Hikalimti Akosinulat ni Mike Ortega LigaligHikalimti ako ug hikalimtan ko usab ikaw
sama sa adlaw nga nahikalimot sa panagway
sa bulak panahon sa ting-ulan diin ang panganod
nagsampong sa pagpanghupaw sa langit
Gidughit ko sa makadaghan ang imong pagtagad
apan daw idlas ka pa sa langgam manatad
nga bisan ang hinog nga biyabas ug bugnay
dili makatarog sa katikig sa imong liog
Hikalimti ako kay dugay ka na nga nahikalimot
sa pagsubang sa akong pagbati. Imong gipaabot
ang pagsalop sa akong pailob - ug ikaw malipay
nga magsud-ong sa nagkaawop ko nga paglaom
Linkback:
https://tubagbohol.mikeligalig.com/index.php?topic=43688.0