MikeLigalig.com

Human Sa Hulaw
sinulat ni M. O. Ligalig

ug sa imong pagkakita kanako
gikusi ang imong mga mata

sa mga luha

imong gigunitan ang akong kamot
ug gipuga ang nahibiling yamog niini

hangtud naabli

ang atabay sa akong kasing-kasing
ug midungaw ka nga way pulong

misukod sa giladmon

unya imong giinom ang atong sugilanon
ug naligo ka sa akong kahilom

nga way panamilit.


Linkback: https://tubagbohol.mikeligalig.com/index.php?topic=3747.0