SA UNA NAKONG PAGSAKAY OG JEEP Miraflor Saldua, Almaluna Lumapac
Jeren Pacatang, Lovely Desiree Sunog
Alas 4:15 sa kahaponon , samtang ako pauli na sa balay nga akong giabtan salayo pa lamang naa koy namatikdan, usa ka babayeng seksi, hubag kayo nga nagbarog kilid sa kalsada nga gakaway-kaway sa iyang kamot og nasabtan ko nga buot niya nga mosakay og jeep. Daghan nang jeep nga nilabay pero wala gayod siya hunongi. Sa dihang ako nagkaduol na sa iyang nahimutangan naklaro ko gayod og taman ang iyang kaanyag. Dili gayod nimo mabatyagan ang iyang ka inosente. Ako siyang gipangutana og misaysay siya kanako nga hagbay na diay siyang nag-atang og jeep para iyang masakyan. Dayon hangtod karon, kilum-kilum nalang, wa pa gayud siya kasakay. Bantog ra nga bug-at kayo iyang nawong. Mao nga ako siya gisuginlan nga, “ Miss kini imong gibarugan dili kini hununganan og sakyanan, ang jeepney stop tua sa unahan.†Namatyagan ko gayaod sa iyanag panagway nga siya naulaw og dali-dali siyang milakaw padulong sa lugar na akong gitudlo kaniya. Pagka alegriha sa nahitabo bay! Nahinumduman ko hinuon ang akong kasinatian niadtong panahon nga una kong pagpuyo diri sa dakbayan sa Sugbo.
Sayo kadto sa kabuntagon nga padulong ako sa tunghaan. Abli karon sa klase. Kinahanglan kong mosakay og jeep kay kadto layo man. Nakulbaan kog taman, dughan ko daw kumbo nga nagbuto-buto kay wala man koy kauban padulong sa akong tunghaan. Nahadlok ko nga maulahi sa klase ka yang mga jeep wala gayod ako hunongi, ngano kayha? Taud-taod pa niabot ang usa ka jeep nga pula og nay usa ka tawo nga nagkabyon sa gawas og nagsinggit-singgit nga, “ Jones! Jones!†Akong gikawayan og gisinggitan, “Pasakya ko noy, kay hapit na ko ma late sa among klase!†Mitubag ang kundoktor nga, “Sa unahan day, sa unahan!†Mihayag ang akong panagway kay ako na makasakay. Adto pa gayod sa atubangan, ah…murahag naka tag-iya bay. Apan nahibulong ako nga nilarga man ang jeep, mao nga akong gigukod kay nanghinaot lagi nga makalingkod sa pronsit. Ay sus pagkatoytoy bay, ang ipasabot man diay sa kundoktor nga adto sa unahan kay didtoang hunonganan sa jeep para dili madakpan. Sus! Nakaingon ko sa akong kaugalingon nga pagkalas-ot ba dinhi sa syudaduy. Magpili man og hununganan. Sa amoa bisag asa pwede raman, Mao nga nabag-uhan gayod ako da.
Pilahi ray istorya gud, nakasakay gayod ako sa jeep. Pagsaka nako sa jeep, tanan nilang mata naa kanako. Wala baya ako nakaila kanila. Mao nga nahibulong gayod ako og maayo. Ahh, basin naa koy morning star. Busa akong gihikap ang kilid sa akong mga mataug tuod naa may hait-hait, mao na siguro to. Midayon ko sa paglingkod og lagi buntag sayo man daghan gayod ang pasahero. Ako na pod nga namatikdan nga ilang ilong ilang gipangsampungan. Ako man siguro ang nangalisbo? Naligo man unta ko! Busa nakuryoso ako pag-ayo. Busa akong gihinay-hinay og duko ang akong ulo, kunohay katol akong suwang,pero diay to akong gisimhot ang akong ilok, wala man gyoy baho. Apan wa gayod ako makontento kay basin ako gyud ang nanimaho. Mao nga kunohay akong giayo ang akong shoulder bag pero ako diay tong gihapit og kuot ang akong ilukan. Nasayop diay ko sa akong pagtuo kay dili lagi ako ang nangalisbo. Nia paman gani ang hait-hait nga tawas nga akong gibutang kaniha pagkahuman nako og kaligo. Dili gayod ako ang nanimaho. Nakuyawan na pod ko og unsaon naku pag-ingon og hunong. Maayo nalang gani kay naa pareha naku og gisul-ob. Lalag ang ibabaw og budlis-budlis ang ubos. Mao nga nakaingon ko nga kini kauban ko gayod kini. Pagtuktuk niya nahibulong ko, nihunong man ang jeep dayon ninaog dayon siya. Sa akong karatol nisunod pod ko sa pagnaog. Nakaingon ko nga, “Hay salamatabot na gayud ako.â€Midalagan ko sa pagtabok kay nagkidlap-kidlap naman ang tawo-tawo ibabaw niadtong poste. Sumala pa gani to sa akong amahan nga basta mo pula na gani ang tawo-tawo dili na pwede molabang pero og magkidlap-kidlap pa gani pwede pa na basta modalagan lang. Apan gihulbawan ko sa kunduktor nga, “ Hoy! Imong plete uy! Mamumukong kang daku ha!†Hala nakalimot man diay ko og plete. Naa gyod baya koy kwarta. Bag-o pa baya kong gipadal-an ni Mama. Paghuman naku og bayad sa kunduktor, mikaratel ko og tabok. Diha-diha may nadunggan akong tingog sa kulina. Akong gilisu-liso akong ulo kung dis-a nagagikan kadtong mao nga tingog. Akong nahibaw-an na kadto nagagikan sa tawo nga nagsanina og orange.ako diay ang iyang gikulinahan. Naglaksi dayun siya og resibo og iya nga gitunol kanako. Iya ko giingnan, “J-walking ka day, bayad o seminar?†Akong nga mihunong naman d isa pagkidlap-kidlap ang pula nga tawo-tawo. Ako siya nga gipasabot ug maayo gani kay siya nakasabot ra. Ako mipadayon sa paglakaw padulong sa akong tunghaan. Pagsulod naku sa gaatae giingnan ko sa guwardya nga, “ I.D. nimo day. Unsa man ka estudyante o pulis?†Sus! Ginoo ko, nakalimot man diay kog suot sa akong I.D.. Pagsulod gyud naku sa tunghaan mao kini ang nibantang sa akong panan-aw sa usa ka bulletin board. “LEARN FROM YOUR MISTAKES.â€
Hay…..baya kadtong hitaboa. Hala! Nagdag-um,magdali ko sa paglakaw para dili ko maabtan og ulan.
Linkback:
https://tubagbohol.mikeligalig.com/index.php?topic=25797.0