kani dili na ako naghimo...
Bata pa lang ako ang mga lumulupyo sa among dapit gibansagan na ako’g pating mubo ug lupad. Wa ko’y mahimo kay tinuod man gyud apan kung wala ko, malipay kaha sila? Ug makakita sila nako makit-an gyud sa ilang mga nawong nga gipang-uhaw daw sama sa mga irong bu**** nga nagpanilap ug nagtulo ang mga laway. Nalibog ko kay dili man ko parehas sa mga artistang sikat ug maanyag, taas ug barog. Apan akong nahunahunaan nga siguro sila nangaibog kay adunay ako’y himsog ug perpektong panglawas. Mao kini ang nakapaagni sa ilang kalawasang giuhaw sa kalipay.
Inig kasalop na sa adlaw ang akong lawas nga puno sa likido gayud ang permanenteng pangitaon, ilugan sa mga katawhan. Ug unya pag paliton na gani ko bisan man sa ubos nga presyo, ang akong kasingkasing mulukso sa himaya ug ang akong kalag daw ibayaw sa kahitas-an. Ila na pud nga matilawan ang akong….hmmmm….
Ug tuod man, pagkahuman sa ilang pagpalit, ila na akong gidala sa usa ka mangitngit ug mabugnaw nga lugar. Hinay-hinay ila akong igpatong sa nag-inusarang lamesa niadtong dapita. Ila akong gipasayaw, gihikap-hikap ang akong hubo nga lawas pinaagi sa ilang mga bugnawng tudlo... Makita ko sa ilang mga porma nga ilang mga tilaok nahutdan ug laway. Ila gayud akong gitabangan. Lahi-lahing mga ngabil ang akong natilawan, nihalok kanako niadtong panahona. Ang kabugnaw niadtong dapita napulihan ug mga katawa, padyak sa ilang mga tiil ang mipuno sa among nahimutangan.
Apan bisan pa man sa kalipay nga akong nabati naa lang gihapon sa akong kasingkasing ang kahiubos. Mura ako’g robot nga unsa ang gimando sa akong amo mao pod akong buhaton. Sakit usab pamalandongon, sa akong gihatag nga kainit biyaan lang ako nga daw sama sa basurang way bili niining kalibutana. Usahay pa gani ug wa sila’y mahimo, ang ilang mga kaligutgot ug ang ilang mga kalagot ipasa sa ako. Ila akong ilabay, maayo untag di dayon ko mabuak, magupok ra ba jud ko dayon... Ihilak na lang nako ang tanan ug isyagit ko sa kalibutan, “Asang HUSTISYA ani?â€
Kapait gyud mamahimong botilya oi!!!
Linkback:
https://tubagbohol.mikeligalig.com/index.php?topic=30030.0