sinulat ni M. O. Ligalig
Dili na ko buot mahinumdum niadtong gabii
nga wa koy umoy nga naglakaw sa dalan M. Parras -
nga diin ang kalibutan buot modat-og kanako -
diin ang mga tingog sa kangitngit nagpanudya kanako -
mga tingog nga buot motuok kanako
aron ako hayaon diha-diha dayon
Nabati ko ang kalaksot sa ngiob nga kalangitan,
Daghan nga mga tingog sa pagpanghimaraot,
mga siyagit sa impyerno nga nagsunod kanako
Nasilag ka sa akong kasing-kasing
ug buot mo kining gupok-gupokon ug busa
imong gitamak-tamakan ang akong dughan
hangtud magusbat ang tibuok kong kalibutan -
imo akong gipatagamtam sa imong kabangis
ug nahisama ang imong matulisokong tingog
sa dakong bato sa kawanangan nga buot moligid kanako
Apan dili na ko buot mahinumdum niadtong maong gabii
nga diin ang mga kamot sa kangitngit buot moduslak
sa akong pagtuo sa Kahitas-an aron ako mahimong alaot
Dili na ko mahinumdum niadtong maong gabii...
Dili na...
Linkback:
https://tubagbohol.mikeligalig.com/index.php?topic=3778.0