Sa ahong pagduwa-duwa
dapit sa mga oras sa kilum-kilum
- kanus-a inadlaw ang kainit sa hoyohoy
gumikan sa mobiyaay nga adlaw –
maka-ingon ko’g
“Ayo pa’g bungol ko.â€
Aron mahimo ko’ng di tagdun
ang pagpanawag ni Mama.
Apan, bisan pa siguro’g bungol ko,
wa kini’y pulos.
Mamauli ko
sa walay pagpugos,
ug sa nagsingabot nga kangitngit
ma-abtan ko.
Kon dili sa iyang singgit,
sa paghinumdom ko sa iyang kuhit
ug sa hunghung ’ning duha ka pulong,
“Uli na.â€
Linkback:
https://tubagbohol.mikeligalig.com/index.php?topic=2732.0