Na hala...aron mawala o maminus-minusan ang kamingaw ahong ipadayag diri ang ahong handuman sa gugma nga nanglabay ug kabahin kini sa usa lang ka kaaran nga awit sama usab sa nahilambigit sa maong sugilanon sa kagahapon.
http://www.youtube.com/watch?v=tQ7mdENeZ6w&feature=relatedSama sa ubang kaagi, aduna kini sinugdanan.... milangyaw ako sa kabahin sa Mindanao kauban ahong magulang kay lagi ang ahong gipatinderahan sa merkado sa Tagb. (Agora na karon) wa man motugot nga ako mopadayon ug eskwela sa gabi-i, kay gani hapit man dili kasweldo busa napugos ako pagbiya sa atong maanindot nga Bohol. Gibiyaan ko ang ahong gitawag ug "GUGMA", diin ahong nakaila sa merkado kay lagi tendero usab sija sa Intsik nga taga Cebu...sakit nga palandungon apan lagi tungod usab sa kawad-on, ijawat na lang gamay nalang pakan-on sa balay maong napugos ko ug langyaw. Nakatrabaho ko isip usa ka attendance sa private clinic nga adtong panahona tag 20 Pesos ra tawon ang sweldo libre na katulog ug kaon..ug ang sobra igo ra tawon ipalit ug sabon ilaba ug para shampoo. Lima kami ka mga dalaga nga gatrabaho adtong maong Klinika...ang tulo pulos may mga uyab nga tig-bisita, ang usa sama kanako igo ra sa paghandum kay layo man lagi ang among gitawag ug uyab. Nanglabay ang mga bulan..dili matukib ang ahong gibati niadtong higayona, haskang taasa sa ahong paglukso-lukso ug kusog nga siyagit sa kalipay diin wa gani nako mamatikdi nga miagas ang ahong mga luha kay nakadawat ako ug sulat, gisukipan ug iyang ambongan nga hulagway (dili panghambog kay gwapo man pod lagi kining ahong gihigugma)... ang dedication sa likod ra ang napatik sa likod kay ang maong hulagway sa ahong pitaka nabiktima ug kawat sa usa ka pinireso (Capitol, a yr. after I had acquired an office job) mao ni nakasulat: Dearest A., I hope you love me as I love you. Treat me as a part of your life! Love and devotion, M. Nindot ug sakit nga kamingaw ang ahong bation kon mahinumdoman naho ni. Diin igo na lang handumon kay ang iyang hulagway nakawat man...sama kini sa tagna sa kapalaran nga siya diay maadto sa laing mga bukton. Tiaw ba....someone who`s far away really loves me? I was too proud nga usa ka semana nga way koy maayong pagkatulog ug sinud-ong sa iyang hulagway ang ahong gidulog. Milabay pa ang daghang mga adlaw, semana, ug bulan....usahay mingaw pas tirana ahong kinabuhi, wa koy laing mahimo gawas sa pagdrawing ug kalingaw sa iyang hulagway. Miabot ang ahong ika 19 nga birthday...gimingaw ko sa ahong binilin sa Bohol nga kalingaw usab ug biyahe aron mabuhi. Sa alimpatakan ko, napatik kining mga pangutana, gihandom ba kaha ko niya? Gimingaw ba kaha pod siya? Kumusta kaha siya? Haaay.... kalaaaay baya kon mag- inusara sa mga oras ug adlaw sa ahong hinay-hinay nga pagbuklad nga way motagad ug mobisbis sa kauga sa kamingaw ug mopahid sa nabasa kong aping sa mga luha sa ahong paginusara.
Usa ka adlaw niana, miabot si "So lucky in my Life" sa ahong kinabuhi. Gusto siya mamisita sa ahong kauban nga si V. nga iyang dugay nang kaila. Migawas ko kay duty man to naho kay mag-injection sa usa ka pasyente. Nahatan-aw siya sa ahong paglabay ug i just say: Hi! Sa pagkaugma...ako na iyang gipangita, dili na ang ahong kauban ang iyang tunong sa pagpamisita. Wa na ko tinggi ug duha ka semana ni V. Dugay usab ang lakaw sa iyang pag- panguyab diri kanako, usahay pakapinan pa kini ug pangharana..kay lagi uso man to sa una pa. Kay lagi....ang ahong gitawag ug "Gugma", kaha iya akong nahikalimtan tungod kaha sa iyang pagsuroy-suroy, o unsa pa kaha?..... Sa ahong kabatan-on ug pagkabuang, o kaha sa tawhanong kabiga?... O kaha pagdawat sa mugna sa lakaw sa kinabuhi nga atong subayon nga dili mo malikayan sa way pagbalibad. Tungod ba kaha sa kaikag sa uban ug aron usab dili ako mauga ang gitay-an na ahong simod, nakulang sa mga halok mao to...nga nahimo ko usab siyang uyab kay boutan, ug hitsuraan man usab. Kay lagi....bisan unsa kataas ang prosesyon, mouli man gjod sa simbahan...miuli ko sa Bohol, nakatrabaho ko sa opisina hangtod nga ahong gikatagbo si N. (Love me for what I am), one song, another love story, Si "So lucky in my Life", G. mipadayon ug eskwela hangtod nahimo siyang 2nd Engr. sa barko sa Greece. Iya akong gibasol ngano nga wa ko siya huwata, karon usab naminyo na, sigi gihapon ug pangomosta. Dugay pod niyang tawag-tawag diri, miingon pa nga kon magdiborsiyo ko, andam siya makigminyo...pero laing binuhat ang ahong gipili. Kataposan namong panagkita sa tuig 1974. Nahimo siyang kabahin kadiyot sa ahong kinabuhi ug bisan pa sa ahong mga sayop, iya akong gisabot o kaha tinoud nga gipangga ug gihigugma?..... niadtong panahona sa kakusog sa pitik sa ahong kasing-kasing wa ko mabati ug makapanumbaling nga ..."so lucky in my life" - ( our theme song) man diay kadtong mga panghitabo-a.
Ahong mga panghinaut nga unta...malipayon siya sa iyang kaminyoon karon ug hinaut unta nga iyang mapasaylo ang ahong mga sayop sa among hamubong panagkaila ug pagsinabtanay. Good luck Mr. G.!
Linkback:
https://tubagbohol.mikeligalig.com/index.php?topic=22797.0