Lazada Philippines aff_i?offer_id=3127&file_id=94990&aff_id=150634 - Ang Tikarol - Pulong Bisaya

normal_post - Ang Tikarol - Pulong Bisaya Author Topic: Ang Tikarol  (Read 688 times)

hubag bohol

  • AMBASSADOR
  • THE SOURCE
  • *****
  • avatar_2343_1427652107 - Ang Tikarol - Pulong Bisaya
  • Posts: 88480
  • medal1 - Ang Tikarol - Pulong Bisayamedal2 - Ang Tikarol - Pulong Bisayamedal3 - Ang Tikarol - Pulong Bisayamedal4 - Ang Tikarol - Pulong Bisayamedal5 - Ang Tikarol - Pulong Bisayamedal6 - Ang Tikarol - Pulong Bisayamedal7 - Ang Tikarol - Pulong Bisayamedal8 - Ang Tikarol - Pulong Bisayamedal9 - Ang Tikarol - Pulong Bisaya
  • "Better to remain silent and be thought a fool...
    • Share Post
xx - Ang Tikarol - Pulong Bisaya
Ang Tikarol
« on: July 22, 2015, 02:10:00 PM »
Sugilanon ni Carmelo D. Lariosa
Panadtaran, San Fernando, Cebu


GIPINTALAN ni Sisoy ang iyang sakayan kay gusto niya nga itingob na lang niya ang iyang kaugalingon sa pagpanagat. Nakahukom siya nga dili na mobalik sa iyang gitrabahoan nga machine shop didto sa siyudad. Naglikay si Sisoy kay basin unyag dunay buhatong dili maayo ang igsuon ni Amor kaniya. Kagahapon may mitaho kaniya nga dili kuno siya lung-an hangtod nga dili nila makita nga siya wala nay kinabuhi.

Samtang nagpadayon sa iyang buhat si Sisoy nabati niya ang tingog sa usa ka tikarol. Kining langgama dugay nang nagpuyo diha sa kahoyng Mulbolan. Duha kini sila kaniadto, apan ang usa, ang laki nga tikarol, napusilan sa mga nangayam diha sa katunggan sa unahan. Nindot kining maong langgam, tag-as og sungo nga takos sa pagtukob sa mga isda nga buot niining dagiton. Hasta mga kasag sa hunasan, mga takla, ug mga agukoy dili makalikay sa tikarol. Namatikdan ni Sisoy nga kanunay magpaatbang kaniya ang tikarol. Morag naanad na kini sa bayhon ni Sisoy kay anha man kini batog sa sanga sa Mulbolan dili halayo sa sakayan ni Sisoy.

Unya nahinumdom siya kang Amor ug kadtong hapon kanus-a gitabangan siyang kulata sa barkada ni Rossel, igsuon ni Amor. Diha gani si Ireneo, amahan ni Amor, nga miabiba sa nangulata kaniya. Nagkanayon kini, “Hala, bun-oga ninyo nang pobreng dako!” Nadungog sab niya ang tingog ni Amor nga mibadlong sa nangulata kang Sisoy. Apan dili niya sala ang nahitabo. Si Amor maoy dakog gusto kaniya. Kini usab ang nangitag lugar nga magkakuyog sila ug manuroy sa siyudad. Ug nahitabo ang iyang gikahadlukan, nagmabdos si Amor. Wala kini malilong sa pamilya sa dalaga nga maoy tag-iya sa machine shop nga iyang gitrabahoan. Nakahukom siya nga moundang sa maong trabaho.

Nahaigking si Sisoy dihang may tingog sa babaye nga misangpit kaniya.

“Amor, giunsa nimo pagtultol dinhi sa among sityo?” ni Sisoy nga nasurprisa apan gibatig kalipay nga gisambugan og kaguol, kay segurado man nga pangitaon gyud si Amor sa ginikanan niini ug mga igsuon kay pinangga man.

“Nagpangutana ko didto sa lungsod,” hinay nga tingog ni Amor.

“Wa lang unta ka moapas nako dinhi, Amor!” may kabalaka ang tingog ni Sisoy. “Delikado kaayo kay pangitaon man ka nila.”

Linkback: https://tubagbohol.mikeligalig.com/index.php?topic=80588.0
...than to speak out and remove all doubt." - Abraham Lincoln

Lazada Philippines aff_i?offer_id=3127&file_id=94992&aff_id=150634 - Ang Tikarol - Pulong Bisaya

hubag bohol

  • AMBASSADOR
  • THE SOURCE
  • *****
  • avatar_2343_1427652107 - Ang Tikarol - Pulong Bisaya
  • Posts: 88480
  • medal1 - Ang Tikarol - Pulong Bisayamedal2 - Ang Tikarol - Pulong Bisayamedal3 - Ang Tikarol - Pulong Bisayamedal4 - Ang Tikarol - Pulong Bisayamedal5 - Ang Tikarol - Pulong Bisayamedal6 - Ang Tikarol - Pulong Bisayamedal7 - Ang Tikarol - Pulong Bisayamedal8 - Ang Tikarol - Pulong Bisayamedal9 - Ang Tikarol - Pulong Bisaya
  • "Better to remain silent and be thought a fool...
    • Share Post
xx - Ang Tikarol - Pulong Bisaya
Re: Ang Tikarol
« Reply #1 on: July 22, 2015, 02:10:24 PM »
Wala motingog si Amor nga dako nag tiyan. Wa na lang magdaghan pag sulti si Sisoy, gidala niya si Amor sa iyang payag nga dili halayo sa ilang nahimutangan.

Sa pagpanglabay sa mga adlaw naanad na si Amor pagpuyo uban kang Sisoy. Wa siyay reklamo sa ilang pagkaon nga sagad kan-on sa mga kabos, sama sa mga kinhason sa dagat, mga isda nga kuha ni Sisoy sa iyang pagpanubid sa dagat. Nalingaw usab si Amor sa tikarol. Alang kaniya ang tikarol maoy hulagway sa usa ka tawo nga naningkamot nga mabuhi ug nagsalig sa dagat. Kausa nakita kini ni Amor nga midayib sa katunggan ug midagit sa kasag sa iyang paglupad. Sa sunod bulan manganak na siya sa bunga sa ilang pagminahalay ni Sisoy.

Usa ka buntag samtang naghulat siya kang Sisoy nga didto sa dagat, may nakita siyang duha ka tawo. Si Rossel, ang bagis niyang igsuon, kuyog sa usa ka barkada.

Ug paglingi niya habig sa tuo mao usay pagdunggo ni Sisoy. Ug sunod niyang nadungog mao ang lanog nga buto sa armas de fuego. Nalantawan niya nga napaluhod si Sisoy sa kilid sa iyang sakayan. Midagan si Amor apan dili siya makabuylo kay dako na iyang tiyan. Misinggit na lang siya sa ngalan sa iyang maguwang, “Manoyyy Rossellll, maluoyyy kang Sisoyyyy! Di ko gusto nga matawo kining akong gimabdos nga way amahannnn!!!”

Ug sa misunod nga mga gutlo mipuli ang kahilom. Mibanos ang tingog sa tikarol nga daw magul-anon nga nagbatog sa sanga sa Mulbolan. Gigakos ni Amor si Sisoy, nga nagdunguyngoy. (Katapusan)


Gipatik sa mantalaang SuperBalita Cebu Hulyo 22, 2015.

Lazada Philippines aff_i?offer_id=3127&file_id=94992&aff_id=150634 - Ang Tikarol - Pulong Bisaya


Share via facebook Share via linkedin Share via pinterest Share via tumblr Share via twitter

xx
Tikarol

Started by hubag bohol on Photos Unlimited

32 Replies
4054 Views
Last post August 18, 2012, 03:35:56 PM
by hubag bohol
 

Booking.com

Latest Topics

Vital tire sealant for motosists now in market by MIKELIGALIG.com
[Today at 03:33:22 PM]


Cusi Statement on ERC Commissioners Suspension by MIKELIGALIG.com
[Today at 03:30:43 PM]


Bangus Fingerlings for Fishermen by MIKELIGALIG.com
[Yesterday at 09:22:24 PM]


Difference between 'complete' and 'finish' by islander
[Yesterday at 02:10:04 PM]


Philippines top victim of cyber attacks by islander
[Yesterday at 12:01:31 PM]


Zebra by MIKELIGALIG.com
[Yesterday at 09:16:46 AM]


Fish by MIKELIGALIG.com
[Yesterday at 09:14:51 AM]


Best Friends by hubag bohol
[January 14, 2018, 11:15:07 PM]


Dahon sa saging by hubag bohol
[January 14, 2018, 07:56:50 PM]


Days in the life of Aylandil by hubag bohol
[January 14, 2018, 07:55:22 PM]

SMF spam blocked by CleanTalk
Lazada Philippines aff_i?offer_id=3127&file_id=94992&aff_id=150634 - Ang Tikarol - Pulong Bisaya
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2018, SimplePortal