normal_post - Enroll now in Bachelor in Basa-basa - Pulong Bisaya Author Topic: Enroll now in Bachelor in Basa-basa  (Read 1281 times)

Ligalig-Mike

  • FOUNDER
  • GURU
  • *****
  • avatar_1_1507939928 - Enroll now in Bachelor in Basa-basa - Pulong Bisaya
  • Posts: 18912
  • medal1 - Enroll now in Bachelor in Basa-basa - Pulong Bisayamedal2 - Enroll now in Bachelor in Basa-basa - Pulong Bisaya
  • Need A Website? Email me: info@mikeligalig.com
    • Share Post
xx - Enroll now in Bachelor in Basa-basa - Pulong Bisaya
Enroll now in Bachelor in Basa-basa
« on: March 03, 2008, 11:01:08 PM »
As published by the Bohol Standard Newspaper - www.theboholstandard.com

Bachelor in Basa-basa
By M. Ligalig

Hapit na usab ang graduation sa mga tulunghaan karong sunod bulan. Nagdahom ta nga kadtong mograduwar aduna nay igong katakos nga moatubang sa tinuod nga kalibutan human sa kinabuhi sa eskwelahan.

Di pa lang dugay gipagawas ang rating sa mga tulunghaan sa Asia kung kinsa tong mga ngilngig ug performance. Subo palandongon nga wa gyuy eskwelahan sa Pilipinas nga misulod sa top 100 or top 200 o bisan sa top 300. Dili nalang nako isulti kung asa ta napadpad. Basta lajo pa ta sa tinuod.

Sa akong kabahin, dili kaayo ko motuo anang nindot nga eskwelahan. Apan ang nakaparat lagi kay husgaan ang imong abilidad kung asa ka mi-graduate. Bisan absenos nga estudyante ug sige ra ug pangopya sa tapad nga classmate apan mi-graduate sa University of “Famous”, dawat dretso sa trabaho sa way lipud-lipud ug way daghang pangutana.

Karon, unsaon man nimo mahimong ngilngig bisan wa ka mograduate gikan sa labing mahalon nga eskwelahan sa Pilipinas?

Unsaon man nimo pagtumpang sa mga pareha nimo ug kurso apan migraduate sa world-class nga tulunghaan?

Posible ba nga bisan gikan lang ka mi-graduate sa kanto-kanto diha sa liko-likong eskina apan ang kalibutan mosaludo nimo?

Ang akong tubag: mahimo kaajo.

Ang sekreto ana: kuhaa ang kurso nga BS-BS o Bachelor in Basa-basa. Mao ni nga term akong kanunay mahinumduman ni Boy Guingguing, publisher sa Sunday Post.

Ang akong gikagul-an karong henerasyona kay ang mga bag-ong tubo dili na mahigugmaon sa pagbasa. Kasagaran anaa na magyampungad anang computer games nga way hinungdan ug way hikabangkaagan inig human ug dula.

Ang uban sab sige ra ug chat ug kaha sige tan-aw ug TV. Kinsa pa may moadto ug bookstore karon aron mopalit ug libro? Kinsa pa may mobasa ug mga libro karon sa mamingaw nga kwarto? Mao ni usa sa mga butang nga wa na buhata sa atong mga bag-ong tubo.

Apan kung ikaw, hamtong o batan-on, nga nagbasa ning maong lindog sa Tumoy sa Bangaw, sultihan ko ikaw nga mahimo kang inila sa imong katakos kung gahinan mo ug higayon ang pagbasa.

Kung duna kay Internet connection, gamita ang Internet alang sa pag-ugmad sa imong kaalam ug kinaadman. Dili mo man mahimong mahibaloan ang tanang butang nga angay hibaloan sa tawo, apan daghan kang mabuhat alang sa imong katilingban ug alang sa uban tungod sa imong kahibalo.

Tungod sa pagbasa-basa sa atong mga scientists, daghang mga butang ang namugna karon nga wa unta mamugna kung wala pa sila magtuki mahitungod niining mga butanga diha sa pagbasa.

Hinumdumi nga way mohatag nimo ug diploma ug way mopalechon nimo kung mograduate ka ug BS-BS. Apan dili ka na mahinungdanon. Si Bill Gates wa mo-graduate ug college apan grabe mobasa ug computer books. Ang mga founders sa Google, mga kick-out sa college ug wa makakuha ug degree, apan naa sa silay BS-BS nga certificate.

Kung nagkinahanglan ka ug mga ebooks alang sa pagbasa-basa, ingna lang ko kay tagaan ti ka o adto sa www.tubagbohol.com kay daghan ta ug hisgutanan mahitungod sa kinabuhi ug kaalam sa tawo.

Linkback: https://tubagbohol.mikeligalig.com/index.php?topic=10358.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

Happy

  • GURU
  • ****
  • avatar_57 - Enroll now in Bachelor in Basa-basa - Pulong Bisaya
  • Posts: 9572
  • medal1 - Enroll now in Bachelor in Basa-basa - Pulong Bisaya
  • Ang "Bugon" ni ate Bambi
    • Share Post
xx - Enroll now in Bachelor in Basa-basa - Pulong Bisaya
Re: Enroll now in Bachelor in Basa-basa
« Reply #1 on: March 04, 2008, 02:54:20 AM »
Mike, nice article.

Maayo unta nga daghan ang makabasa ug makahinuklog niani.
"There's no perfect life, but we can let God fill it with perfect moments"



Share via facebook Share via linkedin Share via pinterest Share via reddit Share via twitter
 

Sign-up or Log-in Free

 
 
Welcome, Guest. Please login or register.
SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal