehas - Pulong Bisaya Author Topic: Maajo Pay Prisohan Kay Naa Pay Rehas  (Read 1960 times)

Ligalig-Mike

  • FOUNDER
  • GURU
  • *****
  • avatar_1_1507939928 - Maajo Pay Prisohan Kay Naa Pay Rehas - Pulong Bisaya
  • Posts: 18912
  • medal1 - Maajo Pay Prisohan Kay Naa Pay Rehas - Pulong Bisayamedal2 - Maajo Pay Prisohan Kay Naa Pay Rehas - Pulong Bisaya
  • Need A Website? Email me: info@mikeligalig.com
    • Share Post
xx - Maajo Pay Prisohan Kay Naa Pay Rehas - Pulong Bisaya
Maajo Pay Prisohan Kay Naa Pay Rehas
« on: June 14, 2009, 04:49:06 AM »
Maajo Pay Prisohan Kay Naa Pay Rehas
By Mike Ligalig
(as published by the Bohol Standard)

      Hapit na ko usa ka buwan ug libot-libot ug pangita ug usa ka hipno nga apartment nga kapuy-an apan napakyas gihapon ang akong mga paningkamot.

      Maingon tang pulonga nga no-permanent-address pa ko – ug kung magkalisud na gyud diri sa Tagbilaran adto ra gihapon sa Anda mosangko ning akong paningpalad sa kinabuhi.

      Hinuon makabalik man ko sa gawas sa nasud sa bisan unsang adlaw apan lagi kay ang kahamugaway sa kinabuhi sa gawas dili man makatambal sa kahapdos sa samad ning mahilayo ta sa mga mahal sa kinabuhi, palabihon nalang nato ang kapit-os basta mag-uban tang tanan. Dili ni drama sa radyo ha.

      Ug dinhi nagsugod ang akong kalbaryo tungod sa kamahal sa mga apartment sa Tagbilaran. Tiaw mo bay tinunga ang presyo sa binulan nga abangan sa usa ka room sa Tagbilaran (wa pa gyuy lami) kay sa abangan didto sa Bangkok. Kasagaran sa Bangkok ang mga apartment kompleto na sa tanang gamit ug labihang baratoha, higda nalay kulang. Apil na ang way pagkutak nga koneksyon sa Internet.

      Apan diri sa Tagbilaran, ang imong maabangan kalabera lang. Gawas nga labihang mahala, wala pa gyod kay kapilian kay wa naman poy lain. Miingon ko nga kalabera lang kay ang ubang kwarto wala man ganiy bisan folding bed nalang nga katikongkongan.

      Ug naa poy ubang apartment nga maayo pay prisohan kay naa pay rehas ug bintana nga kalusotan sa preskong hangin. Ug dili ka mogawas sa kwarto sa adlaw, lupig pa nimoy gikopras sa ganggangan. Maayo pa gani ang ganggangan kay naa pay kahungawan sa aso. (Tabang: text me palihug sa 0920-494-0649).

      Diha poy akong naadtoan nga apartment sa akong ig-agaw nga maayo pay bartolena kay makahuyatid pa ka. Tan-awa ra gud. Inig lingkod nimo sa inodoro sa kasilyas, mag-abot gud nang imong tuhod sa bongbong. Ambot giunsa paghuna-huna sa mga panday. Ambot giunsa pagkwentaha sa tag-iya sa apartment nga tabla sila ug nagmaldisyon sa ilang mga kasera.

      Pero mao lagi, bisan ug pait ang kahimtang, agwantahon nalang. Unta lagi pud bisan ug mahal ang abangan, bastante naman lang kung makapahuway ka nga maghayang. Unsaon man na pagpahuway nga naa poy apartment nga lapad unta ang sulod pero imong mabati kung unsay kalandrakas sa pikas ug pikas nga kwarto. Nga kung naay magkibkib ug kinugay sa tungang gabii, mahitimbakowas ka sa imong pagkahitagpilaw kay tua diay nanglampaso ug gabiing dako. Pastilan. Pagkalami pa handumon sa payag sa daplin sa bukid kay bisan ug lipak lang higdaan, tul-id pa imong hagok.

      Lisud man gud ning magtukod ta ug apartment nga paabangan, unya ginansya ra atong huna-hunaon ug dili nato tan-awon kung komportable ba ang kahimtang sa imong isigkatawo. Dili man mahimo nga basta nalang mag-abot nang kaha ug mantika, alegrado na. Ato pong tagaan ug lamas ug hiyas nang pagluto. Ug ingon usab niana ang apartment. Dili basta nalang kay naay matukod nga kwarto, bastante na.

      Taas kaayo ning estorya kung ato jung subayon. Bisan asa ta mag-abot ani. Gani pa man, dugay na ni nga suliran sa syudad.

      Karon unsaon man nato pagkabig ug mga turista nga mopuyo ug dugay sa Tagbilaran lang, pananglitan, kung kulang ang mga lawak nga kapaabangan. Kanindot unta sa atong lugar sa Tagbilaran ug sa mga kasikbit nga lungsod nga masuroyan, apan kung buot kang magdugay diri sa dakbayan, matiguwang kag dali. Dili man pud mahimo nga kung plano nimo mopuyo ug tulo ka buwan, maghotel ka sa tanang adlaw. Gawas kung milyonaryo ka. Kung dili, magbaklay kang mopauli sa imong gigikanan.

      Basin makaingon ka nga jaga-jaga ning akong pagsuwat diri. Gikutlo ni gikan sa personal ug tinuod nga kasinatian ug natagamtaman sa daghan na nakong nahinabi.

      Labing luoy kining atong mga estudyante nga gikan sa lungsod kay kasagaran sa mga boarding house ga-overcrowding. Matud pa nila, maajo pay tinapa kay luag pa ug inighuho nimo naa pay sabaw. Kamatuoran? Nakasuway ko ug puyo ug boarding house sa Tagbilaran kaniadto nga siyam mi kabuok sa usa ka gamayng kwarto. Hinuon, nalipay ra man pud tong akong mga boardmates sauna kay inig mata daw nila usa nalang ka dangaw atop na ug dali nalang paglili ang panganod.

      Kung naa kay kwarta, kahibalo ka kung unsay nindot nga inegosyo karon panahona? Apartment. Boarding House. Low-cost housing sa Tagbilaran ug mga silingang lungsod.

      Daghang kwartahan nga buot mopuyo sa Bohol apan mitalaw nga magdugay dinhi kay hangak kaayo mangita ug hamugaway nga kapuy-an. 

Linkback: https://tubagbohol.mikeligalig.com/index.php?topic=20547.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

Raquelproud boholana

  • LUMINARY
  • ***
  • avatar_446_1359386485 - Maajo Pay Prisohan Kay Naa Pay Rehas - Pulong Bisaya
  • Posts: 5112
  • medal1 - Maajo Pay Prisohan Kay Naa Pay Rehas - Pulong Bisaya
  • mother of 4
    • Share Post
xx - Maajo Pay Prisohan Kay Naa Pay Rehas - Pulong Bisaya
Re: Maajo Pay Prisohan Kay Naa Pay Rehas
« Reply #1 on: June 14, 2009, 12:06:35 PM »
Mike moangay jud ko magbasa sa imong mga sulat tampo daghan memory manumbalik sa imong lawom kaajong bisaya.
I'm sorry to hear nga wala pa diay ka kita ug apartment diha? Naa koy balay sa Tagbilaran pero mga pag umangkon nako nga estudyante ang nagpuyo.
Try ug adto sa St. Joseph Village kay pag uli nako naay apartment didto nga hapit na mahuman duol sa akong balay. Nagplano bitaw unta ko modugang ug palit lot sa St. Joseph pero kasagaran  sa tagbilaran nanggara sad ug taas sa ilang presyo.Kanang akong napalit nga 100 sq.meter lot sa 2005 over half million akong nabayran ana unya gi cash nako pagbayad gamay pa jud sila ug discount gihatag nako pero unsaon man lagi kita may nagkinahanglan tunlon na raman bisan mahal.Ang mga nakauna nako ug palit dirt cheap kaayo ila pagpalit pero pagnaa na ang ICM grabeh ilang gi inflate kaayo ang presyo. Modugang unta ko palit lot kay ako tukuran ug apartment ang 200 sq.meter 1.2 million man siguro to ila gipangayo akong gihangyo nga kung madala ba ug 1 million kung i cash na wala madala ug hangyo. Ayo pa bitaw sa dagkong city kay makakita pa ka ug apartment nga barato ug uban fully furnish pa gyud. Sa akong pamati grabeh pud ang mga tawo makatake advantage sa atua oi.
"We may be surprised at the people we find in heaven. God has a soft spot for sinners. His standards are quite low"---Bishop Desmond Tutu

Lazada.com.ph Search ProductsBooking.com Hotel Search | SitemapRSS Feeds

bulak

  • EXPERT
  • ***
  • avatar_193 - Maajo Pay Prisohan Kay Naa Pay Rehas - Pulong Bisaya
  • Posts: 3173
  • Love all, trust a few, do wrong to none.
    • Share Post
xx - Maajo Pay Prisohan Kay Naa Pay Rehas - Pulong Bisaya
Re: Maajo Pay Prisohan Kay Naa Pay Rehas
« Reply #2 on: June 15, 2009, 01:54:53 AM »
Arang nakong katawa Mike nagbasa ani bisan pungot pod sa pikas bahin,additional income unta ni sa syudad kung mo collect sila og tax anang mga paabangan nga balay or kwarto unya ila unta pod inspeksyunon kung mupasar ba sa ilang qualification, nga unta ang kwarto nga paabangan mubalor unta pod sa kantidad nga atong gibayran.
Life is is'nt that happy without my family.

Lazada.com.ph Search ProductsBooking.com Hotel Search | SitemapRSS Feeds

buenavista

  • EXPERT
  • ***
  • avatar_64 - Maajo Pay Prisohan Kay Naa Pay Rehas - Pulong Bisaya
  • Posts: 1281
    • Share Post
xx - Maajo Pay Prisohan Kay Naa Pay Rehas - Pulong Bisaya
Re: Maajo Pay Prisohan Kay Naa Pay Rehas
« Reply #3 on: June 15, 2009, 09:38:35 PM »
Mike naa na diay ka sa Bohol? Sorry karon pa jud ko kabisita sa TB.

Dili lang sa Tagbilaran hasta pod sa Cebu,grabe kagagmay nya mahal pa gyud.
sa gipuy-an man gani sa akong manghod perti jud na gamaya ug manganha akong manghod ug mama sus mag sinardinas gyod ug matulog. :(

Raquelproud boholana

  • LUMINARY
  • ***
  • avatar_446_1359386485 - Maajo Pay Prisohan Kay Naa Pay Rehas - Pulong Bisaya
  • Posts: 5112
  • medal1 - Maajo Pay Prisohan Kay Naa Pay Rehas - Pulong Bisaya
  • mother of 4
    • Share Post
xx - Maajo Pay Prisohan Kay Naa Pay Rehas - Pulong Bisaya
Re: Maajo Pay Prisohan Kay Naa Pay Rehas
« Reply #4 on: June 16, 2009, 04:42:26 AM »
Sa na assign pa akong igsoon sa una pud sa PICOP Davao office iya boarding house perting gamaya.Unya karon kay namakasyon mi didto ug nag abot mi sa boarding house mga 10 man adto kabuok kini laging mangattend ug kasal sa kaila , ang kwarto perti jud kagamay.Karon pagkaugma ang silingan sa akong igsoon nangutana nako ug giunsa kono namo pagpangatulog nga gamay man ang kwarto nasibo ba kono mi.Dalia nako ug ingon oh oi sibo kaayo diha pa gani lugar.Kabalo ka giunsa namo pagkatulog nagtindog ming tanan perti dakoa pa ug lugar. Baw ingtuo ba kaha to sija kay lain raba ko mangumedja kay serious tan awon.



Share via facebook Share via linkedin Share via pinterest Share via reddit Share via twitter
 

Latest Topics

Downstream Oil Industry Illegal Activities by mikeortegaligalig
[Today at 08:44:45 AM]


Inosente ko, says Bohol Governor by mikeortegaligalig
[Today at 04:23:56 AM]


Bohol governor accepts suspencion order by mikeortegaligalig
[Today at 04:21:42 AM]


Napilde sa sumbagay nanunggab by mikeortegaligalig
[Yesterday at 10:15:25 PM]


Typhoon Ramon by mikeortegaligalig
[Yesterday at 09:25:52 PM]


Belat by hubag bohol
[November 20, 2019, 11:09:10 PM]


Lasting friendships start early, Part 2 by hubag bohol
[November 20, 2019, 11:01:03 PM]


Show-off redux by hubag bohol
[November 20, 2019, 10:56:33 PM]


Si Bugsay sa gamay pa sajon ra jamo lingawon by hubag bohol
[November 20, 2019, 10:52:39 PM]


Please don't go... by hubag bohol
[November 20, 2019, 10:13:48 PM]

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal