Sa pagbidlisiw
sa adlaw sa Kabuntagon
gisawum ku
ang tubig nga di matukib,
gi-gakus ang balud sa dagat
giyaruk ang parat nga dagat
nagkalagas ang kabugnaw
natagamtaman ang kainit sa adlaw
apan ang kusu-kusu sa hangin
nagpabilin, daw budyong sa dunggan,
nangalap ug nangita
sa mga bililhong mga isda
yawat na lang makit-an
ang gimithing kahulugan
apan mangtas ang batu
ang tiil nagkadugu
gi-agak sa palad sa dagat
gikugus sa mga buktun sa kahapdus
ngadto sa nagabanig nga kabalasan
ugum-ugumon sa kasakit
sa pagkalingkawas sa biga
sa kahapdus
ug gisawum ang kalawum
sa pagpanghupaw
kining tanan,
usa ka tipaka
nga nahitamla sa kalimut
gibanhaw niining balak
nga gimugna.
- Glenn Tek-ing MuñezLinkback:
https://tubagbohol.mikeligalig.com/index.php?topic=18430.0