ni Jose Lebumfacil Tomarong
c/o PIO, City Hall, Talisay City, Cebu
I
Papuy-a kanunay ang hingpit
Nga Langit diha sulod
Sa imong kasingkasing
Ug kawad-an ka na sa higayon
Nga mahimo pang ilaga
Nga matukob sa iring.
II
Miingon ang pari kinahanglan
Nga ang mg Senior Citizen
Mopahiyom, ayaw ang suliran
Himoang problema.
Ug sa pagkabati ko niini
Midilaab ang kalayo sa balak.
Tinuod, kinahanglan ang
Senior Citizen magpahiyumon,
Kay bisan ‘korduroy’ na ang nawong,
Sa pahiyom panagway mabatan-on
Kay ang pahiyom maoy kahayag
Sa Adlaw nga mobuak sa dag-om,
Ulan mangatagak, mopabuklad
Sa mga bulak, momugnag
Mga balak, unya ang katahuman
Mosidlak daw bituon nga
Wala nay pagkatagak.
Gipatik sa mantalaang SuperBalita Cebu Hulyo 16, 2011. Linkback:
https://tubagbohol.mikeligalig.com/index.php?topic=42262.0