Author Topic: Bisan Tubig Mahal  (Read 2542 times)

pioneer

  • To God be the glory alone
  • FOUNDER
  • GURU
  • *****
  • Posts: 18911
  • stay at home
    • View Profile
    • spiritual preparation
Bisan Tubig Mahal
« on: July 09, 2009, 09:12:47 PM »
Bisan Tubig Mahal
by Michael Ligalig
as published by the Bohol Standard


Usahay dili ko kasabot nganong labihang mahala ang presyo sa bottled mineral water. Gani pa man, labaw sa tinunga ang presyo sa mineral water dinhi sa ato sa Pilipinas kung ikomparar nako didto sa Thailand. Pareha ra man unta tubig. Kining maong produkto wa man unta niy daghang hago sa paggama kay human-daan naman ning tubig. Dawat-limpiyo nalang ang mga kompanya.

Ang padayon nga pagsaka sa presyo sa bottled mineral water miabot sa punto nga ang tubig mas mahal pa sa gasolina ug mas mahal pa sa softdrinks. Hinuon dili gyud ko ganahan moinom ug softdrinks kay para nako wa niy hinungdan sa lawas. Gani pa man, daghan nang mga pagtuon ang gihimo nga nagpamatuod nga ang softdrinks usa sa hinungdan sa pagkaylap sa sakit nga diabetes.

Karon, nagpasabot ba kini nga ang maulipon nalang ta hangtod sa hangtod sa kamahal sa presyo sa bottled mineral water? Ngano man sauna walay mineral water nabuhi man ang mga tawo? Ug gani pa, mas tag-as pa ang edad sa mga tawo? Mao nga kung nabuhi ang mga tawo sauna nga walay bottled mineral water, nganong dili man ta mabuhi karon?

Sulayon gyud seguro nato nga undangon sa pagpalit ug bottled mineral water aron tagaan ug leksyon ang mga kompanya nga nagpaturagas lang pagpasaka sa presyo niini. Problema ani kay daghan nang mga tawo ang na-sold-out sa advertisement nga mas makaayo sa lawas ang mineral water. Apan ang tinuod, dili kini tinuod. Ang natural nga tubig magpabiling dili hilabwan kung kaayohan lang sa lawas ang hisgutan.

Duna nay mga nasud nga misugod ug diskorahi sa ilang mga katawhan sa pagpalit sa bottled mineral water tungod lagi sa plastic nga basura nga gikahatud niini sa atong palibot.

Nahinumdum ko niadtong misaka sa Mt. Apo niadtong tuig 2002, usa sa among mga gibuhat mao ang paghipos sa mga inimnan nga botelya sa mineral water nagpasad sa mga dalan nga among naagian. Ug nasayod ta nga kining plastic dili gyud malata bisan pila pa ka gatos nga anyos nga mainitan ug maulanan.

Sa laktod nga pagkaestorya, ang binotelya nga mineral water nagdugang ug basura sa atong katilingban. Ang nahitabo mao nga ang atong gobyerno wala pa makakita ani nga problema. Apan sa ubang mga nasud, ang ilang gobyerno nahigmata na niini.

Usa pud sa angayan natong hinumduman nga dili makaayo sa lawas nga gamiton pag-usab ang gigamit na nga botelya sa mineral water. Matod pa sa mga health experts, kung natungab na nimo ang maong plastic bottle ug gamiton nimo pag-usab kini, daghang kagaw ang mosulod sa imong lawas. Malikayan lang kini nga mga kagaw kung ayo-ayohon ug hugas ang maong botelya ug kolitogon ang tanang ngilit sa baba niini sa dili pa tungabon pag-usab.

Dako ug makuha nga suliran sa problema kung ang mga tawo makaamgo na niining maong kamatuoran. Daghan usab ang makadaginot sa kwarta kung tanan nato didto lang gyud modangop sa purified water ba kaha.

Ug mahalan pa gyud ka sa bottled mineral, nia diay labing maayo nga imnom. Lubing butong. Mas hinlo pa ni sa purified nga tubig ug makahugas sa sulod sa imong lawas. Ayaw na sanggota nang imong lubi. Butong maoy padaghana. Ug tanom ug imong kaugalingong lubi kay tag-baynte pesos na ra ba ang usa ka butong kung imong paliton diha sa mga eskina sa syudad. Motumpang pud ang presyo sa butong sa presyo sa bottled mineral water. Kapait.

Mobalik ra lagi gihapon ta sa agriculture ani.

Linkback: https://tubagbohol.mikeligalig.com/index.php?topic=21053.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."
👇👇👇
Na-try mo na ba yung Tala app? Reliable sa unexpected expenses at laking tulong sa future! Use this code 9SO1TSL or visit www.tala.com to sign up!

unionbank online loan application low interest, credit card, easy and fast approval

Raquelproud boholana

  • LUMINARY
  • ***
  • Posts: 5112
  • mother of 4
    • View Profile
    • farm forum
Re: Bisan Tubig Mahal
« Reply #1 on: July 10, 2009, 12:16:08 AM »
balik ug pamaligya ug ice water.Ice water man toy uso sa una 25 cents ra gani to.Di na ta kita ug ice water karon baligya sa terminal puro na bottled water.

Linkback: https://tubagbohol.mikeligalig.com/index.php?topic=21053.0
"We may be surprised at the people we find in heaven. God has a soft spot for sinners. His standards are quite low"---Bishop Desmond Tutu


hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Bisan Tubig Mahal
« Reply #2 on: July 14, 2009, 07:17:56 PM »
Mananom tag lubi. Dili lang para sa butong, para pud sa greening sa atong dapit.

Linkback: https://tubagbohol.mikeligalig.com/index.php?topic=21053.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

benelynne

  • EXECUTIVE
  • EXPERT
  • *****
  • Posts: 2586
  • The good is the enemy of the best. John C. Maxwell
    • View Profile
Re: Bisan Tubig Mahal
« Reply #3 on: July 14, 2009, 09:11:32 PM »
Gipasigarbo ra ba ni bise gobernador Julius Herrera nga numero uno kuno nato nga kahinguhaan ang tubig. Nganong mura man lagi ug presyo sa disyerto nga gabuhagay ra man kaha ang tubig sa ato?

Linkback: https://tubagbohol.mikeligalig.com/index.php?topic=21053.0
Live out of your imagination, not your history.
 -- STEPHEN COVEY
http://www.facebook.com/photo.php?pid=4508115&id=710401074#/profile.php?ref=name&id=710401074

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Bisan Tubig Mahal
« Reply #4 on: July 14, 2009, 09:19:28 PM »
Morag naay gabuhagay nga sapi ani, da.

Linkback: https://tubagbohol.mikeligalig.com/index.php?topic=21053.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

insurectus

  • EXPERT
  • ***
  • Posts: 1141
    • View Profile
Re: Bisan Tubig Mahal
« Reply #5 on: July 17, 2009, 04:10:28 PM »
Adto palit og tubig kanang naay refilling station, I think naa ra sa 10 pesos ang 1 liter
then tag 25 ang 5 gallons pero dapat imo ang basiyo

Linkback: https://tubagbohol.mikeligalig.com/index.php?topic=21053.0

unionbank online loan application low interest, credit card, easy and fast approval

Tags: