Kaanggid ako kang gumamela
manaya-naya sa idalum ka sirak kang adlaw.
Ugaring kon mag-abot ang sirum,
rugto timo sa gardenia hay indi run takon kit-anun.
Kon pinsarun, pareho lang man kami
nga may duga kon sasaun ka tarawis nga bato,
nagalaway pa tana gani akon duga…
Ay gali dya ang gardenia
may gapabilin gid nga kahamot
sa imong dughan.
Pagdalia Keanna!
Pagdalia Keanna, ikapti run ang mikropono
kag magkanta
para kar-on, mikropono ko ang ikaptan mo
rugto sa Room 12.
Pagdasiga Keanna, ipitik run ang balikawang
kag idungan sa imong kanta
hay kar-on maliki-liki man ikaw sa musika
nga kita lang makabati.
Tapusa run ria, para matapos man kita
hay basi may ginabibit run nga binangon
si Nancy sa balay!
Linkback:
https://tubagbohol.mikeligalig.com/index.php?topic=37338.0