ANG KARITONSa akong paghangad, naglurat
Ang mata sa Buwan nga natuk-an
Sa nakitang gantuong nga giugom
Sa nakaparadang kariton sa daplin
Sa pedestrian lane sa Colon.
Nagpid-ok-pid-ok ang suga sa gisakyan
Kong dyip samtang ang bosina gisap-ongan
Sa haw-ang nga mga sugilanon.
Naminaw kos hinunghongay
Sa mga lamok nga nagkuwarantena
Sa kariton apan sa akong nadungog walay
Usa kanila nga nagmaskarag kaisog
Nga manguhit sa duha ka binuhat
Nga gigakos og hilom
Ang pahiyom sa kagabhion.
Linkback:
https://tubagbohol.mikeligalig.com/index.php?topic=1946.0