Unsay title sa atong balakon "Kabaw"?
Well, I will try to fly high up--up to the sky like the....
TABANOG
Bagti ang kasakit sa imong pagpikas sa akong lawas
Di-in ang kaha-it sa sanggot nga midulas,
Baga nga kubal sa imong kamot mihapuhap, mihapyod
Gilud-an, giga-idan ang pag-bugkos sa kalipay gayod.
Katam-is, katunhay ang kaanyag sa kapula
Sama sa matam-is nga ngabil nga kanunay ginahagkan
Ampingi ang pag-gunit sa akong talagsaong kadan-ag
Aron dili magisi ang kanipis ug kalunsay para ugma damlag.
Sa patag sa kadarohan imong akong gigunitan sa katapusan
Gihapuhap ang ikog sama sa nangalimyon nga buhok
Gitugpo aron ni Bathala makita, gustong aboton ang langit
Di-in sa gibating kalipay, kay gibuhian..way pugong ang pag-singgit.
Kasidlak sa ka-init sa adlaw, huyohoy sa bugnaw nga hangin
Milatay sa sulod sa kaunoran, ako miki-ay sa ganang dili na mapug-ngan
Maoy natagamtam aron ang garbo, kaanyag sa uban makit-an
Apan sa kalit... sakit nga sagpa nga huros sa hangin misugat sa
Akong dalan...ulan, unos nga usahay sa tumang kasakit sa kainit
Sa akong kahidlaw kanimo, kanako nag-mugna ug nagpasakit.
Dili na mapug-ngan, kalipong sa kamingaw akong
Nahimuslan...nagisi kining kasing-kasing nga gi-ipit
Sa kagahi sa sanga nga maoy misugat sa pagbalik sa
Imong mga bukton, ang baga nga kubal sa imong kamot
Usab gikamingawang singgot ug ang iyang kahumot.
Ginahamdum.. mabati ang ka-init, mousab ug hapohap.
Aron ang nagisi, natun-as, di-in ang dun-as nga kaanyag,
Kining ngabil naluspad sa mabugnaw nga halok
Sa huros sa misugat nga hangin gipanamas-tamasan.
Bambi
What you think Mr. boylawas...okey na ni? Hala kamo napod.
kakuyaw sa imong balak oi maka Goose Bumps, Tabanog sa darohan gihapuhap ang ikog ug ang bugnawng huyohoy sa hangin milatay sa imong kaunuran ug ikaw mikiay sa ganang di na gyud kapugngan, ganahan ko ani nga passage kay dulot sa bukog jud. para nako daug na ka Bams. go Bambi Go..