di pod baya tanang molupad motugpa.
bitaw, libro sa balak ni adonis durado ang
dili tanang matagak mahagbong. nia dinhi ang balak nga 'ang babayng way bilbil' nga nahipatik sa lain nga thread dinhi sa tb.
nia pod aning libroha ang balak nga 'balaki ko, day, samtang gasakay tag habalhabal'. gi-research nako kun nia na ba ning balaka sa tb ginamit ang tb search engine. wa man tingali kay wa man motumaw. ania ang balak:
Balaki ko, day,
Samtang gasakay tag habalhabal.
Idat-ol og samot
Kanang imong dughan
Ngari sa akong bukobuko
Aron mas mabatyag ko
Ang hinagubtob
Sa imong kasingkasing.
Sa mga libaong nga malabyan,
Gaksa ko paghugot
Sama sa lastikong
Mipungpong sa imong buhok.
Sa kainit sa imong ginhawa,
Gitika kining tingkoy,
Ang mga balili unya
Nga nanghalok sa atong batiis
Isipon tang mga dila.
Dayon samtang nagkatulin
Kining atong dagan,
Mamiyong tag manghangad
Ngadto sa kawanangan
Aron sugaton ang taligsik
Sa uwan, dahon, bulak.
- Adonis Duradodi sad tingali tanang wa matulog di matulog.
now i will lay me down to sleep. goodnight, tb netizens.
Linkback:
https://tubagbohol.mikeligalig.com/index.php?topic=33334.0