normal_post - Gikumot-kumot (Wa Ko Mahimuot) - A Commentary on the Bisaya Language - Pulong Bisaya Author Topic: Gikumot-kumot (Wa Ko Mahimuot) - A Commentary on the Bisaya Language  (Read 3523 times)

Ligalig-Mike

  • FOUNDER
  • GURU
  • *****
  • avatar_1_1507939928 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 18912
  • medal1 - Gikumot-kumot (Wa Ko Mahimuot) - A Commentary on the Bisaya Language - Pulong Bisayamedal2 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Need A Website? Email me: info@mikeligalig.com
    • Share Post
Gikumot-kumot (Wa Ko Mahimuot) - A Commentary on the Bisaya Language
sinulat ni Mike Ligalig (gipatik sa The Bohol Standard)


     Isip usa sa mga magtitikad sa pinulongang Bisaya ug padayon nga nanglimbasog nga mapaugmad kining atong lumad nga dila, makapahimuot sa imong dughan kung makita o madungog mo ang pulong Bisaya nga gigamit sa husto nga pamaagi. Sama pananglit sa paghimo ug pelikula ni Cesar Montano nga “Panaghoy Sa Suba.”

      Niadtong nag-eskwela pa ko sa Silliman, diha koy nakit-an nga libro nga naghambin sa mga karaan na kaayong mga Binisayang balak lakip na ang mga tinagik ni kanhi Presidente Carlos P. Garcia. Kadtong maong libro adunay kaubang hubad nga Tagalog. Tanang Binisaya nga nasulat gihubad ra pud sa Tagalog sa atbang nga panid. Wala ko muoyon pero sige nalang kay wala na may lain. Hinuon dako kaayo ang akong kahinangop nga nakaplagan ko kadtong maong libro nga maoy ray Bisaya sa tibuok library sa Silliman.

      Human nako ug graduate sa college ug mitrabaho ko sa Davao, dihay mga higayon nga may byahe ko sa Manila. Wala gihapon ko malimot sa Binisayang libro nga akong nakita sa Filipiniana section sa among library sa Silliman. Mao to nga pinaagi sa tabang sa akong amigo nga magsusulat usab, gibisita ko ang nagkalain-laing bookstore sa Manila pamasin nga makaplagan ko ang susamang libro nga akong nakita sa Silliman. Tuod man, napalit ko ang maong libro gikan sa usa ka dili inilang bookstore sa Manila ug mao nalang to ang kataposang kopya ang nahibilin.

      Gisulat ko kining maong kaagi aron paghulagway sa akong kaikag ug paghigugma sa pulong Bisaya nga bisan unsa kalisod pangitaon ang usa ka libro, pangitaon ko kini sa way pagtagad sa kakapoy hangtud ako kining makaplagan ug maangkon.

      Gani pa man, usa sa akong unang susihon matag adto ko ug mga bookstore mao ang paglili kung aduna bay Bisaya nga libro nga nahiapil na sa baligya. Sukad sauna wala pa koy nakita. Subo palandungon nga hangtud karon ang section sa Philippine Literature sa mga bookstore nagbaligya lamang sa mga Tagalog nga sinulat. Ang kamatuoran mao nga mas daghan ang naggamit sa pulong Bisaya kay sa Tagalog, apan walay mga libro nga sinulat sa Binisaya ang napatik ug nabaligya sa mga bookstore.

      Sa laing bahin, dili lang libro nga Binisaya ang kanunay kong gihandum. Ako usab gipangtigum ang mga awit Binisaya nga karon anaa naglubog sa akong computer.

      Dugay nang mga katuigan ang milabay niadtong nangompra ko sa Cebu ug mga CD nga mga Bisayang awit. Gi-convert na nako kining maong mga awit gikan sa CD ug nahimong MP3 files. Pinaagi niini, madala na nako bisan asa ang mga awit Binisaya kay gitipigan man kini sa akong laptop.

      Walay puas ang akong pagpamahal sa pulong Binisaya. Bisan tua ako didto sa Thailand, taliwala sa ka-busy sa akong schedule (pagtrabaho ug pag-eskwela), mosaliat gyud ko pag-abli sa website aron makapaminaw sa mga drama sa DYHP sama pananglit sa Handumanan Sa Usa Ka Awit ug Kini Ang Akong Suliran. Maminaw lang ko dili tungod kay gusto ko makakat-on ug butang mahitungod sa gugma o kaha lunsayng tambag ni Dra. Rosaroso apan buot lang nako ipauraray ang akong dalunggan sa pulong nga akong gikamat-an.

      Dili matukib ang kalipay nga bation ning dughan sa dihang diha sa gawas sa nasud mabati mo ang pulong nga gitudlo sa imong mga ginikanan ug katigulangan. Mahimo nga makat-onan mo ang daghan pang langyaw nga mga pulong gawas sa English apan dili mo hikalimtan ang pulong Bisaya.

      Duna nay gamayng kausaban sa mga banda karon kay migakos na ang uban sa pulong Bisaya diha sa ilang komposisyon. Daghan sa ilang mga awit ang gipalanog sa mga FM station sa Visayas ug Mindanao.

      Sa nahisgutan ko sa unahan ug gihulagway ang tipik sa akong pagpangga sa pulong Bisaya, seguro makaingon ka nga nalipay ko nga nakapatalinghug sa misikat nga mga kantang Bisaya. Ug mas labi nga mahinangop kay kini gitugtog sa kahanginan nga diin kaniadto ang mga AM station lang ang motukar sa karaang mga awit – kadlawon ra pud.

      Kinsay malipay kung ang kanta “gikumot-kumot”? Ang dakong kamot mihugaw-hugaw ug mipanamastamas sa linuog nga paagi batok sa lunsayng pulong Bisaya.

Linkback: https://tubagbohol.mikeligalig.com/index.php?topic=20088.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

taga tigbao

  • DIPLOMAT
  • GURU
  • *****
  • avatar_2313_1369636206 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 7178
  • medal1 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • SALVE REGINA, MADRE DI MISERICORDIA.
    • Share Post
Saludar ko nimo amigo. Unta ang kadaghanan kung dili man ang tanan nga kamao ug pinulungang Bisaya pareho kanimo ug gipanghinaut ug gibating gugmang nag urot-urot sa atong lumad nga dila.

Unta nga ,magmalumbuon kamong tanan nga nagpatigayon sa pagpalambo sa pinulungang Bisaya. Ang ahong pagyukbo ug pagtahod nag uban sa injong mga gibuhat.
SALVE REGINA, MADRE DI MISERICORDIA.
VITA, DOLCEZZA, SPERANZA NOSTRA,
SALVE! SALVE REGINA!

fdaray

  • LUMINARY
  • ***
  • avatar_900_1362291239 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 5038
  • medal1 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • In my twilight days..... I shine still shine..
    • Share Post
Pinaagi sa atong pagsulat-sulat bisan unsa diri saTB, mapalambo nato ang pinulongang Binisaya.

Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

bulak

  • EXPERT
  • ***
  • avatar_193 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 3173
  • Love all, trust a few, do wrong to none.
    • Share Post
Na hala! magtambayayong kitang tanan aron subli natong buhion ang diwa sa atong pinulungang binisaya,kinahanglan batukan nato ang ni bisan kinsa nga manamastamas sa atong lumad nga pinulungan. Dinhi sa Tubag Bohol atong pagasugdan ang pag utingkay sa kanhing lunsayng pinulungan kansang dugay nang gihuptan sa atong mga katigulangan, ang mga lama! sa kagahapon sa atong mga katigulangan subli natong buhion og ipatigbabaw sa kadaghanan ang tinood nga importansya sa atong lumad nga binisaya.
Life is is'nt that happy without my family.

Lazada.com.ph Search ProductsBooking.com Hotel Search | SitemapRSS Feeds

hofelina

  • DONOR
  • GURU
  • *****
  • avatar_1468_1343904761 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 10009
  • medal1 - Gikumot-kumot (Wa Ko Mahimuot) - A Commentary on the Bisaya Language - Pulong Bisayamedal2 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Always look at the bright side of life!
    • Share Post
Aduna man kitay mga higala nga makakita ug paagi aron ang binisaya nga lengwahe mapalambo. Pananglitay pina-agi sa awit, kinsa kadtong maayo mohanay sa mga pulong ubanan sa manindot nga duyog, atong ipa-CD, apil sad ang mga balak. Kon kita mag-tukod ug kalihokan aron masangyaw  ang atong pulong, kinsa pa man ang atong gihuwat? Atong sugdan karon, mga kaigsoonan :D

jamo2x

  • EXPERT
  • ***
  • avatar_2303 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 1948
  • enJOY life and dance as if it's your last dance
    • Share Post
awwww, abi ko bag, Gikuot-kuot sa kangitngit sa kilid sa payag.  ;D

mao bitaw ganahan pud ko dri sa TB tungod sa mga lunsayng bisaja. daghn kaajo mga pulong dri nga karon lng nako nadunggan. taas na akong listahan sa mga words nga di ko masabtan  ;D

lisod lagi ning nidako kos Davao area, kay tagbiseng (tagalog, bisaya, english) naman mi maong nawa na jud ang bisaya. sa Davao ron, mga kabataan taglish naman...samot kawala sa lumad nga binisaja.  :'(
i promise you, i'll be yours forever :)

jamo2x

  • EXPERT
  • ***
  • avatar_2303 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 1948
  • enJOY life and dance as if it's your last dance
    • Share Post

gi kumot-kumot ni?
nindot pud ra ba. peborit jud naho ni  ;D :P ;D

kantang bisaya...Hubagang ate wuyyy




botete....wa mi balooo, lo lo



ambit dw mog mga bag-ong binisayang kanta...bisag gikumot2x basta  sadya nga kanta  ;D

inday_bulilit

  • STUDENT
  • *
  • avatar_2439 - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
  • Posts: 160
    • Share Post
xx - Gikumot-kumot (Wa Ko Mahimuot) - A Commentary on the Bisaya Language - Pulong Bisaya
Re: Gikumot-kumot (Wa Ko Mahimuot) - A Commentary on the Bisaya Language
« Reply #7 on: June 11, 2009, 07:49:37 PM »
gikumot-kumot sa dakong kamot!
"..i don't know if i like my outfit, i tried everything in my closet - In bed i lay, with nothing but your T-shirt on!"



Share via facebook Share via linkedin Share via pinterest Share via tumblr Share via twitter

xx
What Happens to the Bisaya Language?

Started by Ligalig-Mike on Pulong Bisaya

24 Replies
7673 Views
Last post October 25, 2009, 05:13:10 PM
by benelynne
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal