Kadtong mga Bulak sa Akong Handurawangitagik ni m. ligaligImong gipangibot ang mga libro
nga nanurok sa akong kwarto -
mga libro nga nakagamot na sa salog.
Imong gipamunit ang mga papel
nga milabong sa akong gihigdaan -
mga papel nga nanahon ug mga balak.
Ug gisud-ong ko ikaw…
Gitutokan sa makadaghan
hangtud nagisi ang imong dughan.
Mitalikod ug milakaw ako,
gibiyaan ko ikaw nga nanghapnig
sa paraiso nga akong nailhan.
Unya, mibalik ako
ug maoy akong nakita
ang mga mata nga namunga ug luha.
Gipangutana ko ikaw
kon ngano…
Ug matod mo:
“Natunok ko
sa mga bulak sa imong handurawan.â€
Linkback:
https://tubagbohol.mikeligalig.com/index.php?topic=4361.0