Ania na usab ang usa sa ahong mga balak nga namugna sa niaging tuig.Basi kini sa ahong tinood nga gibati adtong mga panahona...
Binuhat nga Mangingiladby Julai
Imo akong gipatoo sa imong mga pulong
nga nakapaluya sa akong bayhon.
Tungod sa akong kahuyang
nitoo ako sa walay langan langan.
Apan ako na lamang namat an
ang sakit nga kamatuoran.
Imo diay akong gi ilad
aron ipakita ang imong abilidad.
Ug sa wa damha ikaw na bawsan
sa imong dautang binuhatan.
Ako na lamang na hibaw-an nga ikaw gibiyaan
sa imong gihulip niining samaran.
Apan madaugon gihapon ako
tungod kay ikaw nag cge ug pangaliyopo
nga ako mobalik sa imong kiliran.
Pagkaalaot mo binuhat nga biniyaan.
Bisan pa sa ahong dakong gugma diha kanimo
apan di na gyud ko mobalik pa diha kanimo
kay human mo na ako gi ilad
busa di na ako mousab.
Ug karon imo na usab nga torno
sa pagbakho ug pagpangagho.
Tungod kay imo nang na batyagan
nga ako diay gihapon ang gipitik sa imong galamhan.
Igo kana lamang sa paghandom
sa atong matam-is nga kagahapon.
Tungod kay ikaw ako nang tangtangon
sa akong alimpatakan ug panumduman.
Ug mag antos ka sa dakong pagmahay
tungod kay ako kanang isalikway.
Binuhat nga mangingilad
dili ka na angay tagaan ug luna niining dughan nga nasamad.
Linkback:
https://tubagbohol.mikeligalig.com/index.php?topic=2501.0